१ पतरस 3:16 - Muria Far Western

¹⁶ येसु मसिनिगा मिया सोबाय बुतोता निन्दा केवालोर लोकुरक मिया अपमान कियानपा लज्जा आयिर इन्जोर शुद्ध विवेकते मन्ट।

१ पतरस 3:16 Iomraidhean Croise

मत्ति 5:11

नावा पोल्लो मानेमान्तोर ओद कारणते मानेय मिकुन अपमान कियानुरक अनि पकाय तकलिप हियानुरक अनि मिया विरोदते सबोय प्रकारता खराब पोल्लोंग खोटाल इन्दानुरक असके निमाट धन्य मन्तोरिट।

बुतोंग 24:16

इन्जोर परमेस्वरना मुने अनि मानेयना मुने खरोय मन्ता इदाम नना विस्वास किन्तोना ओद पोल्लो कियान साटि नना दरोज आपुनास कोसिस किन्तोना।

बुतोंग 28:22

मति इद अलग दरमता बारेते सबोय जागातिगा विरोदते लोकुरक वळकान्तोरक इन्जोर माक पुन्तोरोम इन्जोर निया विचार बाताल मन्ता अदेना बारेते माक नियाकेडाल केन्जाना इच्चा किन्तोरोम।”

रोमि 9:1

नना मसिना संबन्दते मन्तोना इन्जोर नना खोटाल वळकोन मति खरोय वळकान्तोना।

२ कुरिन्थुस 1:12

माक इद दुनियातिगा, खास किस मिया नडुम, मेन्दुलता ग्यान ते आयो मति परमेस्वरना दयातासंग, पवित्रता अनि इमानदारितासंग परमेस्वरना योग्य चालचलन कितोम इन्जोर मावा मन्दा गवाहितिगा माक हजोरपण किन्तोरोम।

२ कुरिन्थुस 4:2

माक लज्जाता गुपित बुतोतुन हरचिस दुसरो लोकुरकुन दोखा केवोम परमेस्वरना पोल्लोतिगा बाताले गलति पोल्लो मिलेह कियाना या परमेस्वरना पोल्लोताल बदले कियाना केवोम। इदाम खरोय पोल्लो वळकानाते माक परमेस्वरना मुने बचोन खरोय लोकुरक मन्तोरोम इन्जोर सबोय लोकुरकुन समजेमायार।

१ तिमुति 1:19

अनि प्रबु येसु मसिना पोरोयता दरोज विस्वास किम अनि खरोय अनि गलति बाताल मन्ता इन्जोर दरोज समजेमायिला पहाजे। अनि हुचुक लोकुरक खरोय अनि गलति बाताल मन्ता इन्जोर ओद समजनातुन हरचितुरक। अनि उन्दि जहाज बदाम समुद्रतिगा मुळदिन्ता अनि पुरा नाश आन्ता अदामे खरोय उपदेशतुन हरचवालोरा विस्वास पुरा नाश आतु।

१ तिमुति 1:5

अनि सबोय लोकुरक परमेस्वरना मयाता द्वारा पवित्र मन, खरोय अनि गलतितुन समजेमायान साटि सोबाय बुद्धि, अनि परमेस्वरनिगा कपटरहित विस्वास कियाला पहाजे इन्जोर मावा आग्याता उदेश मन्ता।

२ तिमुति 1:3

अनि नावोर आजि-दादा लोकुरक परमेस्वरना बदाम सेवा कितुर अदामे नना वने सोबाय मन्दे परमेस्वरना सेवा किस धन्यवाद किन्तोना। अनि निकुन नावा प्रार्थनाते दरोज नरका पियाल आलहिस धन्यवाद किसोर मन्तोना।

तितुस 2:8

अनि बोव खरोय मन्तांग अवेकुने निमा करहा बाक्याकि अवेन बोरे गलति समजेमायमाकिर अनि इन्माकिर। अनि बोर माकुन होंग किन्तोर, ओरकुन मावागा दोष लावेह कियानाता सन्दि हेमाट असके ओरक लज्जा आयनुरक।

यहुदि 13:18

मावा साटि प्रार्थना किसोर मन्ट; अनि सबोय पोल्लोतिगा परमेस्वरना मुने येताना योग्य बुतो किसोर ताकाना इच्चा किन्ता उन्दि खरोय अन्तकरण माक मन्ता इदाम माक पका आतोम।

यहुदि 9:14

ते दरोज मनवाल पवित्र आत्माता द्वारा आपुनतुन बोदे दोष हिले आस परमेस्वरतुन बलि हितुर मसिना नतुर जिवित परमेस्वरना सेवा साटि मावा अन्तकरणतुन अनन्त काळता हायानाता दन्डताल मापि किस बचोन शुद्ध कियानुर?

१ पतरस 2:12

बोर येसु मसिनिगा विस्वास केवोर ओर लोकुरासंग निमाट जिवित मन्दानपा मिया चाल-चलन सोबाय मनि। ओर मिकुन बोव बोव पोल्लोतिगा खराब बुतो केवालोरक इदाम दोष लावेकिस बदनाम किन्तोरक, ओरक मिया सोबाय बुतोतुन हुळस परमेस्वर माकुन न्याय कियाना ओद दिया परमेस्वरना महिमा केविर।

१ पतरस 2:15

बाक्याकि निमाट सोबाय बुतो कियानाता कारण मिया बारेते बराबर समजेमायवाय वळकिन्तोर ओर अन्जान लोकुरा व्यर्थ पोल्लोंग वळकाना बन्द किसिम्ट इन्जोर परमेस्वरना इच्चा मन्ता।

१ पतरस 2:19

बाक्याकि बोरे बिना गुनहाते दुःख अनि पकायि तकलिप सहेनकियानपा ओद परमेस्वरना इच्चा मन्ता इदाम समेजमास ओर अदेन सहेन कियानुर ते परमेस्वर ओरकुन आशिष कियानुर।

१ पतरस 3:21

ओद उसा बपतिस्माता दृष्टान्त मन्ता, बपतिस्मा इदेक मेन्दुलता मयिल साप कियाना आयो मति शुद्ध अन्तकरण साटि परमेस्वरतुन उन्दि विनन्ति मन्ता, येसु मसिना असा जिवे मायानाता द्वारा माकुन पिसहान्तोर।

१ पतरस 4:4

निमाट ओरा खराब चाल-चलनतिगा ओरासंग सहभागि आयविट इन्जोर ओरक आश्चरय किस मिया निन्दा किन्तोरक।