१ तिस्लुनि 4:8 - Muria Far Western

⁸ इन्जोर बोरे इद पोल्लोतुन तुच्च समजेमान्तोर ते ओर बोरे मानेयतुन आयो मति पवित्र आत्मातुन हिन्तोर ओर परमेस्वरतुन तुच्च समजेमान्तोर।

१ तिस्लुनि 4:8 Iomraidhean Croise

लूका 10:16

अनि येसु असा इतुर, “मिया पोल्लो केन्जान्तोरक ओरक नावा वने पोल्लो केन्जान्तोरक; अनि मिकुन तुच्चा समजेमान्तोरक ओरक नाकुन वने तुच्चा समजेमान्तोरक; अनि नाकुन तुच्चा समजेमान्तोरक ओरक नावोरक लोहतोरकुन वने तुच्चा समजेमान्तोरक।”

युहनाल 12:48

अनि बोर नाकुन मानेमायोर अनि नावांग पोल्लोंग स्विकार केवोर ओरा न्याय केवाल वरोर मन्तोर; नना इतोना अदे पोल्लो आकरि न्यायता दिया ओना न्याय कियानुर।

बुतोंग 13:41

इन्जोर परमेस्वरना पोल्लो वेहवालना पुस्तकतिगा परमेस्वर वेहतोर ओद पोल्लो मियागा वायमाकि इन्जोर हुशार मन्ट।”

रोमि 5:5

अनि आशा माकुन बसकेय लज्जा आयिला हेवो बाक्याकि परमेस्वर माकुन पवित्र आत्मा हितोर अनि ओर पवित्र आत्माता द्वारा परमेस्वरना मया मावा मन्दिगा पकाय हितोर।

१ कुरिन्थुस 2:10

मति परमेस्वर ते ओव पोल्लोनुंग आपुना आत्माते माकुन तोहतुर; पवित्र आत्मा सबोय पोल्लोनुंग अनि परमेस्वरना मकता पोल्लोनुंग वने पळकान्तोर।

१ कुरिन्थुस 7:40

ओद आळ मरमिंग केवो आयार ते पकाय सोबाय मन्ता इन्जोर नावा विचार मन्ता। अनि परमेस्वरना आत्मा नावा लोपाडाल इदाम वळकिन्तोर इदाम नना समजेमान्तोना।

२ कुरिन्थुस 1:22

ओर पवित्र आत्मातुन बयाना इन्जोर मावा मन्दिगा हिस माक केवल परमेस्वर साटि मन्तोरोम इदाम तोहच शिक्का हितोर।

गलाति 4:6

बाक्याकि निमाट परमेस्वरना बालक मन्तोरिट इन्जोर “हे बाबो, हे बाबो” इदाम इन्ज केयान्तोरिट आपुनोर मरि मसिना आत्मातुन परमेस्वर मिया मन्दिगा लोहतोर।

१ पतरस 1:12

ओरक आपुना साटि आयो, मति मिया साटि माक सेवा किन्तोरोम इन्जोर ओरकुन तोहतुर। स्वरगताल लोहता पवित्र आत्माता द्वारा येसु मसिना सोबाता पोल्लो मिकुन वेहवालोरक अव पोल्लोंग मिकुन इदेक वेहतोरक। अनि स्वरगदूतक वने अव पोल्लोंग ध्यानते हुळाना इच्चा किन्तोरक।

२ पतरस 1:21

बाक्याकि परमेस्वरना पोल्लो बसकेय मानेयना इच्चाते आयो मति परमेस्वरना प्रेरणाते मानेय पवित्र आत्माता द्वारा परमेस्वरना पोल्लोंग वळकन्दुर।

१ युहनाल 3:24

अनि बोर परमेस्वरना आग्यातुन मानेमान्तोर ओर ओनासंग अनि ओर ओनासंग मन्तोर अनि येसु मसि मावासंग मन्तोर इन्जोर ओर माकुन हितुर ओर पवित्र आत्माताल माक पुन्तोराट।

यहुदा 1:8

अदामे मावोर लोकुरकनिगा मकस वातोरक येर लोकुरक आपुना कनिष्काना परके वितसोर आपुना मेन्दुलते अशुद्ध पाप किन्तोरक, अनि प्रबुना अदिकारतातुन तुच्च मानेमास स्वरगदूतकना निन्दा किन्तोरक।