१ पतरस 4:15 - Muria Far Western

¹⁵ मियागाडाल बोरे मानेयतुन हव्काना या कलाना बुतो या खराब बुतो कियाना या दुसरोना बुतोतिगा कय वाटानाते पकायि तकलिप ताहाना सन्दि बनेकेमाट।

१ पतरस 4:15 Iomraidhean Croise

मत्ति 5:11

नावा पोल्लो मानेमान्तोर ओद कारणते मानेय मिकुन अपमान कियानुरक अनि पकाय तकलिप हियानुरक अनि मिया विरोदते सबोय प्रकारता खराब पोल्लोंग खोटाल इन्दानुरक असके निमाट धन्य मन्तोरिट।

१ तिस्लुनि 4:11

बदाम मिकुन आग्या किन्तोरोम अदामे निमाट वरोर दुसरो विस्वासिना बुतोतिगा कय लावे केमाकिर, अनि आप आपुना कयदे आपुना बुतोकिसुन पयसांग कमेहकियाना कोसिस किम्ट,

२ तिस्लुनि 3:11

अनि मियागडाल हुचुक लोकुरक आपुना बुतो केवोर अनि ओरक बिना कारणते दुसरो लोकुरा हेरे हन्जुन आपुना बेरातुन पुकट हन्दिला हिन्तोर इन्जोर माक केन्जान्तोरोम।

१ तिमुति 5:13

अनि ओव लोहक लोहक वलिसुन दुसरोना चाहळिंग वळकसुन आळसि बनेमान्तांग अनि अचोने आयो ते अनुचित पोल्लोतुन पकाय वळकसोरिन बिना जरुरते दुसरो बुतो केवाल लोकुरा नडुम दान्ता।

२ तिमुति 2:9

अनि इद सुसमाचार साटि नना कुकरमिना लेहका साकळि करिहसुन दुःख सहेमान्तोनान, मति परमेस्वरना पोल्लो फयलेकियान साटि बोरे मानेय रोके कियापरोर।

१ पतरस 3:14

निमाट परमेस्वरना मुने येताना योग्य बुतोंग कियानाता कारण दुःख सहेन कियाकिट ते धन्य मन्तोरिट। “लोकुरा वरहानातुन वरियमाट, अनि चिन्ताकेमाट।” मति मिया मन्दिगा मसिन प्रबु इन्जोर समजेमास आरादना किम्ट।

१ पतरस 3:17

दुःख ताहाना परमेस्वरना इच्चा मन्ता ते ओद खराब बुतो किसुन आयो मति सोबाय बुतो किसुन दुःख ताहाना सोबाय मन्ता।