१ तिस्लुनि 2:8 - Muria Far Western

⁸ इदाम माक मिकुन मया किसोर मतोम, केवल परमेस्वरना सोबाता पोल्लो वेहान साटि आयो मति आपुना जिवा हियाला वने माक तेयार मतोम, बाक्याकि निमाट माकुन प्रिय मन्तोरिट।

१ तिस्लुनि 2:8 Iomraidhean Croise

लूका 7:2

ओद सेहेरतिगा रोमि देशतोर नुर सयनिक लोकुरा तुकडितोर वरोर अदिकारि मतोर। अनि ओनोर वरोर मयातोर दास मन्तोर, ओर बिमारिते हायवाल मन्तोर।

रोमि 1:1

परमेस्वर आपुनोर मरि अनि इद दुनियातिगा दावुदनोर वंशतिगा जनम आतोर, अनि हातोरिगाडाल असा जिवेमातुर इन्जोर पवित्र आत्माता द्वारा परमेस्वरनोर लाववाले मरि इदाम परमेस्वर आचतोर मावोर प्रबु येसु मसिना बारेते,

रोमि 10:1

हे बायि-दादालोरक, ओर सबोय इस्रायेल लोकुरा पिसाना आयि इन्जोर नावा पकाय इच्चा अनि ओरा साटि परमेस्वरतुन नावा प्रार्थना मन्ता।

रोमि 15:29

अनि नना मिया हेरे वायका असके मसिना आशिष माक सबोय लोकुरकुन पकाय पुटार इन्जोर नना पुन्तोना।

२ कुरिन्थुस 12:15

नना पकाय गिरिदाते नावा कयते बाताल मन्ता ओद सबोय मिया लोकुरक साटि खरचा कियाका अनि आपुनतुन वने सोपेकियाका। नना मिया लोकुरकुन पकाय मया किन्तोना ते निमाट लोकुरक नाकुन कमि मया कियाकिट बहे?

२ कुरिन्थुस 6:1

माक परमेस्वरना बुतो मिया संगे केवालोर मन्तोरोम इन्जोर परमेस्वरताल मिकुन पुटता ओद दया बेकार हन्दिला हेमाट इन्जोर मिकुन विनन्ति किन्तोरोम।

गलाति 4:19

हे नावोर प्रिय बालक, निमाट मसिना लेहका बनेमायाना वानाह नना मिया साटि असा प्रसव आयानाता नोमुर लेहका आपुना मन्दे नोमुर सहे मान्तोना।

फिलिप्पि 1:8

येसु मसिना मयाते मिया सबोय लोकुरकुन हुळान साटि नावा पकाय इच्चा मन्ता इन्जोर परमेस्वर गवाह मन्तोर।

फिलिप्पि 2:17

मति प्रबुना पोरोयता मिया विस्वासता कारण निमाट किता ओद सोबाता सेवा परमेस्वर साटि उन्दि बलिदान लेहका मन्ता। परमेस्वर साटि इमान्दारिते ओद सोबाय सेवा किसोर मन्दाना साटि नावा जिवा वने बलिदान हियाला पकाय गिरदा मन्तोना। अनि मिया सबोयसंग गिरदा किन्तोना।

फिलिप्पि 2:20

बाक्याकि खरोय मन्दते मिया मदत कियान साटि नाकुन तिमुथियुसिन लेहका दुसरो बोरे मानेय हिलेर।

फिलिप्पि 4:1

इन्जोर हे नावोर प्रिय अनि नना हुळान साटि पकाय विचार किन्तोना बायि-दादालोरक, निमाट नावा बुतोता गिरदा अनि मुकुट मन्तोरिट। इन्जोर नावोर प्रिय लोकुरक नना मिकुन वेहतोना अदामे प्रबुनिगा निमाट स्थिर मन्ट प्रिय लोकुरक।

कुलुसि 1:28

इन्जोर माक ओना प्रचार किन्तोरोम। अनि सबोय लोकुरकुन मसिनिगा परिपूर्ण किस परमेस्वरना मुने उपस्थित कियान साटि माक सबोय लोकुरकुन चेतावनि किस सबोय ग्यानते सबोय लोकुरकुन करहान्तोरोम।

कुलुसि 1:7

अनि ओद सुसमाचार निमाट मावोर प्रिय सहकर्मि इपफ्रासनिकेडाल करहितोरिट ओर मावा साटि मसिहानोर विस्वासयोग्य सेवक मन्तोर।

कुलुसि 4:12

अनि मियागाडाल वरोर येसु मसिहानोर दास मन्तोर ओर इपफ्रास मिकुन नमस्कार इन्तोर। निमाट परिपूर्ण आस पुरा विस्वासतासंग परमेस्वरना इच्चातिगा स्थिर मन्ट इन्जोर ओर दरोज मिया साटि मनलावेकिस प्रार्थनातिगा पकाय मेहनत किसोर मन्तोर।

फिलेमोन 1:1

येसु मसिना सोबाता पोल्लो वेहानाता कारण कयदि मन्तोर पोलुसनिकेडाल अनि मावोर तमो तिमोतियूसनिकेडाल मावोर प्रिय अनि संगे बुतो केवालोर फिलेमोन पोरोयतोर निकुन,

यहुदि 13:17

मसिलोकुरा सभाता मुक्याल लोकुरा पोल्लोतुन मानेमास ओरा अधिनते मन्ट। ओरक परमेस्वरना मुने मिया बारेता हिसाब हियाला पहाजे इन्जोर ओरक मिया साटि केपसोर मन्तोरक। ओरा आग्यातुन मानेमायकिट ते ओरा सेवा गिरदाते किया परान्तोरक। निमाट ओरकुन मानेमायवेक ते ओरक आपुना सेवा गिरिदाते केवोर आयनुरक इन्जोर मिकुन बोदे फायदा वने पुटो।

१ युहनाल 3:16

अनि ओर मावा साटि आपुना जिवा हितुर इदेनतेय माक मया बाताल इन्जोर पुतोम। इन्जोर माक वने तमोन साटि आपुना जिवा हियाला पहाजे।