१ तिस्लुनि 2:9 - Muria Far Western

⁹ हे बायि-दादालोरक, निमाट मावा परिश्रम अनि मेहनतुन आलिहसोर मन्तोरिट; अनि परमेस्वरना सोबाता पोल्लोतुन वेहचुन माक बोने डब्बुना बारेते तकलिप आयमाकि इन्जोर नरका पियाल माक बुतो किसोर मन्तोम।

१ तिस्लुनि 2:9 Iomraidhean Croise

लूका 18:7

मति येर खराब किन्तोर न्याय केवाल वने इदाम कितुर ते परमेस्वर नरका-पियाल आपुना मुने किलिंगसोर प्रार्थना किन्तोर आपुनोर आचतोरक लोकुरकुन बचोन सोबाय न्यायकियानुर बहे? ओरक ओरा प्रार्थनातुन उत्तर हियाना साटि बेरा हेवोर आयनुर।

लूका 2:37

अनि हन्नाल चोवरान्सी वरसाताल रान्डि मता। इदेक अद पकाय सेळो आस मन्दु अनि अद परमेस्वरना प्रार्थना लोतुन तासिवो आस उपास अनि प्रार्थना किस-किस नरका-पियाल परमेस्वरना सेवा किन्दु।

बुतोंग 18:3

पोलुसना अनि ओरा बुतो उन्दिय मता इन्जोर ओर ओरासंग मन्ज बुतो कियाला लागतुरक, अनि ओरा बुतो तम्बु बनेहकियाना मता।

बुतोंग 20:24

मति नना नावा जिवातुन बाताले किमत मन्ता इदाम विचार केवोन। मति प्रबु येसु नाकुन निवळे किता ओद बुतो पुरा कियाना मुक्य पोल्लो मन्ता। परमेस्वरना हजोर दयाता सोबाता पोल्लो सबोय लोकुरकुन वेहान साटि प्रबु येसु नाकुन निवळेकितोर ओद बुतो पुरा कियाना केवल नावा लक्ष मन्ता।

बुतोंग 20:31

इन्जोर इदाम लोकुरताल हुशार मन्ट! नना मून्ड वरसांगवनाह नरका-पलिंग किल्स-किल्स निमाट सबोयलोरकुन करियनाताल रोमहोन आतान इन्जोर आल्हाट।

रोमि 1:1

परमेस्वर आपुनोर मरि अनि इद दुनियातिगा दावुदनोर वंशतिगा जनम आतोर, अनि हातोरिगाडाल असा जिवेमातुर इन्जोर पवित्र आत्माता द्वारा परमेस्वरनोर लाववाले मरि इदाम परमेस्वर आचतोर मावोर प्रबु येसु मसिना बारेते,

रोमि 15:16

बाक्याकि निमाट परमेस्वर साटि उन्दि बलिदानता अर्पण लेहका निमाट पवित्र आत्माते पवित्र बनेमास परमेस्वरना येताना योग्य बनेमायिला पहाजे इन्जोर आलिहच हियान साटि नना इद पत्रतिगा मिकुन हुचुक पोल्लोंग साप-साप कोटस हिन्तोना।

रोमि 15:19

इदाम किस नना येरुसलेम सहेरताल इल्लुरिकुस प्रदेशवनाह सबोय जागातिगा नना येसु मसिना बारेते सोबाता पोल्लोता पुरा पुरा प्रचार कितान।

१ कुरिन्थुस 4:12

अनि माक आपुनाय कयदे इद जिवातुन मेहनत किन्तोरोम। लोकुरक खराब इन्तोरक ते माक ओरकुन आशिरवाद हिसोर मन्तोरोम। ओर माकुन सतेह किन्तोरक मति माक सहन किसोर मन्तोरोम। ओर मावा बदनाम कियाना बेरा माक ओरासंग मयाते पोल्लोंग वळकसोर मन्तोरोम।

१ कुरिन्थुस 9:15

मति नना इद सबोय अदिकारता पोल्लोता उन्दिगला पोल्लोतुन उपयोग केवोन। नाकुन मियागडाल बाताले पुटार इन्जोर नना इद कोटोन। नावा हजोरपण इद मन्ता: मसिना सोबाता पोल्लो वेहानपा नावा तिन्दाना उन्डाना साटि मियागडाल बाताले येतवाय मसिना सोबाता पोल्लोतुन वेहिला आतोना। नावा हजोरपण कियानाता ओद पोल्लोताल नाकुन बोरे पिसहानुर ते नाकुन हायाना सोबाय मन्ता।

१ कुरिन्थुस 9:18

ते पजा नावा रोजि बाताल मन्ता? अनि सोबाता पोल्लोतुन प्रचार केवालना अदिकारते नाकुन पुटाना मता ओद हक्क बोरे विस्वासि लोकुराताल नना तलकोन अनि बोनाय कयते बाताले येतवाय मसिना सोबाता पोल्लोतुन फुकोटते नना वळकतान ओद नावा रोजि मन्ता।

१ कुरिन्थुस 9:4

प्रबु येसुना बुतो कियान बेरा नना पोलुस अनि बरनाबासिन वने तिन्दाना उन्डाना चिज पुटाना अदिकार मन्ता,

२ कुरिन्थुस 11:27

पकाय मेहनता अनि पकायि कठिन बुतोते मतोना। अनि पकाय बेरा हुन्जवाकेन मतोना, अनि नना तिनोन उन्डोन आस मतोना, अनि पकायि बेरा नाकुन बोदे जेवन पुटो आतु इन्जोर उपासते मतोना, पिनिता दियांग तारिला मुचिला सन्दरांग कमि आस मता।

२ कुरिन्थुस 11:9

अनि नना मियासंग मन्दाना बेरा नाकुन डब्बुना जरुरि मता असके नना बोनाय पोरो वजा वाटोन। मकिदुनियाताल वातोर ओर तमो लोकुरक नावा जरुरितुन पुरा किस मतोरक। नना उन्दि उन्दि पोल्लोतिगा मिकुन वजा आयिला हेवोम इदाम ध्यान कितान अनि असा वने मिकुन वजा आयिला हेवोम इदाम ध्यान किसोर मनका।

२ कुरिन्थुस 6:5

विरोदि लोकुरक माकुन सोटाते हाहान्तोरक अनि मावागा दोष लावे किस जेहलतिगा वाटस हिन्तोरक, अनि नाटेना पकाय विरोदि लोकुरक पकाय होंग आस माकुन विरोद किस वाहाचान्तोरक, माक बिना हुन्जवाय अनि तिन्दान साटि बाताले पुटो ते उपास मन्ज परमेस्वरना बुतोतुन पकाय मेहनत किन्तोरोम।

फिलिप्पि 4:16

इद प्रकारते नना तिस्सलुनिया सहेरतिगा मन्दान असके निमाट नावा कमितुन पुरा कियान साटि उन्दि बेरा आयो मति असा असा नावा जरुरि चिजतुन लोहच हितोरिट।

१ तिस्लुनि 2:2

अनि माक पहले फिलिप्पि सहेरतिगा दुःख अनि पकाय तकलिप सहेन किस पकाय विरोद मन्जकुन वने परमेस्वरना सोबाता पोल्लो मिकुन वेहान साटि परमेस्वर माकुन हिमत हितुर इन्जोर निमाट पुन्तोरिट।

१ तिस्लुनि 2:6

अनि माक मसिना खास चेला मन्तोरोम इन्जोर अदेना अदिकारते माक ताक परान्तोरोम मति माक लोकुरासंग सोबाय रितिते ताकान्तरोम। अनि निमाट अनि दुसरोर वने माकुन मानकियाला पहाजे ओद इच्चा माक हिले आसि।

१ तिस्लुनि 3:10

अनि मिकुन हुळान साटि अनि मिकुन मदतकिस मिया विस्वासता कमि मन्ता अदेन पुरा कियान साटि माक नरका पियाल मिया साटि प्रार्थना किन्तोरोम।

१ तिमुति 1:11

इद करहाना परमेस्वरना सोबाता पोल्लोता अनुसार मन्ता, ओद सोबाता पोल्लो दुसरो लोकुरकुन वेहान साटि हजोर परमेस्वर नाकुन आचतुर इन्जोर नना परमेस्वरना धन्यवाद किन्तोना।

१ तिमुति 4:10

अनि इद कारणते माक जिवित परमेस्वरनिगा आशा इरस पकाय मेहनत किन्तोरोम। ओर सबोय लोकुरकुन विशेषाल ओनागा विस्वास किन्तोर ओर लोकुरकुन मुक्ति हेवाल मन्तोर।

१ तिमुति 5:5

अनि खरोय रान्डि आसकुन बोरे मदत केवोर ते ओव रान्डि आसक परमेस्वरनिगा विस्वास इरस आपुना साटि नरका पियाल प्रार्थना किसोर मन्तांग।

२ तिमुति 1:3

अनि नावोर आजि-दादा लोकुरक परमेस्वरना बदाम सेवा कितुर अदामे नना वने सोबाय मन्दे परमेस्वरना सेवा किस धन्यवाद किन्तोना। अनि निकुन नावा प्रार्थनाते दरोज नरका पियाल आलहिस धन्यवाद किसोर मन्तोना।