१ तिस्लुनि 3:13 - Muria Far Western

¹³ अनि बदाम मावोर प्रबु येसु आपुना पवित्र लोकुरासंग वायनुर असके निमाट बाबो परमेस्वरना मुने पवित्र जिवाते निरदोष आयिर इन्जोर मिया मन्दुन प्रबु स्थिर केविर।

१ तिस्लुनि 3:13 Iomraidhean Croise

मत्ति 25:31

येसु असा इतुर, “नना मानेयतोर मरि आपुना महिमाते सबोय स्वरगदूतकनासंग वायनुर असके नना महिमातासंग आपुना सिंहासनतिगा उदका।

मरकुस 8:38

इद व्यभिचार अनि पापि केवालोरा पिळिता नडुम बोरायि नावा अनि नावा पोल्लोनुंग येतिला लज्जेमायनुरक ते नना मानेयतोर मरि वने ओना बारेते पवित्र स्वरगदूतकनासंग आपुना बाबोना महिमातासंग वायका असके लज्जा कियाकान।”

लूका 1:6

ओरक आळिवुर परमेस्वरना मुने येताना योग्य अनि प्रबुना सबोय आग्यातुन स्विकार किस मानेमायवाल मतोरक,

रोमि 14:4

अनि परमेस्वर ओरा मालकाल मन्तोर अनि ओरक परमेस्वरना सेवक मन्तोरक इन्जोर दुसरोना सेवकिन दोष लावे केवालोर निमाट बोर आन्दिट? इदाम न्याय कियाना अदिकार मिकुन हिले। बाक्याकि ओरक दोषि मन्तोर या हिलेर, अनि बोद कियाला पहाजे ओरक किन्तोरक या केवोर इद न्याय कियाना अदिकार ओरा मालकान मन्ता। अनि प्रबु ओरकुन येताना योग्य ठहरे किन्तोर।

रोमि 16:25

परमेस्वरना स्तुति आयि! येसु मसिना सोबाता पोल्लो नना मिकुन वेहान्तोना अदेना अनुसार परमेस्वरे येसु मसिना विस्वासते माकुन मजबुत बनेमायान साटि लाववाले मन्तोर। अनि येसु मसिना सोबाता पोल्लो युगानयुगताल परमेस्वर रहस्यता रुपते इरस मतोर अदेन परमेस्वर इदेक सबोय लोकुरक साटि तोहतुर। मुने परमेस्वरना पोल्लो वेहवालोरक ओरा पुस्तकतिगा येसु मसिना वायाना बारेते वेहच मतोरक।

१ कुरिन्थुस 15:23

मति सबोय लोकुरक साटि उन्दि उन्दि बेरा मन्ता: सबोयता मुने मसिन मुनेटा काया लेहका जिवेहकितुर। अनि मसि मलस वायनुर असके मसिना लोकुरकुन वने असा जिवेहकियानुर।

गलाति 1:4

प्रबु येसु मसिनिकेडाल मिकुन दया अनि शान्ति पुटसोर मनि,

इफिसुस 5:27

बाक्याकि अदेन बोदायि डाग, कोमजेमाता अनि इदाम बोदायि प्रकारता दोष मनमाकि। मति पवित्र अनि निरदोष आस आपुना साटि उन्दि मसिलोकुरा उन्दि मान्जता सभा बनेहकिस आपुना हेरे मन्दान साटि अदेन आपुनतुन सोपे कितुर।

फिलिप्पि 1:10

इदाम निमाट सोबाय अनि खराबतुन समजेमास दरोज भलायितुन आचोर हन्ट अनि मसिना असा मल्स वायाना दियांगवनाह आपुना जिवनते पवित्र बनेमास बोरायि मिकुन दोष हेमाकिर,

कुलुसि 1:22

मिकुन आपुना टोडि मुने पवित्र अनि निष्कलन्क अनि निरदोष बनेहकिस हाजर केविर इन्जोर ओर इदेक मसि शारिरिक मेन्दुलतिगा हायानाता द्वारा मिकुन वने मिले कितुर ते निमाट केन्जता ओद सोबाता पोल्लोतिगा हिता आशाताल निमाट बदलेमायमाट अनि स्थिरता अनि मजबुतासंग निमाट ओद सोबाता पोल्लोतिगा विस्वास किसोर मन्ट।

१ तिस्लुनि 2:19

अनि मावा सोबाय आशा अनि महिमा आयानाता मुकुट बाताल मन्ता? ओद निमाटेय मन्तोरिट बहे? प्रबु येसु दुसरो बेरा असा प्रगट आयनुर असके ओना मुने माक नितकोम। असके मिकुन हुळसुन माक अभिमानि आयार।

१ तिस्लुनि 3:11

इदेक मावोर बाबो परमेस्वर अनि मावोर प्रबु येसु मसि माकुन मियागा वायान साटि माकुन हरि हेविर।

१ तिस्लुनि 3:2

इन्जोर मिकुन विस्वासता बारेते स्थिर कियाना अनि प्रबुना विस्वासता बारेते मिकुन समजेकियान साटि माक तिमुथियुसिन मिया हेरे लोहतोम। ओर येसु मसिना सोबाता पोल्लो वेहानाता द्वारा मावोर तमो अनि परमेस्वरनोर सेवक आन्दुर,

१ तिस्लुनि 4:15

बाक्याकि प्रबुना वायाना बेराते बोर जिवित मन्तोरक ओर विस्वासिलोकुरक हातोर लोकुरकना पहले प्रबुन मिलेमायोर आयनुर इन्जोर माक प्रबुना पोल्लोता अनुसार मिकुन इन्तोरोम।

१ तिस्लुनि 4:17

इदेना परके ओद बेरा जिवित मन्तोरोम माकुन, ओर लोकुरासंग आबारतिगा प्रबुन मिलेमायान साटि ढगिंग पोरो ताहानुर अनि इदाम माक दरोज प्रबुनासंग मनकोम।

१ तिस्लुनि 5:23

अनि शान्ति हिसोर परमेस्वर मिकुन पवित्र बनेहकेविर, मिया आत्मा, मिया जिवा अनि मिया मेन्दुलतुन मावोर प्रबु येसु मसिना दुसरो बेरा प्रगट आयानपा पुरा निरदोष बनेकिसुन ओना मुने प्रगट आयान साटि मिकुन सुरक्षित मनि।

२ तिस्लुनि 1:10

असके येसु मसि आपुना विस्वासि लोकुरा कारणते महिमा स्विकार कियानुर। अनि येसुनिगा विस्वास कितोर सबोय लोकुरक येसुन हुळसुन आश्चरय आयार। निमाट वने ओद समुहतिगा मन्दाकिट बाक्याकि माक वळकता ओद पोल्लो निमाट विस्वास कितिट।

२ तिस्लुनि 1:7

अनि प्रबु येसु आपुना लाववाले स्वरगदूतकनासंग स्वरगताल दमकेमाता किसते प्रगट आस परमेस्वरतुन पुनोर अनि मावोर प्रबु येसुना सोबाता पोल्लोतुन मानेमायोर ओरकुन दन्ड हियानुर। अनि मिकुन अनि माकुन वने आपुना पकाय तकलिपतिगाडाल ओन आराम हियानुर।

२ तिस्लुनि 2:1

हे बायि-दादालोरक, इदेक निमाट मावोर प्रबु येसु मसिना असा मल्स वायाना अनि ओना हेरे मिलेमायानाता विषयता बारेते मिकुन स्पष्टकिस वेहान्तोरोम,

याकुब 5:8

अनि निमाट वने सहन किस मन्ट अनि आपुना मन्दुन मजबुत किम्ट बाक्याकि प्रबुना वायाना दिया हेरेय अवता।

१ पतरस 5:10

इदेक परमेस्वर ओर सबोय दयातोर बाबो मन्तोर, ओर मिकुन मसिना कारण आपुना अनन्त महिमासाटि केयतुर, मिया हुडुक बेरावनाह पकाय तकलिप सहन कितपा पजा आपुनास मिकुन सिद्ध बने किस अनि स्थिर बने किस लाववाले बनेकियानुर।

यहुदा 1:14

आदमताल सातवो पिळितोर हनोक वने येर लोकुरक साटि परमेस्वरना पोल्लो इदाम वेहच मतोर, “हुळाट, प्रबु आपुनोर हजार-हजार स्वरगदूतकनासंग वान्तोर।

यहुदा 1:24

इदेक अरानाताल मिकुन पिसहिच आपुना महिमाता मुने पकाय गिरदातासंग निरदोष किस निपिहला परान्तोर,