१ पतरस 4:9 - Muria Far Western

⁹ बळबडेमायवाय वरोन दुसरोना गिरिदाते पाहुन्चार किम्ट।

१ पतरस 4:9 Iomraidhean Croise

रोमि 12:13

अनि विस्वासि लोकुरकुन बोदायि जरुरत मन्ता ओरकुन मदत किम्ट अनि वरताहना स्वागत कियान साटि पकाय गिरदाते मन्ट।

रोमि 16:23

तमो गयुस ओना लोन इदेक नना रोमतोना अनि ओना लोतिगा आरादना साटि जमा आन्तोरक सबोय विस्वासु लोकुरक मिकुन नमस्कार किन्तोर। अनि इद नगरता डब्बुना बारेते लेन-देन केवाल मुक्याल इरास्तुस अनि ओना तमो क्वारतुस वने मिकुन नमस्कार किन्तोर।

२ कुरिन्थुस 9:7

वरोर वरोर मानेय आपुना मन्दिगा बचोन दान हियाला पाहाजे इन्जोर इच्चा किन्तोरक अचोन दान केविर। निमाट बळबळेमास आयो अनि बोनाय जबरदस्तिते आयो मति गिरिदाते दान हेवाल लोकुरकुन परमेस्वर मया किन्तोर।

फिलिप्पि 2:14

चतराल अनि हेकळ लोकुरा नडुम निमाट परमेस्वरना निरदोष अनि पवित्र बालकना गुण तोहिला पहाजे। इन्जोर बोदे बुतो कियानपा मन्दे बळबळेमास अनि विवादते केमाट। इदाम कियाकिट ते बोरे मिकुन दोष लावे केवोर आयनुर। चतराल अनि हेकळ लोकुरा नडुम अन्दकारता जागादिगा बदाम वेळिचि मान्जता अदाम लेहका निमाट परमेस्वरना पोल्लो वेहच इद दुनियातिगा ताकसोर मन्ट।

१ तिमुति 3:2

अनि अध्यक्ष निरदोष मनिर, उन्दिय मुतेवाले मनिर, शान्ति स्वभावतोर मनिर अनि लोकुरासंग सोबाय संबन्द केवाल, लोकुरा आदर केवाल, वरताहकुन सोबाय गिरदाते मानेमायवाल अनि सोबाय उपदेश केवाल मनिर,

तितुस 1:8

मति ओर अध्यक्ष वरताहकुन सोबाय गिरदाते मानेमायवाल अनि भला कियान साटि तेयार मन्वाल, मया केवाल, न्याय केवाल अनि समजे किसुन वेहवाल, ओना मन शुद्ध मनि अनि ओर शान्त स्वभावतोर मनिर।

फिलेमोन 1:14

मति निया इच्चा हिले ते नना बाताले कियाना साटि विचार केवोन; बाताले सोबाता बुतो नावा साटि कियाकि ते ओद जबरदस्तिते आयो मति आपुना गिरदाते कियाला पहाजे इदाम नना इच्चा किन्तोना।

यहुदि 13:16

मति दुसरो लोकुरक साटि सोबाय बुतो किस मिया चिजतुन दुसरोनासंग तुसाना इदाम पोल्लोंग मरिंगमाट बाक्याकि परमेस्वर इदाम बलिदानते गिरिदा आन्तोर।

यहुदि 13:2

मसि विस्वासि लोकुरकुन मिया लोतिगा स्वागत किस ओरकुन पाहुणचार कियाना मरिंगमाट। बाक्याकि इदेना द्वारा पकाय लोकुरक स्वरगदूतकुन वने पुनवाय ओरा पाहुणचार कितोरक।

याकुब 5:9

हे बायि-दादालोरक, मियागा न्याय वायमाकि इन्जोर वरोर दुसरोन दोष लावे केमाट। हुळाट हजोर न्याय केवाल प्रगट आयान साटि दरवाजादिगा तयारिते नितितोर।