१ तिस्लुनि 2:14 - Muria Far Western

¹⁴ इन्जोर हे बायि-दादालोरक, बदाम यहुदिया प्रदेशता विस्वासि लोकुरकुन यहुदि लोकुरा द्वारा पकाय तकलिप आता अदामे मिकुन वने आपुना लोकुरकनिगाडाल असा पकाय तकलिप आतु, अनि इदाम मिक वने ओरा अनुभव आतु।

१ तिस्लुनि 2:14 Iomraidhean Croise

बुतोंग 11:19

स्तिफानुसना घटनाते आता पकाय तकलिपते हिके होके आस मतोरक सबोय विस्वासि लोकुरक केवल यहुदिलोकुरकुन येसु मसिना सोबाता पोल्लो वेहचोर फिनिके प्रदेश अनि सायिप्रस पोरोयता समुद्र नडुमता टापु अनि अन्ताकिया सहेरतिगा वने वलियसोर वलियसोर हतुरक।

बुतोंग 13:50

मति यहुदिलोरक सहेरता दुसरो लोकुरकुन अनि सोबाय आदर हेवांग परमेस्वरना वरे इरेंग आसक अनि अन्ताकिया सहेरता मुक्या लोकुरकुन भळकेह किस पोलुस अनि बरनबासना विरुद तकलिप हिस ओरकुन आपुना सिवाताल पसिहसितुरक।

बुतोंग 14:19

मति अन्ताकिया अनि इकुनियाताल हुचुलोर यहुदिलोरक वास लोकुरकुन आपुना बासा कितुरक, अनि पोलुसतुन कलदे हितुरक, अनि ओर हातुर इदाम समजेमास ओन सहेरता बाहरो पिळिंगसोर ओतुरक।

बुतोंग 14:2

मति विस्वास केवोरक यहुदि आयोर लोकुरक मसि विस्वासि लोकुरा विरोदते यहुदि आयोर लोकुरकुन भळकेह किस ओरा मन्दुन होंगते निहचितुरक।

बुतोंग 14:4

मति सहेरता लोकुरकनिगा फुट अरस मता, हुचुलोर लोकुरक यहुदिलोरा बासा अनि दुसरो हुचुलोर लोकुरक येसुना खास चेला लोकुरा बासा हतुरक।

बुतोंग 14:5

मति ओरा अपमान किस ओरकुन कलदे हियान साटि यहुदि आयोर लोकुरक अनि यहुदिलोकुरक आपुना अदिकारि लोकुरासंग ओरा परके वितितुरक।

बुतोंग 17:13

मति पोलुस बिरियातिगा वने परमेस्वरना पोल्लो वेहान्तोर इन्जोर तिस्सलुनितोर यहुदिलोकुरक पुतुरक ते अगा वने वास लोकुरकुन भळकेह किस गळबड कियाला लागतुरक।

बुतोंग 18:12

आखया प्रदेशतिगा रोमि देशतोर राजपाल गल्लियो पोरोयतोर मतोर असके यहुदिलोकुरक उन्दि आस पोलुसना विरोद किस ओन न्याय कियाना साटि कोर्टतिगा तचुन इन्दिला लागतुरक,

बुतोंग 8:1

शावुल स्तिफानुसिन हव्कानातिगा सहमत मतोर। प्रबुना हुचुलोर भक्त विस्वासि लोकुरक स्तिफानुसतुन बिजगुडितिगा मिसितुरक अनि ओना साटि पकाय किलतुरक।

बुतोंग 8:3

शावुल लोहक लोहक होळियस मानेयक अनि आसकुन पिळींगस पिळींगस जेहलतिगा बन्द किस मसिलोकुरा सभातुन नाशकियाना सुरु कितुर। अनि येसुना खास चेलाल लोकुरकुन तासिस सबोय लोकुरक यहुदि अनि सामरि देशतिगा हिके-होके आतुरक।

बुतोंग 9:1

शावुल इदेकवनाह प्रबुना चेलालोरकुन धमकि हियाना अनि हव्काना बुतो किसोर मतोर। ओर हजोर याजकना हेरे हन्जुन

बुतोंग 9:13

अनि हनन्याह उत्तर हितुर: “हे प्रबु, येर मानेय येरुसलेमतिगा निया पवित्र लोकुरासंग हजो-हजोह खराब बुतो कितोर इन्जोर पकाय लोकुरकनिकेडाल नना येर मानेयना बारेते केन्जतोना।

बुतोंग 9:31

अनि पजा सबोय यहुदि अनि गलीलि अनि सामरि प्रदेशतिगा मसिलोकुरा सभातुन शान्ति पुटतु अनि विस्वासि लोकुर प्रबुना वरेते ताकसोर अनि पवित्र आत्माता मदतते आपुना विस्वासतिगा मजबुत आस विळसोर हतुर।

१ कुरिन्थुस 10:32

यहुदिलोकुरक साटि अनि यहुदि आयोर लोकुरक साटि अनि मसिलोकुरा सभातुन साटि बोदे दोखाता कारण निमाट बनेमायमाट।

१ कुरिन्थुस 7:17

मति प्रबु येसु मसि माक लोकुरकनिकेडाल वरोर वरोरतुन अलग अलग परिस्थितिते आपुना पोरो विस्वास किस जिवन जिवेमायान साटि आचतुर इन्जोर वरोर वरोन मुने बोद परिस्थितिते केयस मतोर ओदे परिस्थितिते मन्ज जिवन जिवेमाम्ट। अनि इदाम नना मसिलोकुरा सभाता सबोय विस्वासि लोकुरकुन इद आग्या करहान्तोना।

गलाति 1:22

मति यहुदियाता मसिलोकुरा सभातिगा विस्वासि लोकुरक नाकुन बसकेय हुळोर आसि।

१ तिस्लुनि 1:1

पोलुस अनि सिलवानुस अनि तिमुथियुस तिस्सलुनियातोर मसिलोकुरा सभाता विस्वासि लोकुरक साटि इद पत्र कोटान्तोरोम। परमेस्वर बाबो अनि प्रबु येसु मसिना संबन्दते मन्तोरिट मिकुन दया अनि शान्ति पुटसोर मनि।

१ तिस्लुनि 1:6

अनि मिया पकाय तकलिपतिगा, प्रबु अनि माक बदाम पकाय तकलिपतुन सहेन किस मतोम अदाम प्रबुना पवित्र आत्मा मिकुन हिता गिरदाता संग येसु मसिना सोबाता पोल्लोतुन मानेमासुन निमाट वने ओद पकाय तकलिपतुन सहन किस मावा अनि प्रबुना चाल ताकिला आतोरिट।

१ तिस्लुनि 3:4

बाक्याकि माक तकलिप सहेकिया लागार इन्जोर माक मियासंग मुने मतोरोम असके मिकुन वेहच मतोम। अनि अदाम आतु इन्जोर निमाट पुन्तोरिट।

२ तिस्लुनि 1:1

पोलुस, सिलवानुस अनि तिमुथियुस असा वने तिस्सलुनिया सहेरता मसिलोकुरा सभाते परमेस्वर अनि येसु मसिनिगा विस्वास केवालोरक विस्वासि लोकुरकुन साटि इद पत्र कोटान्तोरोम। मिकुन मावोर बाबो परमेस्वर अनि प्रबु येसु मसिनिगा मन्तोरिट।

२ तिस्लुनि 1:4

अनि मिया जिवाता उपद्रव अनि पकाय तकलिपतुन शान्तिते सहेनकिस मिया विस्वासते जिकतोरिट इन्जोर इदेक वने माक परमेस्वरना सबोय मसिलोकुरा सभातिगा मिया विस्वासता बारेते अभिमान किन्तोरोम।