१ पतरस 3:2 - Muria Far Western

² ते वने निमाट ओरकुन मसिना बारेते बिना वळकनातेय आप आपुना मुदयालोरक मिया वरेतासंग पवित्र चाल-चलनतुन हुळस विस्वासते वायिर।

१ पतरस 3:2 Iomraidhean Croise

इफिसुस 5:33

मति मियागाडाल सबोय लोकुरक आपुना मुत्तेन आपुनाय लेहका मया इरिर अनि मुत्ते वने आपुना मुजोहाराना आदर कियाला पहाजे।

इफिसुस 6:5

हे दास लोकुरक, बदाम निमाट मसिना आग्या पालन किन्तोरिट अदामे निषकपट मन्दे आदर अनि वरेते मिया सन्सारता स्वामि लोकुरा आग्यातुन पालन किम्ट।

फिलिप्पि 1:27

इदेक ते निमाट इद पोल्लोतिगा ध्यान किम्ट, निमाट येसु मसिना सोबाता पोल्लोता अनुसार जिवेमाम्ट। इदाम निमाट जिवेमायकिट ते नना मिया हेरे वास मिकुन हुळका या लक मन्जुन वने मिया बारेता गिरदाता पोल्लो केन्ज परान्तोना; अनि येसुना सोबाता पोल्लोता विरोद केवाल वेयरि लोकुरा मुने वने बोदे पोल्लोता बिना वरेते मन्ज निमाट सबोय लोकुरक उन्दि विचार अनि उन्दि जिवा आस सोबाता पोल्लोता विस्वास साटि पकायि बुतो किन्तोरिट इन्जोर नना केन्जिला परान्तोना। मिकुन परमेस्वरताल पुटता इद हिमत मिया पिसानाता अनि ओरा नाशता वने चिन्ह मन्ता।

फिलिप्पि 3:20

मति मावा खरोय जन्मभुमि ते स्वरगतिगा मन्ता, अनि अगडाल प्रबु येसु मसि मावा पिसवाल आस वायनुर इन्जोर माक पकाय इच्चाते हर हुळसोर मन्तोम।

कुलुसि 3:22

हे दासक लोकुरक, आपुना सन्सारिक मालक लोकुरकना सबोय पोल्लोता पालन किम्ट, मानेयकुन गिरदा केवाल लेहका मालक लोकुरक मिकुन हुळानपा ओरकुन तोहान साटि आयो मति प्रबुना वरेते मन्दा खरोयते मालक लोकुरा सबोय पोल्लोता पालन किम्ट।

१ तिमुति 4:12

अनि बोरे निकुन हुडलोर समजेमायमाकिर बाक्याकि ओरकुन करहान साटि निमा पकाय लयोर मानेय मन्तोन। निया वळकाना रिति, चाल चलन, दुसरो लोकुरा बारेते निया माया, विस्वास, अनि निया जिवनता पवित्रता इद सबोय पोल्लोते निमा सबोय विस्वासि लोकुरकुन सोबाय आदरश बनेमाम।

१ पतरस 1:15

मति मिवोर केयवाल परमेस्वर पवित्र मन्तोर इन्जोर निमाट वने आपुना सबोय चाल-चलनतिगा पवित्र बनेमाम्ट।

१ पतरस 2:12

बोर येसु मसिनिगा विस्वास केवोर ओर लोकुरासंग निमाट जिवित मन्दानपा मिया चाल-चलन सोबाय मनि। ओर मिकुन बोव बोव पोल्लोतिगा खराब बुतो केवालोरक इदाम दोष लावेकिस बदनाम किन्तोरक, ओरक मिया सोबाय बुतोतुन हुळस परमेस्वर माकुन न्याय कियाना ओद दिया परमेस्वरना महिमा केविर।

१ पतरस 3:1

हे मुतेह, निमाट वने आपुना मुदयोना अधिनते मन्ट, ओरागडाल बोरे परमेस्वरना पोल्लोतुन मानेमायोर आसोर मन्दानुरक,

१ पतरस 3:3

मिया साज कलकुन साज कियाना अनि सोनोता चिजक, या महाग-महाग सन्दरांग कराना इदाम तोहान साटि मनमाकि।

२ पतरस 3:11

इव सबोय चिजक इदे रितिते पिघलेमायवाल मन्तांग इन्जोर आबार किसते पिघलेमायार, अनि ब्रंमान्डता सबोय चिजक पकाय कासते पिघले मायनुंग, अनि परमेस्वर सबोय लोकुरकुन न्याय कियान साटि वायान ओद दिया हर हुळस ओद दिया सान्डे वायाना साटि कोसिस किस,