१ तिस्लुनि 5:11 - Muria Far Western

¹¹ इन्जोर इदेक निमाट बदाम किसोर मन्दिट अदामे वरोन दुसरोन आत्मिक प्रोत्साहन किम्ट अनि वरोन दुसरोन प्रबुना विस्वासते मजबुत किसोर मन्ट।

१ तिस्लुनि 5:11 Iomraidhean Croise

रोमि 14:19

इन्जोर माक दरोज वरोर दुसरोनासंग शान्तिते मन्दान साटि कोसिस कियाला पहाजे अनि वरोर दुसरोना विस्वासतिगा मजबुत बनेमायान साटि मदत कियाला पहाजे।

रोमि 15:14

हे नावोर बायि-दादालोरक, निमाट सोबाय स्वभावते मन्तोरिट। अनि मिकुन बाताल कियाना उचित मन्ता अदेन पुरा पुन्तोरिट इन्जोर निमाट वरोर दुसरोन करिहला परान्तोरिट इदाम नना पुरा रितिते पुन्तोना।

रोमि 15:2

अनि आपुनोर विस्वासि बायि-दादालोरकुन, विस्वासते मजबुत बनेहकियान साटि दुसरो लोकुरक साटि बोद भलायिता मन्ता ओदे किस ओरकुन गिरदा किम्ट।

१ कुरिन्थुस 10:23

“माकुन सबोय पोल्लो कियान साटि लेहचितुर” इन्जोर मियागडाल हुचुलोर लोकुरक इन्तोरक। मति विस्वासतिगा मजबुत कियान साटि सबोय पोल्लोंग बाताले फायिदाता अनि मदतता हिलेंग।

१ कुरिन्थुस 14:12

पवित्र आत्मा हिता वरदानकुन पुटहान साटि मिया पकाय इच्चा मन्ता इन्जोर येसुना दलतुन विस्वासते मजबुत किन्तांग ओव वरदानतुने पुटहान साटि निमाट पकाय कोसिस किम्ट।

१ कुरिन्थुस 14:29

अदामे इवुर या मुवुर लोकुरे परमेस्वरना पोल्लो वेहिर अनि पिसतोर लोकुरकुन परमेस्वरना ओद पोल्लोता बारेते पिसतोर लोकुरक ध्यानते विचार केविर।

१ कुरिन्थुस 14:5

निमाट सबोय लोकुरक अन्जान बोलिंग वळकाट इन्जोर नावा इच्चा मन्ता। मति इदेनताल निमाट परमेस्वरना पोल्लो वेहाट इदाम नावा पकाय इच्चा मन्ता। बाक्याकि मसिलोकुरा सभातुन विस्वासते मजबुत बनेकियान साटि अन्जान बोलितांग अर्थ समजेमास वेहवाल बोरे मसिलोकुरा सभातिगा हिलेर ते अन्जान बोलिंग वळकवालताल परमेस्वरना पोल्लो वेहवाल मसिलोकुरा सभातुन पकाय मदत किन्तोर।

२ कुरिन्थुस 12:19

माक इद सबोय माकुन पिसहान साटि इन्दिला आतोरोम इन्जोर निमाट लोकुरक बाताल इदेक वने समजेमास मनकिट बहे? परमेस्वरना मुने इदाम समजेमास सबोयि मसिना चेला आस इन्दिला आतोम। हे गोतियालोरक, इद सबोय पोल्लोंग निमाट विस्वासते मजबुत आयान साटि इन्दिला आतोरोम।

इफिसुस 4:12

अनि ओर लोकुरा सेवाता द्वारा मसिना मेन्दुल मन्ता ओद मसिलोकुरा सभातुन मसिना संबन्दते मजबुत बनेहकियाना साटि परमेस्वरना सबोय लोकुरकुन तयार कियाना मन्ता।

इफिसुस 4:16

अनि मेन्दुलता अलग अलग भागता बुतो अलग मन्ता। अनि ओद अलग अलग भाग आपुना आपुना बुतो मयाते बराबर किसुन सबोय मेन्दुलतुन बरसाना अनि मजबुत कियान साटि मदत किन्ता। इदाम ओनिगा सबोय विस्वासि लोकुरक मेन्दुल लेहका उन्दि आस सबोय परिस्थितिते जोळेमास मयाते बरसोरिंग मन्तोरक।

इफिसुस 4:29

बोर केन्जनुर अदेनते ओरा भला आयि इन्जोर लोकुरकला मदत साटि जरुरि मन्ता सोबाय पोल्लो वळकिला पहाजे मति बोदायि खराब पोल्लो मिया टोडिताल पसियमाकि।

१ तिस्लुनि 4:10

अनि मकिदुनिया प्रदेशता सबोय विस्वासिलोकुरक इदाम आपसता मया किन्तोरिट। मति हे बायि-दादालोरक, असा वने निमाट आपसते मया किसुन मुने हन्ट इन्जोर माक प्रोत्साहन किन्तोरोम।

१ तिस्लुनि 4:18

इद पोल्लोते निमाट वरोन दुसरोन समादान हिसोर मन्ट।

१ तिमुति 1:4

अनि खोटाल उपदेश करिहवालोरक आपुना पिळि पिळिता कालपनिक पिटेंग अनि आपुना दादा दादि लोकुरकना अनन्त वंशावलिता बारेते बहस किन्तोर, इदाम खोटाल उपदेश करिहवालोरकना सबोय पोल्लोतुन रोकेकिम बाक्याकि इद बहस परमेस्वरना योजना अनुसार आयो। अनि परमेस्वरना बुतोतुन परमेस्वरनिगा भरोसा किसुन कियाला पहाजे मति इद बहस खरोय विस्वासते मुने हन्दान साटि बसकेय मदत केवो।

यहुदि 10:25

हुचुलोर लोकुरक मसिलोकुरा सभातिगा मन्ता प्रार्थना कार्यक्रमतुन दरोज तासिस दान्तोर मति माक ओरा लेहका मावा प्रार्थना कार्यक्रमतुन बसकेय तासिमाट। इचोने आयो प्रबु येसुना असा मलस वायान दिया पकाय हेरे वातु इन्जोर वरोन दुसरोन मया कियाना अनि विस्वासते मजबुत मन्दाना साटि वरोन दुसरोन असा पकाय प्रोत्साहन किसोर मन्ट।

यहुदि 3:13

मति मियागडाल बोरे लोकुरकुन पापताल मोहनिकिस मिया मन कटोर केमाकिर इन्जोर “नेन्ड” इदाम बोद दियावनाह इन्तोर अचोवनाह सबोय दियांग वरोन दुसरोन सहारेह किसोर मन्ट।

२ पतरस 1:12

इन्जोर निमाट इव पोल्लोंग पुन्तोरिट, अनि बोद खरोय पोल्लो मिकुन पुटता अगा टिकेमास मन्तोरिट ते वने नना मिकुन इव पोल्लोंग असा आलहिच हियान साटि दरोज तयार मनका।

यहुदा 1:20

मति हे प्रिय गोतियालोरक, निमाट आपुना पकाय पवित्र विस्वासते मजबुत किस पवित्र आत्माते प्रार्थना किसोर मन्ट।