१ तिस्लुनि 1:5 - Muria Far Western

⁵ बाक्याकि माक वेहता प्रबुना सोबाता पोल्लो केवल शब्द रुपते आयो मति पकाय लावदे अनि पवित्र आत्माता मदत अनि पकाय विस्वासते मिया हेरे अवतु। अनि माक मिया मदत साटि मियासंग बदाम मन्तोम इन्जोर निमाट पुन्तोरिट।

१ तिस्लुनि 1:5 Iomraidhean Croise

मरकुस 16:20

अनि ओरक पसियस सबोय जागा सोबाता पोल्लो वेहतुरक, अनि प्रबु ओरासंग बुतो किसोर मतोर। अनि ओर वेहता सोबाता पोल्लो खरोय मन्ता इन्जोर ओद चिन्हाता द्वारा प्रबु मजबुत किसोर मतोर। आमिन।)

लूका 1:1

अनि मावा नडुमते येसुना जिवाता बारेते बाताल बाताल आत, अदेन कोटान साटि पकाय लोकुरक बुतोंग कितोरक।

बुतोंग 11:21

प्रबुना लाव ओरागा मता अनि पकाय लोकुरक विस्वास किस प्रबुनिके मलतुरक।

बुतोंग 16:14

लुदिया पोरोयता तुयाथिरा सहेरता मान्जिन्ता सुति सन्दरांग मोमे उन्दि भक्ते आळ केन्जसोर मता। ओद मसिना बारेता पोलुसना पोल्लोतुन समजेमायान साटि प्रबु अदेना मन्दुन तरियतुर।

बुतोंग 2:33

परमेस्वर येसुन आपुना तिन्दान कय हेरे हजोर पद हिस उपिहतुर। अनि ओर बाबोनिकेडाल प्रतिज्ञाता अनुसार पवित्र आत्मा स्विकार किस ओर इद पवित्र आत्मातुन माकुन पकाय हितुर, अदेन निमाट इदेक हुळिला अनि केन्जिला आतोरिट।

रोमि 1:16

नना येसु मसिना बारेते सोबाता पोल्लोसाटि लज्जा आयोन; बाक्याकि बोरायि अगा विस्वास इरान्तोरक ओना पिसाना साटि मुने यहुदि अनि पजा यहुदि आयोर लोकुरकुन ओद पिसाना साटि परमेस्वरना लाव मन्ता।

रोमि 15:13

अनि आशा हिन्तोर ओर परमेस्वर ओनिगा निमाट विस्वास इरान्तोरिट इन्जोर ओर मिकुन गिरदा अनि शान्तिते निहचिविर। इदाम पवित्र आत्माता लावते बोद आशा निमाट इरान्तोरिट ओद आशा बरसोरिंग हनि इन्जोर नना प्रार्थना किन्तोना।

रोमि 2:16

नना वेहता सोबाता पोल्लो लेहका परमेस्वर निवळे कितोर ओर येसु मसिना द्वारा उन्दि दिया मानेयना मकतांग विचारता न्याय कियानुर असके इव पोल्लोंग आयनुंग।

१ कुरिन्थुस 1:24

यहुदि मनिर या युनानि मनिर परमेस्वर आचतोर सबोय लोकुरक साटि मसि परमेस्वरना लाव अनि परमेस्वरना ग्यान मन्तोर ओर मसिन माक वळकिन्तोरोम।

१ कुरिन्थुस 10:33

नना आपुना फायदा आयो मति सबोय लोकुरक पापताल पिसिहला पहाजे इन्जोर दुसरो लोकुरा फायदा साटि सबोय लोकुरकुन सबोय पोल्लोतिगा गिरदा कियाना कोसिस किन्तोना।

१ कुरिन्थुस 3:16

निमाटे परमेस्वरना मन्दिर आन्दिट इन्जोर परमेस्वरना आत्मा मियागा मन्तोर इदाम बाताल निमाट पुनविट?

१ कुरिन्थुस 3:6

नना विजा वीतवाल लेहका मियागा येसु मसिना सोबाता पोल्लोता बुतो सुरु कितान। अनि अपुलोस ओद विजातुन एर दोसवाल लेहका मावा बुतोतुन ओर मुने ओस मिकुन करिहतोर। मति मिया आत्मिक जिवनतुन मजबुत बनेहकेवाल परमेस्वर आन्दुर।

१ कुरिन्थुस 4:20

परमेस्वर मावा जिवनते राज कियान बेरा परमेस्वरना बारेते माक केवल वळकनाय आयो मति माक परमेस्वरना लावते मावा विचार अनि चाल चलनतुन बदलेकिस लोकुरकुन तोहिर।

१ कुरिन्थुस 9:14

अदामे परमेस्वरना सोबाता पोल्लो वेहान्तोरक, सोबाता पोल्लो वेहाना आपुना बुतोता द्वारा पुटान्ता मदतते ओरा तिन्दाना उन्डाना आयिला पहाजे इन्जोर प्रबु वने लोकुरक साटि आग्या हितोर।

२ कुरिन्थुस 3:6

ओर माकुन पुनाल नियमता सेवक आयाना योग्य कितोर। ओदे मूसाना कोटता नियमता सेवक आयो मति माकुन पवित्र आत्माता सेवक बनेकितुर बाक्याकि मूसाना कोटता जुनाल नियम अनन्त काळता हायानाता दन्डता कारण आन्ता मति परमेस्वरना आत्माते अनन्त काळता जिवन जिवेमायाना कारण आन्ता।

गलाति 2:2

नना परमेस्वरना दरशनता अनुसार अगा हन्ज मतोना। नना किन्तोना ओद बुतो बेकार हन्माकि इन्जोर नना यहुदि आयोर लोकुरा नडुम प्रचार कियालाता ओदे सुसमाचारतुन नना अगा उन्दि सभातिगा, मसिलोकुरा सभाता केवल मुक्याह लोकुरकुने वेहतान।

गलाति 5:5

पवित्र आत्माता द्वारा विस्वासता कारण परमेस्वर माकुन स्विकार कियानुर इन्जोर माक आशा किन्तोरोम।

इफिसुस 2:10

बाक्याकि माक ओनोर बनेहकितोर मन्तोरोम। माक सोबाय बुतो कियाला पहाजे इन्जोर परमेस्वर येसु मसिना द्वारा माकुन पुनाल जिवन बनेहकितुर; माक पकाय सोबाय बुतो किसोर आपुना जिवन ताकिहिला पहाजे इन्जोर परमेस्वर मुनेटाले योजना तयार कितोर।

इफिसुस 3:20

इदेक माक बचोन तल्क परान्तोराट या बगावनाह माक विचार किया परान्तोराट अदेनताल वने पकाय कियान साटि पकाय हजोर लावदे मावागा बुतो कियापरान्तोर ओर परमेस्वरिन,

फिलिप्पि 2:13

बाक्याकि परमेस्वरे आपुना इच्चाते मिया मन्दिगा ओना गिरदाता पोल्लोंग कियान साटि इच्चा अनि लाव हिन्तोर।

फिलिप्पि 4:9

बोव पोल्लोंग निमाट नावागा हुळतिट, अनि केन्जतिट, अनि करियतोरिट, अनि स्विकार कितिट, अदेनाय पालन किसोर मन्ट, असके शान्तिता झरा मन्तोर ओर परमेस्वर मियासंग मन्दानुर।

कुलुसि 2:2

अनि परमेस्वरना रहस्य योजना मसि मन्तोर, ओद रहस्य योजनाता पुरा ग्यान समजेमायान साटि निमाट आपसता मयाते उन्दि आस मन्दुन हिमत पुटि इन्जोर नना इचोन हजोर मेहनत कियाला आतोना इदाम निमाट पुन्ट इन्जोर नावा इच्चा मन्ता।

१ तिस्लुनि 2:13

मावाताल परमेस्वरना सोबाता पोल्लो मियासंग अवतु इन्जोर माक वने परमेस्वरना दरोज धन्यवाद किन्तोरोम। अनि निमाट अदेन केवल मानेयना पोल्लो लेहका आयो मति परमेस्वरना पोल्लो इन्जोर समजेमासुन स्विकार कितिट। अनि परमेस्वरना विस्वास किन्तोर ओर लोकुरा जिवाते परमेस्वरना पोल्लो सोबाय बुतो किसोर मन्ता।

२ तिस्लुनि 2:14

अनि मावोर प्रबु येसु मसिना महिमातुन पुटहान साटि ओर मावा सोबाता पोल्लोता वेहानाता द्वारा मिकुन केयतुर।

२ तिमुति 2:10

इन्जोर परमेस्वर आचतोर ओर लोकुरकुन येसु मसिना द्वारा पिसाना पुटि अनि ओर उदस मन्तोर ओद स्थानतिगा महिमातासंग ओरक वने दरोज मन्दान साटि नना परमेस्वर आचतोर ओर लोकुरक साटि इद सबोय दुःख सहेमान्तोना।

२ तिमुति 2:8

येसु मसि दावुद राजाना वंशते जनम आतुर अनि असा हातोरिगाडाल जिवेमातुर इन्जोर इद निमा दरोज अलहा। इद नना लोकुरकुन वेहता सुसमाचार मन्ता,

यहुदि 10:22

इन्जोर माक खरोय मन अनि पुरा विस्वासतासंग ओना हेरे दाकाट। अनि मसि परमेस्वरना मुने आपुनतुन बलि हितुर इन्जोर पापता मापि मन्ता। इन्जोर अन्तकरणता दोष लक किस मसिना नतुर मावा मन्दिगा हिदिक्स अनि मेन्दुलतुन शुद्ध एते नोरस परमेस्वरना हेरे दाकाट।

यहुदि 6:11

मति मियागडाल वरोर वरोर मानेय मिकुन खरोय पुटानुर इदाम विस्वास किन्ता ओद पोल्लो पुरा आयानावनाह इदामे पकाय कोसिस किसोर मनिर इदाम माक इच्चा किन्तोरोम।

१ पतरस 1:12

ओरक आपुना साटि आयो, मति मिया साटि माक सेवा किन्तोरोम इन्जोर ओरकुन तोहतुर। स्वरगताल लोहता पवित्र आत्माता द्वारा येसु मसिना सोबाता पोल्लो मिकुन वेहवालोरक अव पोल्लोंग मिकुन इदेक वेहतोरक। अनि स्वरगदूतक वने अव पोल्लोंग ध्यानते हुळाना इच्चा किन्तोरक।

१ पतरस 1:3

मावोर प्रबु येसु मसिनोर पिता परमेस्वरना धन्यवाद आयि!

१ पतरस 5:3

अनि निमाट कटोर रितिते ओरागा अदिकार केमाट मति परमेस्वरना लोकुरा मुने आदर्श बनेकिस किम्ट।

२ पतरस 1:10

इन्जोर हे बायि-दादालोरक, परमेस्वर मिकुन खरोय केयतोर अनि आचतोर ओद पोल्लोतुन मिया मन्दे पका कियान साटि सोबाय कोसिस किसोर हन्ट, बाक्याकि इदाम कियाकिट ते बसकेय मिया विस्वास जिवनतिगा कोदोर हेवि आयकिट।

२ पतरस 1:19

बाक्याकि परमेस्वरना पोल्लो वेहवालोरा पोल्लो इद घटनातुन पका किस मावा हेरे मन्ता। अनि वियाना बेरा आसुन मिया मन्दिगा सकारिता हुको पसियानवनाह अन्दकारतिगा उन्दि दिवाता वेळिचि लेहका निमाट परमेस्वरना पोल्लो वेहवालोरा ओद पोल्लोतुन ध्यान हियाकिट ते मिकुन बेस आयार।