१ तिस्लुनि 2:4 - Muria Far Western

⁴ अनि परमेस्वर माकुन योग्य ठहरे किस सोबाता पोल्लोतुन माकुन सोपेकितुर इन्जोर माक वळकिन्तोरोम। अनि माक लोकुरकुन गिरदा कियान साटि कोसिस केवोम मति माक ते परमेस्वरतुन गिरदा किन्तोरोम, बाक्याकि ओर मावा मन्दा उदेशतुन पुन्तोर।

१ तिस्लुनि 2:4 Iomraidhean Croise

लूका 12:42

अनि प्रबु पतरासिन इतुर, “बरोबर बेराते तिन्दा-उन्दा हेविर इन्जोर मालकाल सबोय नोवकरकनिगा मुक्याल बनेकितोर विस्वासयोग्य अनि बुद्धिमान भणडारि, बोर मन्तोर?

लूका 16:11

इन्जोर निमाट दुनियाता धनसंपतितिगा भरोसा योग्य हिलविट ते परमेस्वरना खरोय धनसंपतितुन ओर बदाम मिकुन सोपे कियानुर?

युहनाल 21:17

अनि येसु तिसरो बेरा ओन इतुर, “हे युहन्नानोर मरि शिमोन, बाताल निमा नाकुन मया किन्तोन?” अनि येसु ओन तिसरो बेरा “बाताल निमा नाकुन मया किन्तोन” इदाम पुच्चेमातुर इन्जोर पतरास उदास आतुर अनि ओन इतुर, “हे प्रबु, निमा ते सबोय पुन्तोन, नना निकुन मया किन्तोना इन्जोर निमाय पुन्तोन।” अनि येसु ओन इतुर “नावांग बेळांग लेहका मन्तोरक ओर लोकुरकुन मेहा।

रोमि 8:27

मावा सबोय लोकुरा मन्दा इच्चातुन पुन्तोर ओर परमेस्वर पवित्र आत्मा बाताल प्रार्थना किन्तोर इन्जोर पुन्तोर बाक्याकि पवित्र आत्मा परमेस्वरना इच्चाता अनुसार परमेस्वरना पवित्र लोकुरक साटि विनन्ति किन्तोर।

१ कुरिन्थुस 7:25

“मरमिंग केवोर आस मन्तोरक लोकुरा” बारेते निमाट पत्रतिगा कोटस पुच्चेमाता ओद प्रश्नता बारेते प्रबुनिकेडाल नाकुन बोदे आग्या पुटो, मति इमानदार मानेय लेहका मन्दान साटि प्रबु नाकुन दया कितुर इन्जोर नावा विचार मिकुन वेहान्तोना।

१ कुरिन्थुस 9:17

इद सोबाता पोल्लोतुन वेहाना बुतो आपुना इच्चाते किन्तोना ते नाकुन रोजि पुटार। इद नावा इच्चाते आयो मति मसिना सोबाता पोल्लो वेहाना बुतो नाकुन सोपे कितुर इन्जोर नना इद बुतो किन्तोना।

२ कुरिन्थुस 2:17

बाक्याकि आपुना फायदा साटि परमेस्वरना पोल्लोतिगा बाताले मिलेकिस वेहान्तोरक पकाय लोकुरक लेहका माक आयो। मति परमेस्वरिन मुने खरोय मन्दते अनि परमेस्वर निवळे कितोर इदाम समजेमास मसिना अदिकारते माक वळकान्तोरोम।

२ कुरिन्थुस 4:2

माक लज्जाता गुपित बुतोतुन हरचिस दुसरो लोकुरकुन दोखा केवोम परमेस्वरना पोल्लोतिगा बाताले गलति पोल्लो मिलेह कियाना या परमेस्वरना पोल्लोताल बदले कियाना केवोम। इदाम खरोय पोल्लो वळकानाते माक परमेस्वरना मुने बचोन खरोय लोकुरक मन्तोरोम इन्जोर सबोय लोकुरकुन समजेमायार।

२ कुरिन्थुस 5:11

इन्जोर प्रबुन वरियसोर माक खरोयतुन येताना साटि लोकुरकुन समजेह किन्तोरोम। मावा अनि परमेस्वर मावा मन्दा उदेशतुन सोबाय पुन्तोर अनि निमाट वने मावा मन्दा उदेशतुन पुन्दिट इन्जोर नना आशा किन्तोना।

२ कुरिन्थुस 5:16

इन्जोर माक नेटाल दुनियाता लोकुरा नियमता अनुसार बोनाय न्याय केवो आयकोम। माक मसिन पहले दुनियाता लोकुरा नियमता अनुसार न्याय कितोम मति इदेक माक ओद दुनियाता लोकुरा नियमता अनुसार बसकेय मसिना न्याय केवोम।

गलाति 1:10

इदेक नना बाताल मानेयना या परमेस्वरना स्विकार कियाना कोसिस किन्तोना? बाताल नना मानेयकुने गिरदा कियाना साटि कोसिस किन्तोना इदाम निमाट विचार किन्तोरिट बहे? आयो! नना परमेस्वरना स्विकार साटि कोसिस किन्तोना। नना इदेकवनाह मानेयकुने गिरदा किसोर मनका ते येसु मसिहनोर दास आयोन आस मनेना।

गलाति 2:7

मति पतरसतुन परमेस्वर यहुदिलोकुरकुन सुसमाचार वेहाना बुतो हिस मतोर अदामे परमेस्वर यहुदि आयोर लोकुरकुन सुसमाचार वेहाना बुतो नाकुन हितोर। इदाम परमेस्वर नाकुन उन्दि खास बुतो सोपे कितोर इन्जोर इदेना बारेते येरक मुक्यालोरक समजेमातुरक।

इफिसुस 3:8

अनि सबोय पवित्र लोकुरकनिगा नना हुडलोरताल हुडलोर मन्तोना मति यहुदि आयोर लोकुरकनिगा नाकुन मसिना अनन्त दनरुपि सोबाता पोल्लोतुन प्रचार कियाना,

इफिसुस 6:6

मिया स्वामिन गिरदा कियान साटि केवल ओना कोन्डांगना मुने आयो मति पुरा मन्दे परमेस्वरना इच्चा किस मसिना सेवक बनेमास मिया स्वामिन दरोज गिरदा किम्ट।

कुलुसि 3:22

हे दासक लोकुरक, आपुना सन्सारिक मालक लोकुरकना सबोय पोल्लोता पालन किम्ट, मानेयकुन गिरदा केवाल लेहका मालक लोकुरक मिकुन हुळानपा ओरकुन तोहान साटि आयो मति प्रबुना वरेते मन्दा खरोयते मालक लोकुरा सबोय पोल्लोता पालन किम्ट।

१ तिमुति 6:20

हे तिमुथियुस, निकुन सोपेह किता ओद खरोय पोल्लोतुन निमा लोकुरकुन करहा, लोकुरक ग्यान इन्जोर गलति रितिते समजेकिन्तोरक ओद परमेस्वरना विरुद करहाना अनि व्यर्थ बहसताल लक हन।

२ तिमुति 1:14

अनि निकुन परमेस्वर सोपेकिता सबोय सोबाय पोल्लोतुन पवित्र आत्माता मदतते केपसोर मन।

२ तिमुति 2:2

अनि नना पकाय लोकुरा मुने परमेस्वरना पोल्लो वेहतुर अनि निमा वने अदेन केन्जति। अनि इद पोल्लोतुन दुसरोन वने करहान साटि योग्य मन्तोर ओर इमान्दार लोकुरा कयते इद पोल्लोतुन निमा सोपेकिम।

तितुस 1:3

मति परमेस्वरना ठहरे किता अदे बेराते आपुना पोल्लो वेहानाता द्वारा ओर अनन्ता जिवनता ओद आशा प्रगट कितुर।

यहुदि 4:13

अनि ओना मुने बोदे सृष्टिंग मकस मनो। सबोय चिज ओनांग कोन्डांग मुने खुलो अनि स्पष्ट मन्तांग। माक इद दुनियातिगा बदाम जिवेमातोम इन्जोर ओना मुने माक वेहिला पहाजे।

१ पतरस 4:11

बोरायि वळकिर ते परमेस्वरना पोल्लो वळकिन्तोना इदाम वळकिर, बोरायि सेवा केविर ते परमेस्वर हिन्तोर ओद लावता अनुसार केविर, मिया सबोय पोल्लोतिगा परमेस्वर येसु मसिना द्वारा महिमा प्रगट आयि। महिमा अनि लाव सबोय काळदे ओनाय मन्ता। आमिन।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 2:23

नना अदेना बालकुन वने हव्कस वाटका, असके नना मन्दा सोचविचारतुन पुनवाल आन्दान इन्जोर सबोय मसिलोकुरा सभांग पुन्दानुंग अनि नना मियागाडाल सबोयजनकुन आप-आपुना बुतोंगता अनुसार प्रतिफळ हियाका।