१ तिस्लुनि 3:2 - Muria Far Western

² इन्जोर मिकुन विस्वासता बारेते स्थिर कियाना अनि प्रबुना विस्वासता बारेते मिकुन समजेकियान साटि माक तिमुथियुसिन मिया हेरे लोहतोम। ओर येसु मसिना सोबाता पोल्लो वेहानाता द्वारा मावोर तमो अनि परमेस्वरनोर सेवक आन्दुर,

१ तिस्लुनि 3:2 Iomraidhean Croise

बुतोंग 16:1

पजा ओर दिरबे अनि लुस्त्रा सहेरतिगा वने हतुर। अगा तिमुथियुस पोरोयतोर वरोर चेलाल मतोर, ओर वरोर यहुदि मसि विस्वासि आळदा मरि मतोर, मति ओनोर बाबो युनानि मतोर।

बुतोंग 16:5

इदाम मसिलोकुरा सभा विस्वासते मजबुत आसोर हतु अनि विस्वासि लोकुरा संख्या वने दरोज विळसोर हतु।

बुतोंग 18:5

सिलास अनि तिमुथियुस मकिदुनियाता बिरिया नाटेनिकेडाल कुरिन्थुस सहेरतिगा पोलुसना हेरे वातुरक अनि पजा पोलुस तम्बु बनेहकियाना बुतो बन्द किस केवल मसिना सोबाता पोल्लो वेहान साटि सबोय बेरा मन लावे किस येसुये मसि आन्दुर इन्जोर गवाहि हिस यहुदिलोरकुन समजे कियाला पकाय कोसिस किसोर मतोर।

रोमि 16:21

अनि नावासंग सेवा किन्तोर तिमुथियुस अनि नावोर यहुदिलोकुरक निगाडाल लूकियुस अनि यासोन अनि सोसिपत्रुस येरक सबोय मिकुन नमस्कार किन्तोर।

१ कुरिन्थुस 3:10

नाकुन पुटता परमेस्वरना विशेषाल वरदानते नना वरोर पकाय सोबाय मिस्तिरि लेहका पायवातुन बनेकितान; मिकुन येसु मसिना सोबाता पोल्लोतुन ननाय पहले वेहच मतोना अनि दुसरो लोकुरक नना बनेकितान ओद पायवाता पोरो बनेहकियाला आतोरक। मन्जे ओरक मिकुन असा वने करहान्तोर इन्जोर निमाट आत्मिक जिवनते मजबुत आयकिट। मति सबोय मानेय नना बनेकिता ओद पायवा पोरो बदाम दोहिला आतोर अदेना बारेते हुशार मन्ट।

१ कुरिन्थुस 4:17

इन्जोर प्रबुनिगा सोबाय विस्वास केवाल अनि इमान्दारि मन्तोर नावोर मरि लेहका नना मया किन्तोना ओर तिमुथियुसिन मिया हेरे लोहतोना। अनि नना बोद बोद जागातिगा दान्तोना ओद सबोय जागाता सबोय मसिलोकुरा सभातिगा नना करहितोना लेहका मसिसंग उन्दि आयानाते नाकुन पुटता पुनाल जिवनतिगा नना पोलुस बदाम ताकिला आतोना ओद पोल्लो ओर मिकुन आलहिच हियानुर इन्जोर ओनागा नावा विस्वास मन्ता।

२ कुरिन्थुस 1:1

परमेस्वरना इच्चाते येसु मसिनोर खास चेलाल मन्तोना नना पोलुस अनि नावोर संगवारि विस्वासि तमो मन्तोर ओर तिमुथियुस निकेडाल कुरिन्थुस सहेरतिगा मन्तोर परमेस्वरना लोकुरा सभा अनि आखया प्रदेशतिगा मनवालोरक सबोय पवित्र लोकुरक साटि इद पत्र कोटान्तोरोम।

२ कुरिन्थुस 1:19

परमेस्वरनोर मरि येसु मसि बोना मावा द्वारा मन्जे नावा अनि सिलवानुस अनि तिमुथियुसना द्वारा मिया नडुम वेहता परमेस्वरनोर मरि येसु मसिना बारेता सोबाता पोल्लोतिगा उन्दि बेरा “इंगो” अनि दुसरो बेरा “आयो” इदाम चन्चल पोल्लो हिले आसि, मति येसुनिगा “इंगोते इंगोय” मता मन्जे परमेस्वर बाताल इन्तोर अदेन किन्तोर।

२ कुरिन्थुस 2:12

नना मसिना सोबाता पोल्लो वेहान साटि त्रोवास सहेरतिगा वातान असके मसिना सोबाता पोल्लो वेहान साटि प्रबु नाकुन उन्दि सन्दि हितुर।

२ कुरिन्थुस 2:13

ते नना नावोर तमो तितुसिन अगा कल्योन आतान ते नावा मन्दुन शान्ति पुटो आतु इन्जोर ओरकुन नमस्कार किस नना मकिदुनिया प्रदेशतिगा हतान।

२ कुरिन्थुस 8:23

ते बोरे तितुसना बारेते पुच्चेमायनुर ते ओर नावोर संगवारि अनि मिया साटि नावासंग बुतो केवाल आन्दुर। अनि मावोर तमो लोकुरा बारेते पुच्चेमायनुर ते ओर मसिलोकुरा सभाताल आचुन लोहतोर अनि मसिनोर महिमा आन्दुरक।

फिलिप्पि 1:25

इंगो! मिया सबोय लोकुरा विस्वासता बरसाना अनि मिकुन गिरदा पुटाना साटि नना असा वने मियासंग जिवित मनका इन्जोर नना खरोय पुन्तोना।

कुलुसि 1:1

परमेस्वरना इच्चाते येसु मसिना खास चेला पोलुस अनि मावोर तमो तिमुथियुस, कुलुसि सहेरतिगा मन्वालोरक पवित्र अनि मसिनिगा विस्वास किन्तोरक ओरक सबोय लोकुरक साटि इद पत्र कोटान्तोरोम,

कुलुसि 1:7

अनि ओद सुसमाचार निमाट मावोर प्रिय सहकर्मि इपफ्रासनिकेडाल करहितोरिट ओर मावा साटि मसिहानोर विस्वासयोग्य सेवक मन्तोर।

कुलुसि 4:12

अनि मियागाडाल वरोर येसु मसिहानोर दास मन्तोर ओर इपफ्रास मिकुन नमस्कार इन्तोर। निमाट परिपूर्ण आस पुरा विस्वासतासंग परमेस्वरना इच्चातिगा स्थिर मन्ट इन्जोर ओर दरोज मिया साटि मनलावेकिस प्रार्थनातिगा पकाय मेहनत किसोर मन्तोर।

कुलुसि 4:9

ओनासंग नना उनेसिमुसिन वने लोहतोना ओर विस्वासयोग्य अनि प्रिय तमो अनि मियागाडाले वरोर मन्तोर येरक मिकुन इगाडांग सबोय पोल्लोंग वेहानुर।

१ तिस्लुनि 3:13

अनि बदाम मावोर प्रबु येसु आपुना पवित्र लोकुरासंग वायनुर असके निमाट बाबो परमेस्वरना मुने पवित्र जिवाते निरदोष आयिर इन्जोर मिया मन्दुन प्रबु स्थिर केविर।

१ तिस्लुनि 3:5

इन्जोर परिक्षा एतवाल सयतान मियाय विस्वासतुन परिक्षा केविर अनि मावा मेहनत बेकार आयमाकि इन्जोर नना असा मन परोन आतान। अनि मिया विस्वासता हालचाल पुन्दान साटि नना तिमुथियुसिन मिया हेरे लोहतान।

२ तिस्लुनि 2:17

अनि मिया मन्दे शान्ति हेविर अनि मिया सबोय बुतोतिगा अनि पोल्लोतिगा कम्बिर केविर।