१ पतरस 5:5 - Muria Far Western

⁵ इदे रितिते हे लयोरक, निमाट वने मुक्याल लोकुरा अदिकारते मन्ट, अनि निमाट सबोय लोकुरक नम्रताते वरोर दुसरोना सेवा कियान साटि तयारिते मन्ट, बाक्याकि “आपुनतुन हजोरपण केवालोरकुन परमेस्वर विरोद किन्तोर, मति परमेस्वर गरिब लोकुरकनिगा दया किन्तोर।”

१ पतरस 5:5 Iomraidhean Croise

लूका 22:26

मति निमाट ओरा लेहका आयमाट। मिया पयकि बोर हजोर मन्तोर, ओर हुडलोर लेहका बनेमायिर अनि बोर मुक्याल मन्तोर ओर सेवा केवाल बनेमायिर।

रोमि 12:10

निमाट वरोन दुसरोन हेलाळ तमोना लेहका मया किसोर मन्ट अनि आपुनताल दुसरोन पकाय महत्वतोर समजेमास ओरा आदर किम्ट।

रोमि 13:14

मति बदाम प्रबु येसु मसिना जिवन मता अदामे जिवन निमाट वने जिवेमाम्ट। अनि आपुना मेन्दुलता पाप स्वभावता इच्चातुन पुरा कियाना कोसिस केमाट।

इफिसुस 5:21

मसिना आदरते वरोर दुसरोना अदिकारते मन्ट।

फिलिप्पि 2:3

केवल आपुना फायदा साटि अनि आपुना हजोरपण साटि बारायि बुतो केमाट मति आपुनतुन हुळिलोर बनेमास दुसरोन आपुनताल हजोर समजेमास सबोय बुतोतुन किम्ट।

कुलुसि 3:12

परमेस्वर मिकुन आचकुन मिकुन पवित्र बनेहकितुर। अनि परमेस्वर मिकुन पकाय मया किन्तोर। इन्जोर सहानुभुति, दया, नम्रता, कोमलता, अनि सहनशिलतातुन दुसरो लोकुरासंग दरोज प्रगट किसोर मन्ट।

१ तिमुति 5:1

आपुना वयताल हजोर लोकुरकुन निमा होंगदे वळकमा मति ओरकुन आपुनोर बाबोन लेहका समजेमास वळका। अनि आपुना वयता हुडलोर लोकुरकुन तमो लेहका वळका।

यहुदि 13:17

मसिलोकुरा सभाता मुक्याल लोकुरा पोल्लोतुन मानेमास ओरा अधिनते मन्ट। ओरक परमेस्वरना मुने मिया बारेता हिसाब हियाला पहाजे इन्जोर ओरक मिया साटि केपसोर मन्तोरक। ओरा आग्यातुन मानेमायकिट ते ओरा सेवा गिरदाते किया परान्तोरक। निमाट ओरकुन मानेमायवेक ते ओरक आपुना सेवा गिरिदाते केवोर आयनुरक इन्जोर मिकुन बोदे फायदा वने पुटो।

याकुब 4:6

मति परमेस्वर मावागा पकाय दया किन्तोर इन्जोर, “परमेस्वर घमन्ड लोकुरा विरोद किन्तोर अनि गरिब लोकुरकनिगा पकाय दया किन्तोर” इन्जोर पवित्र पुस्तकतिगा कोटता मन्ता।

१ पतरस 3:8

आकरिते सबोयजन उन्दि मन अनि दयावाले अनि तमो लोकुरकुन मया केवाल अनि करुणामय अनि नम्र बने माम्ट।

१ पतरस 4:1

मसि आपुना मेन्दुलते पकाय तकलिप सहेन कितुर इन्जोक निमाट वने ओदे विचारतुन हत्यारता रुपते स्विकार किम्ट।

१ पतरस 4:5

जिवित मन्तोर अनि हातोर लोकुरा न्याय केवालना मुने ओरक हिसाब हियाना पहाजे।