१ तिस्लुनि 4:11 - Muria Far Western

¹¹ बदाम मिकुन आग्या किन्तोरोम अदामे निमाट वरोर दुसरो विस्वासिना बुतोतिगा कय लावे केमाकिर, अनि आप आपुना कयदे आपुना बुतोकिसुन पयसांग कमेहकियाना कोसिस किम्ट,

१ तिस्लुनि 4:11 Iomraidhean Croise

मरकुस 13:34

नना मानेयतोर मरिना असा मलस वायाना आपुना लोन तासि पकाय लक हतोर वरोर मानेयना पिटो लेहका मन्ता: वरोर मानेय आपुना लोन तासि परदेश हन्दानपा ओर आपुना नोकरकुन अदिकार हिन्तोर अनि वरोन वरोन आप-आपुना बुतो कियाला वेहान्तोर अनि चोकिदारतुन केपसोर मन्दिला आग्या हिन्तोर लेहकाय मन्ता।

बुतोंग 18:3

पोलुसना अनि ओरा बुतो उन्दिय मता इन्जोर ओर ओरासंग मन्ज बुतो कियाला लागतुरक, अनि ओरा बुतो तम्बु बनेहकियाना मता।

बुतोंग 20:35

इदाम मेहनत किस जरुरि लोकुरकुन मदत कियाला पहाजे इन्जोर तोहान साटि सबोय पोल्लोतिगा नना मिकुन नमुना कितान। ‘येतानाताल हियाना पकाय धन्य मन्ता’ इदाम प्रबु येसु इतोर ओद पोल्लो नना मिकुन करिहतान।”

रोमि 12:11

निमाट हलकायिते पुरा मन्दे प्रबुना सेवा किसोर मन्ट।

रोमि 15:20

अनि वरोर मानेय उन्दि लोन बनेहकियान साटि किता पायवाता पोरो दुसरो मानेय लोन बनेकियाना लेहका बगा बोरे मुनेटाले येसु मसिना सोबाता पोल्लो वेहतोर ओदे जागातिगा असा येसु मसिना सोबाता पोल्लो वेहाना नावा इच्चा हिले। मति बगा बगा मसिना बारेते वेहोर इदाम जागातिगा हन्जुन येसु मसिना सोबाता पोल्लो वेहाना नावा पकाय इच्चा मन्ता।

१ कुरिन्थुस 4:12

अनि माक आपुनाय कयदे इद जिवातुन मेहनत किन्तोरोम। लोकुरक खराब इन्तोरक ते माक ओरकुन आशिरवाद हिसोर मन्तोरोम। ओर माकुन सतेह किन्तोरक मति माक सहन किसोर मन्तोरोम। ओर मावा बदनाम कियाना बेरा माक ओरासंग मयाते पोल्लोंग वळकसोर मन्तोरोम।

२ कुरिन्थुस 5:9

इन्जोर माक इद दुनियाता मन्दाना योग्य मेन्दुलतिगा मनकोम या इद मेन्दुल तासिस स्वरगतिगा मन्दाना योग्य मेन्दुलतिगा मनकोम ते वने प्रबुन सोबायि गिरिदा कियालागार इदाम मावा इच्चा मन्ता।

इफिसुस 4:28

बोर कलेर बुतो किसोर वातोर, ओर मुने कलेता बुतो केमाकिर मति बोन जरुरि मन्ता ओनासंग तुसिला बाताले पहाजे इन्जोर ओन आपुना कयदे सोबाय मेहनत कियाला पहाजे।

१ तिमुति 2:2

विशेषाल राजाह साटि अनि सबोय हजोर सरकारि नवकरि लोकुरक साटि प्रार्थना किम्ट बाक्याकि ओरक आपुना देशतोरक लोकुरकुन खरोय रितिते न्याय अनि सोबाय शासन कियान साटि परमेस्वर ओरकुन मदत कियाला पहाजे। अनि इदाम सबोय लोकुरकुन साटि प्रार्थना कियाकिट ते माक सोबाय शान्ति अनि परमेस्वरना इच्चाता अनुसार मन्दा परान्तोरोम।

१ तिमुति 5:13

अनि ओव लोहक लोहक वलिसुन दुसरोना चाहळिंग वळकसुन आळसि बनेमान्तांग अनि अचोने आयो ते अनुचित पोल्लोतुन पकाय वळकसोरिन बिना जरुरते दुसरो बुतो केवाल लोकुरा नडुम दान्ता।

तितुस 3:14

अनि ओरक सोबाय बुतो केविर इन्जोर निमा सबोयलोर विस्वासि लोकुरकुन करहा, बाक्याकि ओरक वरोन दुसरोना जरुरितुन पुरा केविर, अनि इदाम ओरक बिना फयदाते मनमाकिर।

१ पतरस 3:4

मति परमेस्वरना मुने पकाय हजोर किमत मन्ता कोमल अनि शान्त आत्माता बसकेय नाश आयो आयार इदाम साज पोन्डता ओद लोपाडा मानेय आयिला पहाजे।

१ पतरस 4:15

मियागाडाल बोरे मानेयतुन हव्काना या कलाना बुतो या खराब बुतो कियाना या दुसरोना बुतोतिगा कय वाटानाते पकायि तकलिप ताहाना सन्दि बनेकेमाट।