१ पतरस 3:14 - Muria Far Western

¹⁴ निमाट परमेस्वरना मुने येताना योग्य बुतोंग कियानाता कारण दुःख सहेन कियाकिट ते धन्य मन्तोरिट। “लोकुरा वरहानातुन वरियमाट, अनि चिन्ताकेमाट।” मति मिया मन्दिगा मसिन प्रबु इन्जोर समजेमास आरादना किम्ट।

१ पतरस 3:14 Iomraidhean Croise

मत्ति 10:28

केवल मेन्दुलतुन हव्क परान्तोर मति आत्मातुन हव्क परोर इदाम लोकुरकुन वरियमाट। मति मेन्दुल अनि आत्मा इव रन्डासकुन नरकतिगा नाश किया परान्तोर ओर परमेस्वरिन वरियाट।

मत्ति 10:31

इन्जोर निमाट वरियमाट, पकाय गारासुळिया पिटेंगताल मिया किमत पकाय मन्ता।”

मत्ति 10:39

इद दुनियाता जिवातुन पकायि महत्व हिस आपुना जिवातुन पिसहाना कोसिस किन्तोर ओर मानेय अनन्त जिवन पुटिहला परोर। अनि नावा साटि इद दुनियाता जिवन हिन्तोर ओर मानेय अनन्त जिवन पुटहानुर।”

मत्ति 16:25

बाक्याकि बोराय मानेय आपुना जिवातुन पिसिहला हुळानुर ते ओरक परमेस्वरनासंग मन्ता अनन्ता काळता जिवा नष्ट आयार, मति बोरायि मानेय आपुना जिवा नावा साटि हियानुर ते ओन परमेस्वरनासंग अनन्तकाळता जिवा पुटार।

मत्ति 19:29

अनि नावा पोरोय साटि बोरायि लोन या तमोलोरक या हेलाळक या बाबो या अवहारि या बालक या डन्डतुन तासितोर ओन नुर पट पुटार अनि ओर अनन्त जिवनता वने वारिसदार आयनुर।

मरकुस 10:29

अनि येसु इतुर, “बोर नावा साटि अनि सोबाता पोल्लोसाटि लोन, तमो, हेलाळ, अवाल-बाबो आपुना बालक अनि आपुना डन्डतुन सोळे किन्तोर,

मरकुस 8:35

बाक्याकि बोरायि आपुना जिवन पिसिहिला इच्चा कियानुरक ते ओरकुन परमेस्वरनासंग मन्ता अनन्ता काळता जिवा नष्ट आयार, मति बोरायि नावा साटि या सोबाता पोल्लोसाटि आपुना जिवा हियानुर ते ओरक परमेस्वरनासंग अनन्तकाळता जिवा पुटार।

युहनाल 14:1

येसु असा इतुर, “मिया मन दुःखि आयमाकि। अनि परमेस्वरनिगा विस्वास इरान्तोरिट अनि नावागा वने विस्वास किम्ट।

युहनाल 14:27

अनि नना मिकुन शान्ति हिस दान्तोना, अनि नना आपुना शान्ति मिकुन हिन्तोना। दुनिया हिन्ता लेहका आयो नना मिकुन हिन्तोना। अनि मिया मन दुःखि आयमाकि अनि वरियमाकि।

बुतोंग 9:16

अनि नावा पोरोय साटि ओन बदाम-बदाम पकाय तकलिप लागार इन्जोर नना ओन वेहका” इन्जोर इतुर।

२ कुरिन्थुस 12:10

इन्जोर नावा कमजोरितिगा नना मसिन साटि सहेन किता निन्दांग, गरिबि, सतेहकियाना, अनि सन्कटता बारेते गिरिदा किन्तोना बाक्याकि नना कमजोर आन्तोना असके लाववाले आन्तोना।

फिलिप्पि 1:29

बाक्याकि केवल येसु मसिनिगा विस्वास कियाना आयो मति ओना साटि पकायि तकलिप सहेनकियाना वने मिकुन विशेषाल आशिरवाद मन्ता।

याकुब 1:12

अनि बोर मानेय पकाय तकलिपतुन विस्वासते मन्जुन मजबुतते अदेन सहेनकिस विजय आन्तोर ओर मानेय आशिरवादते मन्तोर, बाक्याकि ओर पकाय तकलिपतुन सहेन किस विजय आसुन पजा प्रबु आपुनिगा मया केवालोरकुन अनन्त जिवनता सम्मान हियानुर इन्जोर वाचा हितोर ओद अनन्त जिवन ओन पुटार।

याकुब 5:11

अनि हुळाट पकाय तकलिपतुन सहेमास विस्वासते मजबुतते मुने हतोरक ओर लोकुरकुन माक धन्य मन्तोर इन्जोर वळकिन्तोम। निमाट अयुब पोरोयतोर मानेय बदाम आपुना पकाय तकलिप सहेन कितोर इन्जोर केन्जान्तोरिट। अनि आकरि प्रबु ओन बदाम आशिष कितुर इदेन वने निमाट पुतोरिट। प्रबु बचोन करुणा अनि दयालु मन्तोर।

१ पतरस 3:6

अदामे अब्रहामना मुत्ते सारा अब्रहामिन स्वामि इन्ज ओना आग्याते मन्दु। इदे रितिते निमाट वने भला किस बोदे वरेतुन वरियवि आयकिट ते निमाट ओनोर पेडिह ठहरे मायकिट।