१ पतरस 2:9 - Muria Far Western

⁹ मति निमाट ते अन्दकारताल आपुना अत्भुत वेळिचितिगा मिकुन केयतोर ओना गुणांग प्रगट कियान साटि आचतोर वरोर वंश, अनि राजालना याजक लोकुरा समाज, अनि पवित्र लोकुरा दल, अनि परमेस्वरना निच लोकुरक आन्दिट।

१ पतरस 2:9 Iomraidhean Croise

मत्ति 4:16

इन्जोर परमेस्वरना पोल्लो वेहवाल यशायाहना द्वारा इन्ज मतोर ओद पोल्लो पुरा आयि इन्जोर इदाम आतु।

मत्ति 5:16

अदामे दुसरो लोकुरक मिया सोबाय बुतोतुन हुळसुन स्वरगतिगा मन्तोर मिया बाबोना महिमा केविर इन्जोर मिया वेळिचि मानेयकना मुने मान्जि।”

लूका 1:79

आन्दारतिगा मनवालोरकुन वेळिचि बदाम मुने हन्दाना साटि मदत किन्ता अदामे खरोय परमेस्वरतुन पुनोर आस पाप किसोर मन्तोरक, अनि हायानातुन वरियवालोरकुन परमेस्वर मदत कियान साटि अनि माकुन शान्तिता हरिते ओयान साटि इदाम किन्तोर।”

युहनाल 17:19

अनि ओर वने नावा वेहता खरोय पोल्लोता द्वारा निया साटि सोपेहकियाला पहाजे इन्जोर ओरा साटि नना आपुनतुन सोपेहकिन्तोना।”

बुतोंग 20:28

इन्जोर आपुनतुन अनि बेळांग लेहका मन्ता मसिलोकुरा सबोय सभातुन चवकसि किम्ट। परमेस्वर आपुनोर मरिना नतुर हिस असतोर परमेस्वरना बेळांग लेहका मन्ता मसिलोकुरा सभातुन केपान साटि पवित्र आत्मा मिकुन अध्यक्ष ठहरे कितोर।

बुतोंग 26:18

अनि ओरांग कोन्डांग तरियान साटि अदेनते ओरकुन अन्धारताल वेळिचितिगा अनि सयताना लावताल परमेस्वरनिके वासुन ओरा पापता मापि पुटहानुर, अनि नावागा विस्वास इरानाता मारे पवित्र बनेमातोरक ओर लोकुरकनिगा जागा पुटहान साटि नना इदेक निकुन यहुदि अनि यहुदि आयोर लोकुरा हेरे लोहान्तोना।’ ”

बुतोंग 26:28

असके अग्रिपा पोलुसतुन इतुर: “निमा हुचुन्सा समजेह कियानाते नाकुन सान्डे मसि बनेहकियाना इच्चा किन्तोन बहे?”

रोमि 9:24

ओर आचतोर ओरिगा केवल यहुदिलोकुरक आयो मति माक यहुदि आयोर लोकुरक वने मन्तोरोम।

१ कुरिन्थुस 3:17

बोरे परमेस्वरना मन्डिलितुन नाश कियानुरते परमेस्वर ओन नाश कियानुर बाक्याकि परमेस्वरना मन्डलि पवित्र मन्ता अनि ओद मन्डलि निमाटे आन्दिट।

इफिसुस 1:14

परमेस्वर आपुना लोकुरा संपुर्ण पिसाना साटि मावा वारिसता बयाना मन्ता इन्जोर पवित्र आत्माता द्वारा ओर माकुन शिक्का किस मतोर। ओना महिमाता स्तुति आयि।

इफिसुस 1:6

ओन आपुना मायातोर मरिना द्वारा माकुन फुकोटते हिता ओना पकाय दयाता स्तुति आयि।

इफिसुस 3:21

मसिलोकुरा सभातिगा अनि येसु मसिनिगा ओना महिमा पिळि-पिळिवनाह हमेशा आसोर मनि। आमिन।

फिलिप्पि 3:14

अनि परमेस्वर येसु मसिना द्वारा नाकुन केयतुर ओद पकाय महत्वपुर्ण केयनाता अनुसार स्वरगतिगा नावा साटि इरता बक्षिस पुटान साटि ओद लक्षयतिके पकाय ध्यान किस वितसोर दान्तोना।

कुलुसि 1:13

माकुन अन्दकारता राज्यता अदिकारताल पिसिहच आपुनोर प्रिय मरिना राज्यतिगा ओतोर ओर बाबोना धन्यवाद कियाला पहाजे इन्जोर मिया साटि माक वने विनन्ति किसोर मन्तोरोम।

२ तिमुति 1:9

अनि ओर माकुन पिसितुर अनि पवित्र जिवन जिवेमायान साटि केयतुर अनि इद मावा बुतोता अनुसार आयो मति दुनिया बनेकियानाता मुने येसु मसिना द्वारा पिसाना हियान साटि आपुना योजना पुरा कियान साटि ओर योजना कितुर,

तितुस 2:14

अनि मावा गलतिताल पिसान साटि अनि भलाता बुतो कियान साटि पकाय तयार मन्तोर लोकुरकुन आपुना साटि शुद्धि कियालाय येसु मसि मावा साटि हातुर।

१ पतरस 1:2

मिकुन दया अनि शान्ति पकाय पुटसोर मनि।

१ पतरस 2:5

निमाट वने आपुनास जितो कल लेहका आत्मिक लोन आस बनेमासोर दान्तोरिट, अनि येसु मसिना कारण परमेस्वरतुन स्विकार मन्ता ओद आत्मिक बलि कियान साटि योग्य याजकलोरा पवित्र समाज आस बनेमासोर दान्तोरिट।

१ पतरस 4:11

बोरायि वळकिर ते परमेस्वरना पोल्लो वळकिन्तोना इदाम वळकिर, बोरायि सेवा केविर ते परमेस्वर हिन्तोर ओद लावता अनुसार केविर, मिया सबोय पोल्लोतिगा परमेस्वर येसु मसिना द्वारा महिमा प्रगट आयि। महिमा अनि लाव सबोय काळदे ओनाय मन्ता। आमिन।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 1:6

अनि ओर आपुनोर पिता परमेस्वरिन सेवाकियान साटि माकुन ओना राज्यता राजाह अनि याजक लोकुरक वने बनेहकितुर, ओना महिमा अनि लाव सबोय काळदे मनि। आमिन।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 20:6

इद हातोर लोकुरा पहलेटा असा जिवेमास तेदाना आन्दु। इद पहलेटा असा जिवेमास तेदानातिगा सहभागि मन्तोरक ओरक धन्य अनि पवित्र मन्तोरक। ओरा पोरो दुसरो हायानाता बाताले अदिकार हिले, मति ओरक परमेस्वर साटि अनि मसिहा साटि याजक लोकुरक आयनुरक अनि मसिनासंग हजार वरसांगवनाह राज कियानुरक।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 5:10

अनि मावोर परमेस्वरिन सेवाकियान साटि ओरकुन उन्दि राज्य अनि याजक लोकुरक आस निमा बनेहकिति अनि ओरक दरतितिगा राज कियानुरक” इन्जोर ओरक उन्दि पाटा ओयिलातोरक।