१ तिस्लुनि 2:5 - Muria Far Western

⁵ माक बसकेय चापलुसि पोल्लो केवोम अनि माक मियाताल पयसांग येताना इच्चा बसकेय केवोम इन्जोर निमाट पुन्तोरिट, इदेक अदेन परमेस्वर वने गवाह मन्तोर।

१ तिस्लुनि 2:5 Iomraidhean Croise

मत्ति 22:16

आकरिते ओरक आपुना चेला लोकुरकुन अनि हेरोदियास राजाना दलतोरासंग येसुना हेरे इदाम इन्दिला लोहतुरक, “हे गुरु, निमा खरोय अनि परमेस्वरना हरि खरोय रितिते करहान्तोन अनि निमा बोनाय भेदभाव केवि इन्जोर निमा बोने वरियवि इदाम माक पुन्तोरोम।

मत्ति 23:13

येसु असा इतुर, “हे नियमतुन करिहवालोर अनि परीसि लोकुरक परमेस्वर मिकुन पकाय दन्ड हियानुर। निमाट कपटि मन्तोरिट। स्वरगतिगा हन्दाना इच्चा किन्तोरक लोकुरा मुने निमाट स्वरग राज्यता टाटरा बन्द किन्तोरिट, आपुनास अगा हनविट अनि अगा हनवालोरकुन वने हन्दिला हेविट।

बुतोंग 20:33

नना बोनाय सोनो, चान्दि या सन्दराता लालुच केवोन।

रोमि 1:9

नना दरोजे मिकुन आलहिस परमेस्वरना इच्चाते बदाम आयि आकरिते मिया हेरे बसकेय वाय परका इन्जोर आपुना प्रार्थनातिगा नना दरोज परमेस्वरतुन विनन्ति किन्तोना,

रोमि 16:18

बाक्याकि इदाम लोकुरक मावोर प्रबु मसिना सेवा केवोर मति आपुना पोटाता सेवा किन्तोर। अनि ओरक दोखाता सोबाय सोबाय पोल्लोंग वळकस सादो मनवाले लोकुरकुन बहके किन्तोरक।

रोमि 9:1

नना मसिना संबन्दते मन्तोना इन्जोर नना खोटाल वळकोन मति खरोय वळकान्तोना।

२ कुरिन्थुस 12:17

नना मिया हेरे लोहच मतोना ओर लोकुरकनिकेडाल नना बोनाय द्वारा दोखा किस मियाकेडाल बाताले येतितान बहे?

२ कुरिन्थुस 2:17

बाक्याकि आपुना फायदा साटि परमेस्वरना पोल्लोतिगा बाताले मिलेकिस वेहान्तोरक पकाय लोकुरक लेहका माक आयो। मति परमेस्वरिन मुने खरोय मन्दते अनि परमेस्वर निवळे कितोर इदाम समजेमास मसिना अदिकारते माक वळकान्तोरोम।

२ कुरिन्थुस 4:2

माक लज्जाता गुपित बुतोतुन हरचिस दुसरो लोकुरकुन दोखा केवोम परमेस्वरना पोल्लोतिगा बाताले गलति पोल्लो मिलेह कियाना या परमेस्वरना पोल्लोताल बदले कियाना केवोम। इदाम खरोय पोल्लो वळकानाते माक परमेस्वरना मुने बचोन खरोय लोकुरक मन्तोरोम इन्जोर सबोय लोकुरकुन समजेमायार।

२ कुरिन्थुस 7:2

निमाट माकुन मया किम्ट, माक बोनाय बाताले खराब केवोम, बोनाय नाश केवोम अनि बोनायनिकेडाले बाताले दोखा किस बोदे फायदा येतोम।

गलाति 1:20

नना मिकुन कोटिला आतोना ओद बाताले खोटाल हिले इन्जोर परमेस्वर गवाहि मन्तोर।

१ तिस्लुनि 2:10

अनि माक विस्वासि लोकुरा नडुम मिया व्यवहारते पवित्र अनि परमेस्वरना मुने येताना योग्यताते अनि निरदोषते मतोम इन्जोर निमाट अनि परमेस्वर वने गवाहि मन्तोरक।

१ तिमुति 3:3

अनि अध्यक्ष दाळंगो उन्वाल अनि पिटिहवाल मनमाकिर मति ओर कोमल स्वभावतोर मनिर, वाहचवाल मनमाकिर अनि गलत बुतो किसुन पयसांग कमेय केवाल मनमाकिर।

१ तिमुति 3:8

अनि मसिलोकुरा सभाता सेवकलोकुरक गम्बिर आयिला पहाजे अनि लोकुरा मुने उन्दि पोल्लो वळकसुन परके दुसरो पोल्लोंग वळकवाल आयमाकिर अनि दाळंगो उनवालोर अनि गलत बुतो किसुन पयसांग कमेय केवालोर मनमाकिर।

तितुस 1:7

अनि मसिलोकुरा सभातोर अध्यक्षना कयदिगा परमेस्वरना सेवा सोपे कितोर, इन्जोर ओर निरदोष मनिर; घमन्ड केवाल आयमाकिर, ओर होंग केवाल आयमाकिर अनि दाळंगो उन्वाल आयमाकिर, अनि ओर वाहचमाकिर, खराब बुतो किसुन पयसांग कमेय केवाल आयमाकिर।

१ पतरस 5:2

मिया कयते सोपे किता बेळांगता गोहडि लेहका मन्ता परमेस्वरना लोकुरकुन केपाट अनि इद जबरदस्तिते आयो मति परमेस्वरना इच्चाता अनुसार गिरदाते किम्ट, अनि डबुंगना लालुचते आयो मति ओरिगा मन लावेकिस किम्ट।

२ पतरस 2:18

ओरक खराब बुतो किस-किस जिवित मन्वालोर लोकुरकनिकेडाल पकायि मुसकिलते इदेक पिसिस वातोर ओर लोकुरकुन, येरक बेकार हजोरपणता पोल्लोंग वळकस वळकस आपुना शारिरिक इच्चाता खराब बुतो कियाना साटि फसेकिहिन्तोरक।

२ पतरस 2:3

ओरक खोटाल करिहवाल लोकुरक ओरा पकायि लालुचता कारणते आपुना बनेहकिता दोखाता पोल्लो वळकस मियाकेडाल धन कमेह कियानुरक। ओरा दन्ड परमेस्वरना द्वारा पकाय पहलेटाले तयार किन्ता। ओरा साटि तयार किता ओद नाश ओरकुन हर हुळिला आता।

यहुदा 1:11

बचोन पकाय तकलिप ओरा साटि वायार! बाक्याकि ओरक कायिनना हरिते ताकतुरक अनि मजदुरि साटि बिलाम लेहका गलति कितुरक अनि कोरहना लेहका विरोद किस नाश आतोरक।