१ तिस्लुनि 3:3 - Muria Far Western

³ अनि बोरे इद तकलिपता द्वारा कसिंगमाकिर बाक्याकि इद पकाय तकलिपतुन सहेमायना साटि माकुन परमेस्वर ठहरे कितोर इन्जोर निमाट पुन्तोरिट।

१ तिस्लुनि 3:3 Iomraidhean Croise

लूका 21:12

अनि येसु असा आपुनोरक चेलालोरकुन इतुर, “इव सबोय पोल्लोंग आयानाता मुने, निमाट नावा चेला बनेमायानाता कारणते मिया विरोदिलोरक मिकुन पयसुन समाज मन्डलितिगा ओसुन सत्तेह किस जेहलतिगा इरानुरक। न्याय कियान साटि मुक्या अदिकारि लोकुरा हेरे अनि राजाना हेरे वने ओयनुरक।

युहनाल 16:2

अनि ओरक मिकुन समाज मन्दिरताल बाहरो टन्डसिनुरक, मिकुन हव्कस वाटनुरक, ओरक नना परमेस्वरना सेवा किन्तोना इन्जोर समजेमास मिकुन हव्काना बेरा वायिला आता।

युहनाल 16:33

अनि मिकुन नावागा शान्ति पुटि इन्जोर नना इव पोल्लोंग मिकुन इतोना। अनि दुनियातिगा मिकुन तकलिप आन्ता मति हिमत किम्ट बाक्याकि नना दुनियातुन जिकतोना।”

बुतोंग 14:22

“विस्वासते बनेमास मन्ट अनि माकुन पकाय तकलिप ताहच परमेस्वरना राज्यतिगा हन्दा लागार” इदाम उपदेश किस येसुना चेलालोरा मन्दुन स्थिर किसोर मतोरक।

बुतोंग 2:25

बाक्याकि दावुद येसुना बारेते इन्तोर, ‘नना प्रबुन दरोज आपुना मुने हुळसोर मतान बाक्याकि ओर नावा तिन्दान कयबासातिके उदिन्तोर इन्जोर नना खंबिर मनका।

बुतोंग 21:11

ओर मावा हेरे वास पोलुसना नळितिगा दोहाना पट्टा येचुन ओर आपुनांग कय, काल्क दोहच इतुर, “नळितुन दोहाना इद पट्टाता मालकान येरुसलेमतिगा यहुदिलोर इदे रितिते दोहनुरक अनि यहुदि आयोर जातिता लोकुरा कयदे सोपेकियानुरक” इन्जोर पवित्र आत्मा इन्तोर इदाम इतुर।

बुतोंग 21:13

मति पोलुस ओरकुन उत्तर हितुर: “निमाट किल्स नावा मन्दुन बाक्या दुःख किन्तोरिट? नना ते प्रबु येसुना पोरोय साटि केवल दोहान साटिय आयो मति येरुसलेमतिगा हायिला वने तयार मन्तोना” इन्जोर इतुर।

बुतोंग 9:16

अनि नावा पोरोय साटि ओन बदाम-बदाम पकाय तकलिप लागार इन्जोर नना ओन वेहका” इन्जोर इतुर।

रोमि 5:3

इचोन वने आयो, विस्वासता कारणता पकाय तकलिप सहेनकियाना तोहान साटि मदत किन्ता। अनि सहेनकियानाता कारण परमेस्वरिन येताना योग्य मन्ता चरित्र पसिन्ता। अनि ओद चरित्रताल आशा जनम आता इदाम समजेमास,

१ कुरिन्थुस 15:58

इन्जोर हे नावोर प्रिय बायि-दादालोरक, निमाट विस्वासते मजबुत मन्ट अनि बोदे कारणते निमाट विस्वासताल लक हन्माट। अनि प्रबुन साटि निमाट किन्तोरिट ओद मेहनत बेकार हिले इदाम समजेमास निमाट प्रबुना बुतो पकाय लावदे मुने किसोर मन्ट।

१ कुरिन्थुस 4:9

माक दुनियातोर लोकुरा मुने अनि स्वरगदूतकना मुने अनि सबोयि लोकुरा मुने माक तमाशा लेहका बनेमातोम इन्जोर माक येसुना खास चेला लोकुरकुन सबोयता आकरि जागातिगा इरस परमेस्वर हायाना दन्ड पुटता लोकुरासंगे मन्तोरक लेहका इरस मन्ता इन्जोर नाकुन लागान्ता।

इफिसुस 3:13

इद कारणते नना मिया साटि सहनकिता ओद पकाय तकलिप मिया हजोर महिमा मन्ता। इन्जोर अदेना कारण निमाट हिमत सोळेकेमाट इन्जोर नना विनन्ति किन्तोना।

कुलुसि 1:23

इद आबारता अडिय सबोय सृष्टितुन इद सोबाता पोल्लोता प्रचार किस नना पोलुस ओद सोबाता पोल्लो प्रचार कियान साटि सेवक बने मातोना।

१ तिस्लुनि 5:9

अनि परमेस्वरना दन्ड साटि आयो मति परमेस्वर माकुन प्रबु येसुना द्वारा पिसाना पुटान साटि माकुन आचतुर।

२ तिस्लुनि 1:4

अनि मिया जिवाता उपद्रव अनि पकाय तकलिपतुन शान्तिते सहेनकिस मिया विस्वासते जिकतोरिट इन्जोर इदेक वने माक परमेस्वरना सबोय मसिलोकुरा सभातिगा मिया विस्वासता बारेते अभिमान किन्तोरोम।

२ तिमुति 1:8

इन्जोर मावोर प्रबु येसु मसिना गवाहि वेहान साटि अनि नना साकळि करिहसुन प्रबुना साटि जेहलतिगा मन्तोना इन्जोर बसकेय लज्जा आयमा, मति सुसमाचार साटि नना बदाम दुःख सहेमातान अदामे परमेस्वरना सामर्थता अनुसार निमा वने दुःख सहेकिम,

१ पतरस 2:21

अनि निमाट इदेन साटिय केयतोर मन्तोरिट, बाक्याकि मसि वने मिया साटि दुःख ताहतुर अनि निमाट वने ओना हरिते इन्जोर मिकुन उन्दि आदर्श हिस हतोर।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 2:10

निकुन सहेन कियाना मन्ता ओद पकाय तकलिपता बारेते निमा वरियमा। बाक्याकि हुळाट, मिया परिक्षा आयि इन्जोर सयतान मियागाडाल हुचुलोर लोकुरकुन जेहलतिगा वाटवाल मन्तोर; अनि मिकुन दहा दियांगवनाह पकाय तकलिप मन्दार। ओरक मिकुन हव्काना परिस्थिति वायकि ते वने विस्वासते मन्ट, ते नना मिकुन अनन्त जिवनता मुकुट हियाका।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 2:13

निमा बगा मन्तोन अगा सयताना सिंहासन मन्ता इन्जोर नना पुन्तोना; ते वने निमा नावा पोरोयतिगा स्थिर मन्तोन, अनि सयतान राज किन्तोर मिया मन्दाना ओद जागातिगा मिया नडुम नावोर विस्वासयोग्य साक्षि अन्तिपासतुन हव्कतुरक ओद बेरा वने नावागा मन्ता निया विस्वास तासोन।