१ पतरस 3:9 - Muria Far Western

⁹ खराब बुतोता बदला खराब बुतो केमाट, अपमानता बदला अपमान केमाट मति निमाट आशिषता वारिस आयान साटि केयतोर मन्तोरिट इन्जोर अदेना बदलाते आशिरवाद हिम्ट।

१ पतरस 3:9 Iomraidhean Croise

मत्ति 19:29

अनि नावा पोरोय साटि बोरायि लोन या तमोलोरक या हेलाळक या बाबो या अवहारि या बालक या डन्डतुन तासितोर ओन नुर पट पुटार अनि ओर अनन्त जिवनता वने वारिसदार आयनुर।

मत्ति 25:34

असके राजाल आपुना तिन्दान कयबासाडोरकुन इन्दानुर, ‘हे नावोर बाबोनोर धन्य लोकुरक, वराट, दुनिया बनेकियानाता मुनेटाले मिया साटि तयार किस मन्ता ओद राज्यतोर वारिस आम्ट।

मत्ति 5:39

मति नना ते मिकुन इन्तोना खराब मानेयना विरोद केमाट; बोरायि निया तिन्दानबासाडा कोरवितिगा हेविर ते ओना मुने दुसरो कोरवि वने किम।

मत्ति 5:44

मति नना ते मिकुन इन्तोना, आपुनोर दुश्मनतुन मया किम्ट अनि आपुनतुन सतेह केवालोर साटि प्रार्थना किम्ट।

मरकुस 10:17

येसु अगडाल पसियस हरिते हन्दिला आस मतोर असके वरोर मानेय वितसोर ओना हेरे वातुर अनि येसुना मुने मिन्डांग टेकेकिस ओन पुच्चेमातुर, “हे बेसतोर गुरु, अनन्त जिवन स्विकार कियान साटि नना बाताल कियाका?”

लूका 10:25

अनि पजा, मूसाना नियमतुन करिहवाल वरोर मानेय नितितुर अनि येसुना परिक्षा कियान साटि, “हे गुरु, नना अनन्त जिवाता वारसन आयान साटि बाताल कियाका?” इदाम पुच्चेमातुर।

लूका 18:18

उन्दि दिया यहुदि लोकुरा मुक्याल येसुन पुच्चेमातुर, “हे गुरु निमा सोबाय मन्तोन अनि अनन्ता काळदा जिवा कल्यान साटि नना बाताल कियाका?”

रोमि 12:14

अनि मिकुन विरोद किन्तोर ओर लोकुरकुन सरापित केमाट ओरकुन आशिष पुटि इन्जोर परमेस्वरतुन प्रार्थना किम्ट।

रोमि 12:17

बोर मिकुन खराब किन्तोरक ओना वने खराब किस निमाट बदला येतमाट। अनि सबोय लोकुरा मुने बोद सोबाय मन्ता अदेने कियाना कोसिस किम्ट।

रोमि 8:28

अनि परमेस्वरतुन मया किन्तोरक अनि बोर ओना योजनाता अनुसार केयतोर मन्तोर ओर लोकुरक साटि सबोय पोल्लोंग मिलेमास भलायितुने उत्पन्न किन्तोर इदाम माक पुन्तोरोम।

रोमि 8:30

अनि मुनेटाले आचतुर ओर लोकुरकुन ओर केयतुर, अनि ओर केयतुर ओर लोकुरकुन परमेस्वरना येताना योग्य बनेकितुर, अनि परमेस्वरना येताना योग्य बनेकितुर ओर लोकुरकुन ओर आपुना महिमा वने हितोर।

गलाति 3:14

अब्राहामतुन हिता आशिष येसु मसिना द्वारा यहुदि आयोर लोकुरकुन वने पुटि अनि परमेस्वरना ओद वाचा पवित्र आत्मातुन विस्वासता द्वारा माक पुटि इन्जोर इदाम आत।

इफिसुस 4:32

अनि मसिना द्वारा परमेस्वर मिया गलतितुन मापि कितुर अदामे निमाट वने वरोर दुसरोना गलति मापि किस वरोर दुसरोरकुन दयालु अनि मयालु आम्ट।

१ तिस्लुनि 5:15

अनि सावदान मन्ट! बोरे खराब बुतोता बदला खराब बुतो केमाट अनि सबोय लोकुरासंग दरोज भलायि किसोर मन्ट।

यहुदि 12:17

ओर पजा इद आशिषतुन पुटहान साटि किलस किलस इच्चा कितुर ते वने ओर अयोग्य ठहरे मातुर अनि ओन पस्तेमायाना सन्दि असा पुटो आतु इन्जोर निमाट पुन्तोरिट।

१ पतरस 5:10

इदेक परमेस्वर ओर सबोय दयातोर बाबो मन्तोर, ओर मिकुन मसिना कारण आपुना अनन्त महिमासाटि केयतुर, मिया हुडुक बेरावनाह पकाय तकलिप सहन कितपा पजा आपुनास मिकुन सिद्ध बने किस अनि स्थिर बने किस लाववाले बनेकियानुर।