१ तिस्लुनि 2:3 - Muria Far Western

³ बाक्याकि मावा उपदेश खोटाल या बोदे गलति उद्देश्य या चलाकि हिले आसि मति शुद्ध मता।

१ तिस्लुनि 2:3 Iomraidhean Croise

बुतोंग 13:15

मूसाना नियम अनि परमेस्वरना पोल्लो वेहवालोरा पुस्तकताल वाचे कित पजा यहुदि लोकुरा समाज मन्डलितोर अदिकारिलोर ओरा हेरे वरोर मानेयतुन लोहतुर, “हे तमोलोरक, लोकुरा उपदेश साटि मिया मन्दिगा बोदे पोल्लो मन्दार ते वेहाट” इन्जोर वळकिहतुर।

बुतोंग 4:36

यूसुफ पोरोयतोर सयिप्रसतिगा जनमे मातोर वरोर लेवि मतोर, येसुना खास चेला लोकुरक ओना पोरोय बरनबास (अर्थ हिमोतोर मरि) इरस मतोर।

२ कुरिन्थुस 11:13

बाक्याकि इदाम लोकुरक येसुना खास चेलाल लोकुरक आयोर मति ओरक खोटाल सेवक लोकुरक मन्तोरक। ओरक माक येसु मसिना खास चेलाल लोकुरक आन्दोम इदाम तोहान साटि लोकुरकुन बहके केवालोर कपटि लोकुरक आन्दुरक।

२ कुरिन्थुस 2:17

बाक्याकि आपुना फायदा साटि परमेस्वरना पोल्लोतिगा बाताले मिलेकिस वेहान्तोरक पकाय लोकुरक लेहका माक आयो। मति परमेस्वरिन मुने खरोय मन्दते अनि परमेस्वर निवळे कितोर इदाम समजेमास मसिना अदिकारते माक वळकान्तोरोम।

२ कुरिन्थुस 4:2

माक लज्जाता गुपित बुतोतुन हरचिस दुसरो लोकुरकुन दोखा केवोम परमेस्वरना पोल्लोतिगा बाताले गलति पोल्लो मिलेह कियाना या परमेस्वरना पोल्लोताल बदले कियाना केवोम। इदाम खरोय पोल्लो वळकानाते माक परमेस्वरना मुने बचोन खरोय लोकुरक मन्तोरोम इन्जोर सबोय लोकुरकुन समजेमायार।

२ कुरिन्थुस 4:5

बाक्याकि माक आपुना बारेते वेहोम मति येसु मसिना बारेते ओर प्रबु आन्दुर इन्जोर वेहान्तोरोम अनि येसु मसिना कारण माक ते मिया लोकुरा दास आन्दोम इदाम माक वेहान्तोरोम।

२ कुरिन्थुस 6:8

हुचुलोर लोकुरक माकुन आदर किन्तोरक मति दुसरो हुचुलोर लोकुरक माकुन अनादर किन्तोरक। हुचुलोर लोकुरक मावा प्रशंसा किन्तोरक मति दुसरो हुचुलोर लोकुरक मावा विरोदते निन्दा किन्तोरक। मावोर विरोदि लोकुरक माक खोटाल समजेमान्तोर मति माक खरोय वळकान्तोरोम।

२ कुरिन्थुस 7:2

निमाट माकुन मया किम्ट, माक बोनाय बाताले खराब केवोम, बोनाय नाश केवोम अनि बोनायनिकेडाले बाताले दोखा किस बोदे फायदा येतोम।

१ तिस्लुनि 2:11

मिकुन परमेस्वर आपुना राज्यता महिमाते केयान्तोर, ओना योग्यताता अनुसार चाल चलन कियान साटि बदाम वरोर बाबो आपुना बालकसंग व्यवहार किन्तोर अदामे माक वने सबोय लोकुरकुन उपदेश किन्तोरोम अनि प्रोत्साहन किस मिकुन समजेकिन्तोर इन्जोर निमाट पुन्तोरिट।

१ तिस्लुनि 4:7

बाक्याकि परमेस्वर माकुन अशुद्धि आयान साटि आयो मति पवित्र आयाना साटि केयतुर।

२ तिस्लुनि 2:11

इन्जोर ओर मानेय लोकुरकुन दोखा हियान साटि परमेस्वर परवांगि हियानुर। अनि इद कारणते ओर मानेय बाताल इन्तोर अदेन लोकुरक स्विकार कियानुरक।

२ पतरस 1:16

बाक्याकि बसके माक मिकुन आपुना प्रबु येसु मसिना लावता अनि ओना असा मलस वायानाता पोल्लो मिकुन हिस मतोम ओद हुशयारिते मानेय बनेकिता पिटोता अनुसार हिले आसि बाक्याकि माक आपुनास ओना महिमातुन हुळस मतोम।