१ पतरस 4:17 - Muria Far Western

¹⁷ बाक्याकि न्याय कियाना बेरा आतु, अनि न्याय कियाना पहले परमेस्वरना लोकुरिगा आयार। अनि न्यायता सुरुवात मावागाडाले आयार ते बोर परमेस्वरना सोबाता पोल्लोतुन मानेमायोर ओरा न्याय बचोन हजोर आयार?

१ पतरस 4:17 Iomraidhean Croise

लूका 23:31

बाक्याकि नना ते बोदे पाप अनि गलतिगुना केवोन मति नाकुन इचोन पकाय दन्ड हिन्तोरक, मति बोर पाप, गलतिगुना कितोरक ओरकुन बचोर हजोर दन्ड हियानुरक?” इन्जोर इतुर।

रोमि 1:1

परमेस्वर आपुनोर मरि अनि इद दुनियातिगा दावुदनोर वंशतिगा जनम आतोर, अनि हातोरिगाडाल असा जिवेमातुर इन्जोर पवित्र आत्माता द्वारा परमेस्वरनोर लाववाले मरि इदाम परमेस्वर आचतोर मावोर प्रबु येसु मसिना बारेते,

रोमि 2:9

अनि गलति किन्तोर ओरक सबोय लोकुरा पोरो मुने यहुदि अनि पजा यहुदि आयोर सबोय लोकुरकनिगा दुःख अनि सन्कट वायार।

गलाति 3:1

हे निरबुद्धि गलातियातोर विस्वासि लोकुरक! मिकुन ते सबोय लोकुरा मुने येसु मसि कुरुस पोरो मिया साटि हातुर इन्जोर पकाय स्पष्ट रितिते तोहतान ते वने मिकुन बोर जादु किस मोहनिंग कितोर?

गलाति 5:7

निमाट वरोर वितवाल लेहका येसु मसिना विस्वासते सोबाय रितिते वितसोर मतोरिट। मति इदेक खरोय पोल्लोतुन पालन कियाना बोर मिकुन बन्द किहितुर?

गलाति 6:10

इन्जोर माक सन्दि पुटानपा सबोय लोकुरकुन विशेषाल विस्वासि लोकुरा भलायि किम्ट।

१ तिमुति 3:15

परमेस्वरना परिवारतिगा वरोर मानेय बदाम मन्दान इन्जोर नाकुन वायान साटि पकाय बेरा आयार ते इद निमाट समजेमायिला पहाजे। बाक्याकि परमेस्वरना परिवार मन्जे जिवित परमेस्वरना मसिलोकुरा सभा मन्ता। अनि इगा सबोय विस्वासि लोकुरक विस्वासता पायवा अनि खम्बा लेहका मन्तोरक। अनि बदाम पायवा अनि खम्बा पुरा लोतुन लाव हिन्ता अदामे मसिलोकुरा सभाता विस्वासि लोकुरक सोबाता पोल्लोतुन लाव हिन्तोरक।

यहुदि 11:8

विस्वासता कारणतेय अब्रहामिन मिरास पुटवाल मता ओद देशतिके हन्दान साटि परमेस्वर केयतुर असके परमेस्वरना आग्या मानेमास नना बेके हन्दिला आतोना इन्जोर ओर पुनोर आन्दुर ते वने ओद जागातिके पसियस हतुर।

यहुदि 2:2

बाक्याकि स्वरगदूतकना द्वारा मावोर आजि-दादि लोकुरकुन परमेस्वर वेहच मतोर अव पोल्लो पालन कियाना जरुर मन्तांग, अनि ओद नियमतुन पालन केवोर आस मतोरक लोकुरकुन ओरा गलतिता अनुसार दन्ड पुटतु।

यहुदि 2:4

अनि परमेस्वर वने चिन्हांग, अनि अत्भुत बुतोंग अनि अलग अलग प्रकारता लावता बुतोते अनि आपुना इच्चाता अनुसार पवित्र आत्माता वरदानकुन तुसानाता द्वारा पिसानाता पोल्लो वेहवालोरा ओव पोल्लोतुन परमेस्वर पका कितुर।

यहुदि 3:6

मति मसि ते परमेस्वरना लोन इदाम माक केयान्तरोम ओद सबोय परमेस्वरनोर लोकुरा पोरो ओर वरोर मरिना रुपते विस्वास योग्य मन्तोर। माक परमेस्वरना वाचाता पका आशातिगा स्थिर मन्दाना अनि येसुना विस्वासतिगा मजबुते मनकाट ते माकेय परमेस्वरना लोन इदाम माक केयान्तरोम ओर परमेस्वरनोर लोकुरक मन्तोरोम।

यहुदि 5:9

इदाम ओर सबोय रितिते परिपूर्ण आतुर, अदेनते ओना आग्या मानेमायवाल मन्तोर सबोय लोकुरकुन अनन्त काळ साटि पिसहानाता कारण आतुर।

१ पतरस 2:5

निमाट वने आपुनास जितो कल लेहका आत्मिक लोन आस बनेमासोर दान्तोरिट, अनि येसु मसिना कारण परमेस्वरतुन स्विकार मन्ता ओद आत्मिक बलि कियान साटि योग्य याजकलोरा पवित्र समाज आस बनेमासोर दान्तोरिट।

१ पतरस 2:8

ओरक ते पोल्लोतुन मानेमायोर इन्जोर, “ओद कल ओरकुन कोदोर लागस मुटाहना अनि दोखा आयाना कारण आयार।” अनि इदेन साटिय ओरक ठहरे मास मतोर।