१ पतरस 3:21 - Muria Far Western

²¹ ओद उसा बपतिस्माता दृष्टान्त मन्ता, बपतिस्मा इदेक मेन्दुलता मयिल साप कियाना आयो मति शुद्ध अन्तकरण साटि परमेस्वरतुन उन्दि विनन्ति मन्ता, येसु मसिना असा जिवे मायानाता द्वारा माकुन पिसहान्तोर।

१ पतरस 3:21 Iomraidhean Croise

मत्ति 28:19

इन्जोर निमाट हन्जुन, बाबो अनि मरि अनि पवित्र आत्माता पोरोयते बपतिस्मा हिस,

मरकुस 16:16

बोर विस्वास किस बपतिस्मा येतानुर ओनाय पिसहानुर मति बोर नावागा विस्वास केवोरक आयनुरक ओरकुन दन्ड पुटार।

युहनाल 13:9

अनि शमोन पतरस ओन इतुर, “हे प्रबु नावांग कालके आयो मति नावा कय अनि तला वने नोरसिम।”

बुतोंग 16:33

नरका ओदे बेरा ओर पोलुस अनि सिलासिन ओस ओरा मेन्दुलता घावकुन नोरतुर, अनि ओर आपुना सबोय लोकुरासंग सान्डेय बपतिस्मा येतितुर।

बुतोंग 2:38

पतरस ओरकुन इतुर: “मियागडाल सबोय लोकुरक आप आपुना पापता मापि साटि पाप कियाना बन्द किस परमेस्वरना मुने मलस वास येसु मसिना पोरोयते बपतिस्मा येताट अनि मिकुन पवित्र आत्मातुन दान आस पुटार।

बुतोंग 22:16

इदेक बाक्या बेरा किन्तोन? तेदा, प्रबुन प्रार्थना किस बपतिस्मा येतस आपुना पापतुन नोरस वाटा।’ ”

बुतोंग 8:36

अनि हन्जोर हन्जोर ओरक एर मता उन्दि तळाय हेरे अवतुरक असके हिजळाल: “हुळा इगा एर मन्ता, इदेक नाकुन बपतिस्मा येतान साटि बाताल अळचन मन्ता” इन्जोर इतुर।

बुतोंग 8:37

(अनि फिलिप्पुस ओन इतुर: “निमा आपुना सबोय मन्दे विस्वास किन्तोन ते बपतिस्मा येतिला परान्तोन।” अनि ओर इतुर, “येसु मसि परमेस्वरनोर मरि आन्दुर इन्जोर नना विस्वास किन्तोना।”)

रोमि 5:14

आदमना लेहका परमेस्वरना नियमतुन पालन केवोर आयोर ते वने आदमताल मूसालवनाह हायाना दुनियाता सबोय लोकुरकनिगा अदिकार कितुर। आदम वायवाल मसिना चिन्ह मन्ता।

१ कुरिन्थुस 12:13

बाक्याकि माक यहुदिलोकुरक या यहुदि आयोर लोकुरक या गुलाम या स्वतन्त्र मन्तोरक मति माक सबोय लोकुरक उन्दिय मेन्दुल आयान साटि वरोरे पवित्र आत्माताल बपतिस्मा आता। अनि उन्दि कटोराते उताप लेहका माक सबोय लोकुरक परमेस्वरताल उन्दिय पवित्र आत्मातुन पुटतोम।

१ कुरिन्थुस 4:6

हे बायि-दादालोरक, नना पोलुस इव सबोय पोल्लोंग नना अनि अपलुसना उन्दि उदाहरण बनेकिस मिया फायदा साटि वेहिलातोना। पवित्र पुस्तकतिगाडाल नना वळकता पोल्लो निमाट मानेमान्तोरिट ते बोरे वरोर मानेयना पक्ष पयस दुसरो मानयेना विरोद हजोरपण केमाकिर।

२ कुरिन्थुस 1:12

माक इद दुनियातिगा, खास किस मिया नडुम, मेन्दुलता ग्यान ते आयो मति परमेस्वरना दयातासंग, पवित्रता अनि इमानदारितासंग परमेस्वरना योग्य चालचलन कितोम इन्जोर मावा मन्दा गवाहितिगा माक हजोरपण किन्तोरोम।

२ कुरिन्थुस 7:1

इन्जोर हे नावोर बायि-दादालोरक, इव वाचांग माकुन पुटतांग इन्जोर वराट माक परमेस्वरना मुने आपुना मेन्दुलता अनि आत्माता अशुद्ध किन्ता पोल्लोंग सबोय हरचिस परमेस्वरतुन मानेमास पवित्रतातुन पुरा केविट।

गलाति 3:27

अनि बपतिस्माता द्वारा येसु मसिनिगा संगते आतोरिट ते मिया सबोय लोकुरा स्वभाव येसु मसिना स्वभाव लेहका बदलेमात।

इफिसुस 5:26

एरते साप किस शुद्ध किन्तोर अदाम लेहका मसि आपुना पोल्लोते विस्वासि लोकुरकुन शुद्धि किस पवित्र बनेहकिन्तोर।

कुलुसि 2:12

अनि हातोरक मानेयतुन बदाम मिसिन्तोरक अदामे बपतिस्माता द्वारा मिकुन येसु मसिनासंग मिसितुरक। अनि परमेस्वर बदाम येसु मसिन हातोरिगाडाल असा जिवेहकितुर अदामे परमेस्वरना विस्वासता द्वारा ओना लावदे निमाट वने ओनासंग असा जिवेमातोरिट।

१ तिमुति 1:5

अनि सबोय लोकुरक परमेस्वरना मयाता द्वारा पवित्र मन, खरोय अनि गलतितुन समजेमायान साटि सोबाय बुद्धि, अनि परमेस्वरनिगा कपटरहित विस्वास कियाला पहाजे इन्जोर मावा आग्याता उदेश मन्ता।

१ तिमुति 6:12

विस्वासता परके हन्दान साटि नियागा पकाय सन्कट वायार असके निमा खरोय विस्वासते मुने हन्दान साटि मेहनता लळायि किम। अनि इद विस्वास निमा पकाय लोकुरा मुने गवाहि हिस मतोर अनि निया अनन्त जिवन नाश केमा बाक्याकि अनन्त जिवन साटि परमेस्वर निकुन आचतोर।

यहुदि 10:22

इन्जोर माक खरोय मन अनि पुरा विस्वासतासंग ओना हेरे दाकाट। अनि मसि परमेस्वरना मुने आपुनतुन बलि हितुर इन्जोर पापता मापि मन्ता। इन्जोर अन्तकरणता दोष लक किस मसिना नतुर मावा मन्दिगा हिदिक्स अनि मेन्दुलतुन शुद्ध एते नोरस परमेस्वरना हेरे दाकाट।

यहुदि 11:19

हातोरिगाडाल वने परमेस्वर इसहाकिन असा जिवेहकिया परान्तोर इन्जोर अब्रहाम विस्वास कितुर; अनि इसहाकिन बलि हियाना परमेस्वर अब्रहामिन हेमा इतुर असके खरोयते इसहाकिन असा जिवे मास पुटता लेहका मतोर।

यहुदि 13:18

मावा साटि प्रार्थना किसोर मन्ट; अनि सबोय पोल्लोतिगा परमेस्वरना मुने येताना योग्य बुतो किसोर ताकाना इच्चा किन्ता उन्दि खरोय अन्तकरण माक मन्ता इदाम माक पका आतोम।

यहुदि 9:14

ते दरोज मनवाल पवित्र आत्माता द्वारा आपुनतुन बोदे दोष हिले आस परमेस्वरतुन बलि हितुर मसिना नतुर जिवित परमेस्वरना सेवा साटि मावा अन्तकरणतुन अनन्त काळता हायानाता दन्डताल मापि किस बचोन शुद्ध कियानुर?

यहुदि 9:24

बाक्याकि मानेय कयदे बनेहकितोर अनि खरोय पोल्लोता प्रतिरुप मन्ता पवित्र जागातिगा आयो मसि हतुर, मति माकुन मदत कियान साटि इदेक परमेस्वरना मुने दिसिर इन्जोर स्वरगतिगाय मसि हतुर।

१ पतरस 1:3

मावोर प्रबु येसु मसिनोर पिता परमेस्वरना धन्यवाद आयि!

१ पतरस 3:16

येसु मसिनिगा मिया सोबाय बुतोता निन्दा केवालोर लोकुरक मिया अपमान कियानपा लज्जा आयिर इन्जोर शुद्ध विवेकते मन्ट।