१ तिस्लुनि 5:10 - Muria Far Western

¹⁰ अनि माक जिवित मन्तोरोम या हास मतोरोम ते वने मावा साटि हातोर मावोर प्रबु येसु मसि वायाना बेरा ओनासंग माक वने असा जिवेमायन साटि ओर प्रबु येसु मसिना द्वारा पुटता मुक्तितुन पुटहान साटि परमेस्वर माकुन ठहरे कितुर।

१ तिस्लुनि 5:10 Iomraidhean Croise

मत्ति 20:28

नना मानेयतोर मरि नावा सेवा किहाना साटि आयो मति नना दुसरोना सेवा कियान साटि अनि पापता बन्दनते मतोरक पकाय लोकुरकुन लेहचियान साटि आपुना जिवा अदेना किमत आस हेविर इन्जोर वातान।”

युहनाल 10:11

बेस मेहवाल ननाय आन्दान। अनि बेस मेहवाल ओना बेळानुंग पिसहान साटि आपुना जिवा वने हिन्तोर।

युहनाल 10:17

अनि नना असा जिवेमायान साटि आपुना जिवा हिन्तोना इन्जोर नावोर बाबो नाकुन मया किन्तोर।

युहनाल 15:13

अनि बोरायि आपुनोर गोतियाह साटि आपुना जिवा हेविर इदेनताल हजोर मया बोनाय हिले।

रोमि 8:34

पजा बोर ओरकुन दोषि ठहरे किया परान्तोर? इदाम बोरे हिलेर! बाक्याकि येसु मसि मावा साटि हातुर। इंगो, ओर हातोरिगाडाल असा जिवेमातुर अनि परमेस्वरना तिन्दान कय बासा उदितोर अनि परमेस्वरना मुने मावा साटि विनन्ति वने किन्तोर।

१ कुरिन्थुस 15:3

बाक्याकि नना येसु मसिनिगाडाल येचुन मिकुन इन्ज मता ओद सोबाता पोल्लोता सबोयताल महत्वता पोल्लो इद मन्ता: पवित्र पुस्तकतिगा कोटता लेहका मसि माकुन पापता दन्डताल पिसान साटि हातुर,

२ कुरिन्थुस 5:15

अनि जिवित मन्तोरक ओर लोकुरक इदेक आपुना साटि जिवेमायमाकिर मति बोर सबोय लोकुरक साटि हासुन असा जिवेमातोर ओर मसिना साटि जिवेमायिर इन्जोर मसि सबोय लोकुरक साटि हातोर।

२ कुरिन्थुस 5:21

मसिनिगा बोदे पाप हिले आसि माक ओना द्वारा परमेस्वरना मुने येताना योग्य ठहरे मायिला पहाजे इन्जोर परमेस्वर मावा पापतुन ओना पोरो इरस मावा पापता साटि बलि बनेहकितुर।

इफिसुस 5:2

अनि मावा पिसाना साटि मसि आपुनतुन मधुर दयमुरता रुपते परमेस्वरतुन भेटता अनि बलिदान किस अर्पण कितुर। इन्जोर मसिहाल मिकुन बदाम मया कितुर अदामे निमाट वने वरोन दुसरोन मया किस जिवेमाम्ट।

१ तिस्लुनि 4:13

हे बायि-दादालोरक, बोर येसु मसिनिगा विस्वास किस हातोरक ओर लोकुरकना बारेते निमाट समजेमायिला पहाजे इन्जोर माक इच्चा किन्तोरोम। बाक्याकि येसु मसिनिगा विस्वास केवोर आस हातोर लोकुरकना बारेते बोदे आशा हिले। अनि निमाट ओरा लेहका दुःख किसुन मनमाट।

१ तिस्लुनि 4:15

बाक्याकि प्रबुना वायाना बेराते बोर जिवित मन्तोरक ओर विस्वासिलोकुरक हातोर लोकुरकना पहले प्रबुन मिलेमायोर आयनुर इन्जोर माक प्रबुना पोल्लोता अनुसार मिकुन इन्तोरोम।

१ तिस्लुनि 4:17

इदेना परके ओद बेरा जिवित मन्तोरोम माकुन, ओर लोकुरासंग आबारतिगा प्रबुन मिलेमायान साटि ढगिंग पोरो ताहानुर अनि इदाम माक दरोज प्रबुनासंग मनकोम।

१ तिस्लुनि 5:6

इन्जोर निमाट अविस्वासि लोकुरक लेहका मिया हेरे बाताल बाताल आन्ता अदेना बारेते पुन्वाप लेहका मनमाट मति निमाट पकाय ध्यान किसुन आपुना मन अनि मेन्दुलतुन नियन्त्रन किसोरिन मन्ट।

१ तिमुति 2:6

ओर सबोय लोकुरा पापता पिसाना साटि आपुना जिवनतुन कुरुसतिगा बलिदान हितुर लेहचियानाता इद गवाहि परमेस्वर सबोय लोकुरकुन खरोय बेराते हितुर।

२ तिमुति 2:11

अनि माक येसु मसिना संग हातोम ते येसु मसिना संगे जिवेमायिकाट;

तितुस 2:14

अनि मावा गलतिताल पिसान साटि अनि भलाता बुतो कियान साटि पकाय तयार मन्तोर लोकुरकुन आपुना साटि शुद्धि कियालाय येसु मसि मावा साटि हातुर।

१ पतरस 2:24

माक पाप संबन्दताल हास दारमिकता साटि जिवन जिवेमायकाट इन्जोर ओर आपुना मेन्दुलतिगा मावा पापतुन येचुन कुरुस पोरो अन्जतोर, ओना मार तिन्दानाता कारण निमाट चंगा आतोरिट।

१ पतरस 3:18

बाक्याकि मसिहाल वने माकुन परमेस्वरना संबन्दते ओयिर इन्जोर ओर निरदोष मतोर ते वने माक पापि लोकुरक साटि उन्दि बेरा दुःख ताहतुर। अनि मेन्दुलते ओन हायानाता दन्ड पुटतु मति पवित्र आत्माता लावदे ओन असा जितो कितुर।