१ पतरस 4:4 - Muria Far Western

⁴ निमाट ओरा खराब चाल-चलनतिगा ओरासंग सहभागि आयविट इन्जोर ओरक आश्चरय किस मिया निन्दा किन्तोरक।

१ पतरस 4:4 Iomraidhean Croise

मत्ति 23:25

कपटि मन्तोरक हे नियमतुन करिहवालोरक अनि परीसि लोकुरक, परमेस्वर मिकुन पकाय दन्ड हियानुर। निमाट कटोराह अनि दळयाहकुन पोरो-पोरोडाल नोरान्तोरिट, मति ओरा लोपाडाल लालुच अनि कपटताते निन्दितांग।

लूका 15:13

अनि वलेंग दियांग आयोते ओनोर हुडलोर मरि आपुना सबोय धनसंपतितुन मोमसितुर, अनि अव सबोय डबुनांगसंग लक देशतिके हतुर, अनि ओर होके आपुनांग सबोय डबुनुंग पाप अनि खराब बुतोंग कियानाते मारिहचितुर।

बुतोंग 13:45

मति यहुदिलोर भीळतुन हुळस पकाय हेवाते पोलुसना पोल्लोता विरोदते निन्दा किस वळकिला लागतुरक।

बुतोंग 18:6

मति यहुदिलोकुरक विरोद अनि निन्दा कियाला लागतुरक असके ओर आपुनांग सन्दरांग झटकेकिस ओरकुन इतुर, “परमेस्वरताल मियागा वायवाल मन्ता दन्डता कारण केवल निमाटेय मन्तोरिट! नना दोषि हिलेन। नेटाल नना दुसरो जातितोर लोकुरा हेरे दाका” इन्जोर इतुर।

रोमि 13:13

अनि लोकुरक दियाता वेळिचितिगा बदाम सोबाय बुतो किस जिवे मान्तोर अदामे माक वने सोबाय बुतो किस जिवेमायिला पहाजे। माकुन जेवेकियाना साटि केयानातिगा हन्जुन दाळंगो उन्जुन गलति रितिता गिरदाते मन्दाना आयो, अनि व्यभिचार किस खराब जिवन जिवे मायमाट। अनि माक दुसरोन हेवा किस वाहचमाट।

इफिसुस 5:18

दाळंगो उन्जुन बिगडेमायमाट, बाक्याकि इदेनते व्यभिचार आन्ता।

१ पतरस 2:12

बोर येसु मसिनिगा विस्वास केवोर ओर लोकुरासंग निमाट जिवित मन्दानपा मिया चाल-चलन सोबाय मनि। ओर मिकुन बोव बोव पोल्लोतिगा खराब बुतो केवालोरक इदाम दोष लावेकिस बदनाम किन्तोरक, ओरक मिया सोबाय बुतोतुन हुळस परमेस्वर माकुन न्याय कियाना ओद दिया परमेस्वरना महिमा केविर।

१ पतरस 3:16

येसु मसिनिगा मिया सोबाय बुतोता निन्दा केवालोर लोकुरक मिया अपमान कियानपा लज्जा आयिर इन्जोर शुद्ध विवेकते मन्ट।

२ पतरस 2:12

मति येरक खोटाल करिहवालोरक केवल मानेयना कयते पयस हव्काना साटि जनम आता केळाता निरबुद्धि जानवर लेहका मन्तोरक। अनि बोव पोल्लोनुंग ओरक बाताले पुनोरे अदेना बारेते दुसरो लोकुरकुन गलति खराब इन्तोरक, मानेय जानवरकुन हव्कान्तोरक अदामे परमेस्वर येर खोटाल करिहवालोरकुन वने नाश कियानुर।

२ पतरस 2:22

“नय आपुना पोरसतातिकेय मलस अदेन तिन्ता”, अनि “उन्दि नोरता पदि चिकलातिगा लोरेमायिला असा मलस दान्ता” इदाम कहावट लेहका ओरा स्थिति आता।

यहुदा 1:10

येर लोकुरक बोव पोल्लोंग येरकुन समजेमायोंग अदेना निन्दा किन्तोरक। अनि बुद्धि हिले ओद जानवरक लेहका बोव पोल्लोंग येरकुन स्वाभाविक रितिते आपुना अनुभवते समजेमान्तोरक अदेना कारण येरक आपुना नाश किन्तोरक।