१ पतरस 4:12 - Muria Far Western

¹² हे प्रिय गोतियालोरक, मिया परिक्षा कियान साटि बोद पकायि हजोर तकलिप मियागा भळकेमाता, अदेनते माक बसकेय केन्जोम उन्दि पोल्लो मियागा आयिला आता इन्जोर समजेमास आश्चरय केमाट।

१ पतरस 4:12 Iomraidhean Croise

१ कुरिन्थुस 10:13

मानेय सहेकिया परोर इदाम बोदे परिक्षा मियागा इदेक वने वायो। अनि परमेस्वर विस्वास योग्य मन्तोर। ओर मिकुन सहेन किया परो अचोन परिक्षा मिया पोरो वायाना परवांगि हेवोर। अनि निमाट परिक्षाते अरानपा ओद परिक्षाताल बाहरो पसियान साटि हरि वने ओर तोहान्तोर।

१ कुरिन्थुस 3:13

बाक्याकि न्यायता दिया ओर सबोय पोल्लोंग तोहानुर। उन्दि लोतुन पयटेकितेक बोद चिज पिसार अनि बोद चिज करार इन्जोर बदाम माक पुन्तोम अदामे परमेस्वर लोकुरकुन न्याय कियाना दिया वने मन्दार, सोबाय चिज किसतिगा वने नाश आयो आयार अनि खराब चिज किसितिगा पयटेमायार। येसु मसि आपुना लोकुरा न्याय कियाना दिया इदामे आयार। मानेयना सोबाय बुतो नाश आयो आयार अनि मानेयना खराब बुतो नाश आयार।

२ तिमुति 3:12

अनि येसु मसिनिगा विस्वास किस पवित्र जिवन जिवेमायाना विचार किन्तोरक सबोय लोकुरकुन पकाय तकलिप आयार,

१ पतरस 2:11

हे प्रिय गोतियालोरक, निमाट इद दुनियातिगा आपुनतुन परदेशि अनि यात्रि समजेमास मिया आत्मातासंग लळायि किन्ता ओव मेन्दुलता खराब इच्चाताल लक मन्ट इन्जोर नना मिकुन विनन्ति किन्तोना।

१ पतरस 4:4

निमाट ओरा खराब चाल-चलनतिगा ओरासंग सहभागि आयविट इन्जोर ओरक आश्चरय किस मिया निन्दा किन्तोरक।

१ पतरस 5:9

निमाट पकाय तकलिप सहेन कितिट अदामे दुनियातिगा मन्तोर मियोर सबोय तमोलोकुरकुन वने पकाय तकलिप सहेन कियाला पहाजे इन्जोर पुन्ज सयताना विरोद किस विस्वासतिगा स्थिर मन्ट।