१ तिस्लुनि 4:13 - Muria Far Western

¹³ हे बायि-दादालोरक, बोर येसु मसिनिगा विस्वास किस हातोरक ओर लोकुरकना बारेते निमाट समजेमायिला पहाजे इन्जोर माक इच्चा किन्तोरोम। बाक्याकि येसु मसिनिगा विस्वास केवोर आस हातोर लोकुरकना बारेते बोदे आशा हिले। अनि निमाट ओरा लेहका दुःख किसुन मनमाट।

१ तिस्लुनि 4:13 Iomraidhean Croise

मत्ति 27:52

अनि बिजगुडिंग तरियतुंग अनि हास मतोर पवित्र लोकुरा पकाय मुरदा जिवेमास तेदितुरक।

युहनाल 11:24

अनि मारता इतु, “आकरि न्यायता दिया ओर असा जिवे मायनुर” इन्जोर नना पुन्तोना।

बुतोंग 13:36

पोलुस असा इतुर, “दावुद ते आपुना पिळिते परमेस्वरना इच्चाता अनुसार सेवाकिस हासुन आपुनोर आजि-दादिलोरासंग मिसतुर अनि ओना मुरदा वने कळियतु।

बुतोंग 7:60

स्तिफानुस मिन्डांग टेकेकिस, “हे प्रबु, इद पाप ओरागा लावे केमा” इन्जोर जोरदे इन्जुन हासुन अडिय अरतुर।

बुतोंग 8:2

ओदे दिया येरुसलेमता मसिलोकुरा सभातुन यहुदिलोकुरक पकाय तकलिप सुरु कितुरक।

रोमि 1:13

हे बायि-दादालोरक, इद निमाट पुन्दिला पहाजे: नना मिया हेरे वायाना असा इच्चा किन्तोना मति इदेकवनाह अळचन मता। दुसरो प्रदेशतिगा मनवालोरक यहुदि आयोर दुसरो लोकुरकुन बदाम येसु मसिना हेरे तचुन ओरकुन विस्वासते मजबुत कितान अदामे मिया लोकुरकनिकेडाल वने येसु मसिना हेरे तचुन ओरकुन वने विस्वासते मजबुत कियाला पहाजे इन्जोर नना मिया हेरे वास बुतोकियाना इच्चा किन्तोना।

१ कुरिन्थुस 10:1

हे बायि-दादालोरक, निमाट इद पोल्लो जरुर पुन्ट इन्जोर नावा इच्चा मन्ता: मावोर सबोय बाबो दादिलोरक मूसाना परके ताकसोर ताकसोर रेंगाल समुद्रतिगाडाल हतोरक अनि आबार ओरा पोरो ओरासंग मन्ज ओत।

१ कुरिन्थुस 12:1

हे नावोर बायि-दादालोरक, पवित्र आत्मानिकेडाल पुटतांग अलग अलग वरदानता बारेते निमाट मिया पत्र ते कोटस नाकुन पुच्चेमाता ओद पोल्लोता बारेते नावा उत्तर इद मन्ता: पवित्र आत्मा हिता सबोय वरदानता बारेते निमाट पुन्ट इदाम नावा इच्चा मन्ता।

१ कुरिन्थुस 15:6

अदेना पजा उन्दिय बेरा सयुंग नुहक लोकुरकताल पकाय विस्वासि लोकुरकुन दिसतुर। अनि ओर लोकुरकनिकेडाल पकाय लोकुरक इदेक वने जिवित मन्तोर मति हुचुलोर लोकुरक हातोरक।

२ कुरिन्थुस 1:8

हे बायि-दादालोरक आसिया प्रदेशतिगा माकुन मता पकायि तकलिपतुन निमाट पुन्दिला पहाजे इन्जोर मावा इच्चा मन्ता; माक इदेकवनाह जिवन जिवेमाय परोम इदाम लागान्ता मावा लावताल पकायि मता इचोन पकायि तकलिप माक सहेन कितोरोम।

इफिसुस 2:12

अनि ओद बेरा निमाट मसिताल अलग अनि इस्रायेल नागरिकत्वतिगा संबन्द हिले आसि। अनि परमेस्वर इस्रायेल लोकुरासंग किता करारतिगा मन्ता ओद वाचातुन पुनविट अनि बोदे आशा हिलेर मतोरिट।

इफिसुस 2:3

ओरिगा माक सबोय लोकुरक पहले आपुना मन्दा खराब इच्चाता अनुसार ताकिन्दोम, मेन्दुलतुन अनि मन्दा इच्चातुन गिरदा किस दुसरो लोकुरा लेहका परमेस्वरना दन्ड येताना योग्य बालक मतोम।

१ तिस्लुनि 4:14

अनि प्रबु येसु हासुन असा जिवेमातुर अनि प्रबु येसुनिगा विस्वास किसुन हातुरक ओर लोकुरकुन वने येसुना वायाना बेरा परमेस्वर येसुनासंग ओरक असा जितो कियाहनुर इन्जोर माक विस्वास किन्तोरोम।

१ तिस्लुनि 4:15

बाक्याकि प्रबुना वायाना बेराते बोर जिवित मन्तोरक ओर विस्वासिलोकुरक हातोर लोकुरकना पहले प्रबुन मिलेमायोर आयनुर इन्जोर माक प्रबुना पोल्लोता अनुसार मिकुन इन्तोरोम।

१ तिस्लुनि 5:10

अनि माक जिवित मन्तोरोम या हास मतोरोम ते वने मावा साटि हातोर मावोर प्रबु येसु मसि वायाना बेरा ओनासंग माक वने असा जिवेमायन साटि ओर प्रबु येसु मसिना द्वारा पुटता मुक्तितुन पुटहान साटि परमेस्वर माकुन ठहरे कितुर।

१ तिस्लुनि 5:6

इन्जोर निमाट अविस्वासि लोकुरक लेहका मिया हेरे बाताल बाताल आन्ता अदेना बारेते पुन्वाप लेहका मनमाट मति निमाट पकाय ध्यान किसुन आपुना मन अनि मेन्दुलतुन नियन्त्रन किसोरिन मन्ट।

२ पतरस 3:4

बाक्याकि बाबो-दादिलोरक हातोरक अदेना पजा सबोय पोल्लोंग सृष्टिता सुरुवाताल बदाम मता ओद सबोय पोल्लो अदामे मन्ता” इन्जोर वेहचुन आपुनाय इच्चाते ताकानुरक ओरक मजाक केवालोरक आकरि दियाते वायनुरक इन्जोर पहले पुन्ट।

२ पतरस 3:8

मति हे प्रिय गोतियालोरक, प्रबुन उन्दि दिया हजार वरसाना बराबर मन्ता अनि हजार वरसा उन्दि दियाता बराबर मन्ता इन्जोर इद पोल्लो निमाट मरिंगमाट।