१ तिस्लुनि 2:10 - Muria Far Western

¹⁰ अनि माक विस्वासि लोकुरा नडुम मिया व्यवहारते पवित्र अनि परमेस्वरना मुने येताना योग्यताते अनि निरदोषते मतोम इन्जोर निमाट अनि परमेस्वर वने गवाहि मन्तोरक।

१ तिस्लुनि 2:10 Iomraidhean Croise

लूका 23:41

अनि माक ते न्यायता अनुसार दन्ड भोगे मान्तोराट, बाक्याकि माक बदाम गुना कितोराट अदेना अनुसार दन्ड भोगे मान्तोराट; मति येर बोदे गुना केवोर।”

बुतोंग 20:18

अनि अगडाल मसिलोकुरा सभाता मुक्या लोकुरक ओना हेरे वातुर असके ओरकुन इतुर: “नना आसियातिगा अवतान ओद दियाताल सबोय बेरा मियासंग बदाम मतान इन्जोर निमाट पुन्तोरिट।

बुतोंग 20:26

इन्जोर मियागा बोरे मसिनिगा विस्वास केवाय हायकिट ते ओना नतुरते निरदोष मन्तोना इन्जोर नना नेटा दिया मिकुन गवाहि हिस इन्तोना।

बुतोंग 24:16

इन्जोर परमेस्वरना मुने अनि मानेयना मुने खरोय मन्ता इदाम नना विस्वास किन्तोना ओद पोल्लो कियान साटि नना दरोज आपुनास कोसिस किन्तोना।

२ कुरिन्थुस 1:12

माक इद दुनियातिगा, खास किस मिया नडुम, मेन्दुलता ग्यान ते आयो मति परमेस्वरना दयातासंग, पवित्रता अनि इमानदारितासंग परमेस्वरना योग्य चालचलन कितोम इन्जोर मावा मन्दा गवाहितिगा माक हजोरपण किन्तोरोम।

२ कुरिन्थुस 11:11

मियाकेडाल नावा जरुरितुन पुरा किस नना मिया पोरो वजा बाक्या आयो आतान? मियाकेडाल नावा जरुरितुन पुरा केवोन इन्जोर नना मिकुन मया केवोन इदाम बाक्या निमाट विचार किन्तोरिट? अदाम आयो। नना मिकुन मया किन्तोना इन्जोर परमेस्वर पुन्तोर!

२ कुरिन्थुस 11:31

नना खोटाल वळकोन इन्जोर मावोर प्रबु येसुनोर परमेस्वर अनि बाबो अनि दरोज धन्य मन्तोर ओर परमेस्वर पुन्तोर।

२ कुरिन्थुस 4:2

माक लज्जाता गुपित बुतोतुन हरचिस दुसरो लोकुरकुन दोखा केवोम परमेस्वरना पोल्लोतिगा बाताले गलति पोल्लो मिलेह कियाना या परमेस्वरना पोल्लोताल बदले कियाना केवोम। इदाम खरोय पोल्लो वळकानाते माक परमेस्वरना मुने बचोन खरोय लोकुरक मन्तोरोम इन्जोर सबोय लोकुरकुन समजेमायार।

२ कुरिन्थुस 5:11

इन्जोर प्रबुन वरियसोर माक खरोयतुन येताना साटि लोकुरकुन समजेह किन्तोरोम। मावा अनि परमेस्वर मावा मन्दा उदेशतुन सोबाय पुन्तोर अनि निमाट वने मावा मन्दा उदेशतुन पुन्दिट इन्जोर नना आशा किन्तोना।

२ कुरिन्थुस 7:2

निमाट माकुन मया किम्ट, माक बोनाय बाताले खराब केवोम, बोनाय नाश केवोम अनि बोनायनिकेडाले बाताले दोखा किस बोदे फायदा येतोम।

१ तिस्लुनि 1:5

बाक्याकि माक वेहता प्रबुना सोबाता पोल्लो केवल शब्द रुपते आयो मति पकाय लावदे अनि पवित्र आत्माता मदत अनि पकाय विस्वासते मिया हेरे अवतु। अनि माक मिया मदत साटि मियासंग बदाम मन्तोम इन्जोर निमाट पुन्तोरिट।

१ तिस्लुनि 2:5

माक बसकेय चापलुसि पोल्लो केवोम अनि माक मियाताल पयसांग येताना इच्चा बसकेय केवोम इन्जोर निमाट पुन्तोरिट, इदेक अदेन परमेस्वर वने गवाह मन्तोर।

२ तिस्लुनि 3:7

अनि बदाम मावा लेहका चाल चलन कियाला पहाजे इन्जोर निमाट पुन्तोरिट बाक्याकि माक मियासंग आळसि बनेमास बाताले बुतो केवोम आस मनोम,

१ तिमुति 4:12

अनि बोरे निकुन हुडलोर समजेमायमाकिर बाक्याकि ओरकुन करहान साटि निमा पकाय लयोर मानेय मन्तोन। निया वळकाना रिति, चाल चलन, दुसरो लोकुरा बारेते निया माया, विस्वास, अनि निया जिवनता पवित्रता इद सबोय पोल्लोते निमा सबोय विस्वासि लोकुरकुन सोबाय आदरश बनेमाम।

२ तिमुति 3:10

मति हे तिमुथियुस, इव सबोय पोल्लोंग निमा सोबाय पुन्तोन बाक्याकि लोकुरकुन नना करिहता नावा जिवन जगेमायाना ओद रिति परमेस्वरना इच्चाता अनुसार मता। अनि नावा लक्ष्य लोकुरकुन परमेस्वरना पोल्लो करहाना मता। अनि बदाम नना येसु मसिनिगा विस्वास कितान अनि बदाम नना लोकुरासंगे धीरज अनि मया किसोर मतान। अनि नना सबोय कटिन परिस्थितितिगा बदाम सहेन किन्दान, इव सबोय पोल्लोतुन निमा सोबाय पुन्तोन।

१ पतरस 5:3

अनि निमाट कटोर रितिते ओरागा अदिकार केमाट मति परमेस्वरना लोकुरा मुने आदर्श बनेकिस किम्ट।