१ तिस्लुनि 4:9 - Muria Far Western

⁹ अनि सबोय विस्वासि लोकुरकुन मया कियानाता बारेते मिकुन कोटानाता जरुरि हिले इन्जोर निमाट पुन्तोरिट, बाक्याकि निमाट आपसते मया किम्ट इन्जोर परमेस्वर मिकुन करिहतोर।

१ तिस्लुनि 4:9 Iomraidhean Croise

मत्ति 22:39

अनि दुसरो नियम इदेना लेहका मन्ता ‘निमा आपुना हेरेटोरकुन आपुना लेहकाय मया किम’।

युहनाल 14:26

मति बाबो नावा पोरोयदे लोहानुर ओर मदत केवाल मन्जे पवित्र आत्मा मिकुन सबोय पोल्लोंग करहानुर अनि बारायि आयि नना मिकुन इतोना अव सबोय पोल्लोंग मिकुन आलिहच हियानुर।

बुतोंग 4:32

प्रबु येसुनिगा विस्वास कितोरक उन्दि मन अनि उन्दि जिवाते मतोरक; ओरक आपुना धन संपतितुन नावा संपति इनोर आन्दुरक इन्जोर ओरा हेरे मता सबोय चिज आपसते तुसिन्दुरक।

रोमि 12:10

निमाट वरोन दुसरोन हेलाळ तमोना लेहका मया किसोर मन्ट अनि आपुनताल दुसरोन पकाय महत्वतोर समजेमास ओरा आदर किम्ट।

२ कुरिन्थुस 9:1

परमेस्वरना लोकुरक साटि दान हियाना सेवाता बारेते नना मिकुन कोटाना जरुरि हिले।

फिलिप्पि 3:15

मावानिगाडाल बचोलोर पका मन्तोर ओर सबोय लोकुरक इदामे विचार किम्ट; अनि इदेना बारेते मिकुन बोदायि दुसरोय विचार मन्दार ते परमेस्वर अदेन वने बराबर समजेकिस हियानुर।

१ तिस्लुनि 5:1

अनि हे बायि-दादालोरक, प्रबु येसुना वायानाता बेरा अनि काळतांग बारेते असा वने मिकुन कोटानाता जरुरि हिले।

यहुदि 10:16

“ओव दियाना पजा नना ओरासंग कियाका ओद करार इदाम मन्ता: नना आपुना नियमतुन ओरा मन्दिगा हियाका अनि नना अदेन ओरा मन्दिगा कोटका इन्जोर प्रबु इन्तोर”

यहुदि 13:1

निमाट मसिना कारण बायि-दादालोरक आन्तोरिट इन्जोर वरोन दुसरोन आपुना बायि-दादालोरक लेहका मया किसोर मन्ट।

१ पतरस 3:8

आकरिते सबोयजन उन्दि मन अनि दयावाले अनि तमो लोकुरकुन मया केवाल अनि करुणामय अनि नम्र बने माम्ट।

१ पतरस 4:8

अनि सबोयताल हजोर पोल्लो वरोन दुसरोनताल पकाय मया इराट इन्जोर मन्ता, बाक्याकि मया पकाय पापतुन मुचिन्ता।

२ पतरस 1:7

अनि परमेस्वरना गिरिदा कियाना बुतोंगता संग वरोन दुसरोन मदत कियाना साटि दया अनि दयातासंग बन्धुभावता मया विळहाना साटि सबोय प्रकारता कोसिस किम्ट।

१ युहनाल 2:10

बोरायि आपुना तमोन मया किन्तोर ते ओर वेळिचितिगा मन्तोर अनि ओर आपुना तमोन पाप कियाना साटि कारण आयोर।

१ युहनाल 3:11

अनि मुनेटाले निमाट केन्जता पोल्लो वरोर दुसरोन मया कियाना इन्जोर मन्ता।

१ युहनाल 3:23

अनि माक ओनोर मरि येसु मसिना पोरोयतिगा विस्वास केविर इन्जोर ओना आग्या मन्ता अनि बदाम ओर माकुन आग्या हितोर अदेना अनुसार आपसते मया किम्ट।

१ युहनाल 4:21

अनि बोरायि परमेस्वरदुन मया किन्तोर ओर आपुना तमोन वने मया इरीर इन्जोर ओनाकेडाल माकुन आग्या पुटता मन्ता।