१ पतरस 5:10 - Muria Far Western

¹⁰ इदेक परमेस्वर ओर सबोय दयातोर बाबो मन्तोर, ओर मिकुन मसिना कारण आपुना अनन्त महिमासाटि केयतुर, मिया हुडुक बेरावनाह पकाय तकलिप सहन कितपा पजा आपुनास मिकुन सिद्ध बने किस अनि स्थिर बने किस लाववाले बनेकियानुर।

१ पतरस 5:10 Iomraidhean Croise

लूका 22:32

मति नना ते मिया विस्वास कमजोर आयमाकि अनि निमा पस्तेमासुन नावा हेरे वास निमा दुसरो चेलालोरकुन विस्वासते मजबुत कियान साटि परमेस्वरतुन प्रार्थना कितोना।”

रोमि 15:13

अनि आशा हिन्तोर ओर परमेस्वर ओनिगा निमाट विस्वास इरान्तोरिट इन्जोर ओर मिकुन गिरदा अनि शान्तिते निहचिविर। इदाम पवित्र आत्माता लावते बोद आशा निमाट इरान्तोरिट ओद आशा बरसोरिंग हनि इन्जोर नना प्रार्थना किन्तोना।

रोमि 15:5

मावोर परमेस्वर माकुन धीरज अनि शान्ति हिस निमाट वरोर दुसरोनासंग शान्तिते मन्दान साटि ओर मिकुन मदत केविर इन्जोर परमेस्वरनिके नना प्रार्थना किन्तोना बाक्याकि येसु मसिना चेला लोकुरकुन इदामे कियाला पहाजे।

रोमि 16:25

परमेस्वरना स्तुति आयि! येसु मसिना सोबाता पोल्लो नना मिकुन वेहान्तोना अदेना अनुसार परमेस्वरे येसु मसिना विस्वासते माकुन मजबुत बनेमायान साटि लाववाले मन्तोर। अनि येसु मसिना सोबाता पोल्लो युगानयुगताल परमेस्वर रहस्यता रुपते इरस मतोर अदेन परमेस्वर इदेक सबोय लोकुरक साटि तोहतुर। मुने परमेस्वरना पोल्लो वेहवालोरक ओरा पुस्तकतिगा येसु मसिना वायाना बारेते वेहच मतोरक।

रोमि 9:11

अनि ओरक पेकोरा जनम आयानाता मुने अनि ओर बारायि खराब गलति कियानाता मुनेय परमेस्वरना आचानाता उदेश बोनाय मानेयना बुतोता कारणते आयो मति ओना योजना पुरा कियान साटि ओना इच्चाते कारण इदाम आयान साटि,

रोमि 9:24

ओर आचतोर ओरिगा केवल यहुदिलोकुरक आयो मति माक यहुदि आयोर लोकुरक वने मन्तोरोम।

१ कुरिन्थुस 1:10

हे बायि-दादालोरक, निमाट सबोय आपसते उन्दिय जिवा आस मिया नडुम बोदे फुट आयमाकि अनि उन्दिय मन अनि उन्दिय विचारते मिलेमास मन्दिला पहाजे इन्जोर मावोर प्रबु येसु मसिना अदिकारते नना मिकुन विनन्ति किन्तोना।

१ कुरिन्थुस 1:9

आपुनोर मरि अनि मावोर प्रबु येसु मसिना संगते मन्दान साटि मिकुन केयतोर परमेस्वर विस्वास योग्य मन्तोर।

२ कुरिन्थुस 13:11

हे बायि-दादालोरक, इदेक नना मिकुन नमस्कार किस मियागडाल दान्तोना। नना कियान साटि मिकुन वेहतान ओद सबोय पोल्लोंग अदामे किसोर मन्ट। वरोर दुसरोन मानेमास उन्दि मन्दे विचार किस शान्तिते मन्ट अदेनते मया अनि शान्ति हेवाल परमेस्वर मियासंग मन्दानुर।

२ कुरिन्थुस 4:17

मावा घळिमेटा तकलिप मावा साटि पकाय महत्वता मन्ता बाक्याकि अदेनते अनन्त जिवनता महिमा उत्पन्न आयाना कारण आन्ता। इद महिमा दुसरो बगाय पुटो।

फिलिप्पि 4:13

नाकुन लाव हेवाल येसु मसि मन्तोर इन्जोर इदाम सबोय परिस्थितिते ओना मदतते नाक इदाम सबोय किया परान्तोना।

कुलुसि 2:7

अनि ओनागाय मिया विस्वास तोळिय लोपाडा हिरक लेहका खोल हन्ज मजबुत आस येसु मसिना संगते बरसोरिंग मन्ट। अनि बदाम मिकुन करिहतोर अदामे येसु मसिना विस्वासतिगा मजबुत आस परमेस्वरिन पकाय धन्यवाद किसोर मन्ट।

२ तिस्लुनि 2:14

अनि मावोर प्रबु येसु मसिना महिमातुन पुटहान साटि ओर मावा सोबाता पोल्लोता वेहानाता द्वारा मिकुन केयतुर।

२ तिस्लुनि 2:17

अनि मिया मन्दे शान्ति हेविर अनि मिया सबोय बुतोतिगा अनि पोल्लोतिगा कम्बिर केविर।

२ तिस्लुनि 3:3

मति प्रबु येसु खरोय विस्वासनिय मन्तोर, ओर मिकुन विस्वासते कम्बिर कियानुर अनि दुष्टलोकुरक निगाडाल मिकुन पिसिहानुर।

१ तिमुति 6:12

विस्वासता परके हन्दान साटि नियागा पकाय सन्कट वायार असके निमा खरोय विस्वासते मुने हन्दान साटि मेहनता लळायि किम। अनि इद विस्वास निमा पकाय लोकुरा मुने गवाहि हिस मतोर अनि निया अनन्त जिवन नाश केमा बाक्याकि अनन्त जिवन साटि परमेस्वर निकुन आचतोर।

२ तिमुति 1:9

अनि ओर माकुन पिसितुर अनि पवित्र जिवन जिवेमायान साटि केयतुर अनि इद मावा बुतोता अनुसार आयो मति दुनिया बनेकियानाता मुने येसु मसिना द्वारा पिसाना हियान साटि आपुना योजना पुरा कियान साटि ओर योजना कितुर,

२ तिमुति 2:10

इन्जोर परमेस्वर आचतोर ओर लोकुरकुन येसु मसिना द्वारा पिसाना पुटि अनि ओर उदस मन्तोर ओद स्थानतिगा महिमातासंग ओरक वने दरोज मन्दान साटि नना परमेस्वर आचतोर ओर लोकुरक साटि इद सबोय दुःख सहेमान्तोना।

यहुदि 9:15

अनि इद कारणते परमेस्वर मूसानासंग किता जुनाल करारता काळते ओद नियमतुन पालन किया परोर आतोरक सबोय पापि लोकुरकुन आपुना हायानाता द्वारा अनन्त काळता वारिस आयाना वाचाते केयतोर सबोय लोकुरकुन लेहचियान पुटान साटि मसि पुनाल करारता मध्यस्थि मन्तोर।

१ पतरस 1:15

मति मिवोर केयवाल परमेस्वर पवित्र मन्तोर इन्जोर निमाट वने आपुना सबोय चाल-चलनतिगा पवित्र बनेमाम्ट।

१ पतरस 4:10

बोन बोद वरदान परमेस्वरताल पुटता, ओर अदेन परमेस्वरना अलग-अलग प्रकारता वरदानतुन सोबाय केपसुन उपयोग केवाल भणडारि आस वरोर दुसरोना सेवा किम्ट।

१ पतरस 4:11

बोरायि वळकिर ते परमेस्वरना पोल्लो वळकिन्तोना इदाम वळकिर, बोरायि सेवा केविर ते परमेस्वर हिन्तोर ओद लावता अनुसार केविर, मिया सबोय पोल्लोतिगा परमेस्वर येसु मसिना द्वारा महिमा प्रगट आयि। महिमा अनि लाव सबोय काळदे ओनाय मन्ता। आमिन।

२ पतरस 1:3

आपुना दारमिकता अनि महिमाता सहभागि आयान साटि माकुन केयतोर ओर परमेस्वरना बारेता मावा पुन्दानाते परमेस्वरना गिरिदा किस जिवेमायान साटि बाताले माकुन जरुरि मन्ता ओद सबोय आपुना दिव्य लावता द्वारा परमेस्वर माकुन हितोर।

१ युहनाल 2:25

अनि ओर येसु मसि माकुन हिता वाचा अनन्ता जिवन आन्दु।

यहुदा 1:24

इदेक अरानाताल मिकुन पिसहिच आपुना महिमाता मुने पकाय गिरदातासंग निरदोष किस निपिहला परान्तोर,