१ पतरस 2:5 - Muria Far Western

⁵ निमाट वने आपुनास जितो कल लेहका आत्मिक लोन आस बनेमासोर दान्तोरिट, अनि येसु मसिना कारण परमेस्वरतुन स्विकार मन्ता ओद आत्मिक बलि कियान साटि योग्य याजकलोरा पवित्र समाज आस बनेमासोर दान्तोरिट।

१ पतरस 2:5 Iomraidhean Croise

रोमि 12:1

ते नावोर बायि-दादालोरक, परमेस्वर मावा सबोयलोरकुन दया कितोर इन्जोर निमाट आपुना जिवनतुन उन्दि बलिदान लेहका परमेस्वरतुन सबोय रितिते सोपे किस परमेस्वर साटि पवित्र अनि गिरदा आयार इदाम जिवन जिवेमाम्ट। इदे परमेस्वरना आरादना कियाना मिया खरोय रिति मन्ता इन्जोर नना मिकुन विनन्ति किन्तोना।

रोमि 15:16

बाक्याकि निमाट परमेस्वर साटि उन्दि बलिदानता अर्पण लेहका निमाट पवित्र आत्माते पवित्र बनेमास परमेस्वरना येताना योग्य बनेमायिला पहाजे इन्जोर आलिहच हियान साटि नना इद पत्रतिगा मिकुन हुचुक पोल्लोंग साप-साप कोटस हिन्तोना।

१ कुरिन्थुस 3:16

निमाटे परमेस्वरना मन्दिर आन्दिट इन्जोर परमेस्वरना आत्मा मियागा मन्तोर इदाम बाताल निमाट पुनविट?

१ कुरिन्थुस 3:9

माक परमेस्वर साटि बुतो केवाल संगवारि आन्दोम अनि निमाट परमेस्वरना डन्ड लेहका अनि परमेस्वर बनेकियाला आतोर उन्दि लोन लेहका मन्तोरिट।

१ कुरिन्थुस 6:19

मिया मेन्दुल पवित्र आत्माता मन्दिर मन्ता इन्जोर निमाट पुनविट बहे? अनि मिकुन परमेस्वरताल पुटता पवित्र आत्मा मियागा मन्तोर इन्जोर मिकुन आपुनिगा बोदे अदिकार हिले।

२ कुरिन्थुस 6:16

अनि मूरतिहनासंग परमेस्वरना मन्डिलिता बाताल संबन्द मन्ता? बाक्याकि माक जिवित परमेस्वरना मन्दिर आन्दोम। “नना ओरासंग मनका अनि ओरासंग ताकिका; अनि नना ओरा परमेस्वर आयिका अनि ओरक नावोर लोकुरक आयनुरक” इदाम परमेस्वर इतोर इन्जोर पवित्र पुस्तकतिगा कोटता मन्ता।

गलाति 6:10

इन्जोर माक सन्दि पुटानपा सबोय लोकुरकुन विशेषाल विस्वासि लोकुरा भलायि किम्ट।

फिलिप्पि 1:11

अनि येसु मसिताल पुटिहच परमेस्वरना मुने येताना योग्य बुतोंगता सोबाय गुणक आपुना जिवनते येचुन आपुना बुतोते प्रगट कियाकिट अनि अदेनते परमेस्वरना महिमा अनि स्तुति आसोर मनि इन्जोर नना इद प्रार्थना किन्तोना।

फिलिप्पि 2:17

मति प्रबुना पोरोयता मिया विस्वासता कारण निमाट किता ओद सोबाता सेवा परमेस्वर साटि उन्दि बलिदान लेहका मन्ता। परमेस्वर साटि इमान्दारिते ओद सोबाय सेवा किसोर मन्दाना साटि नावा जिवा वने बलिदान हियाला पकाय गिरदा मन्तोना। अनि मिया सबोयसंग गिरदा किन्तोना।

फिलिप्पि 4:18

इदेक नावा जरुरता सबोय चिज नावा हेरे मन्ता अनि पकाय वने मन्ता। निमाट लोहता ओद दान परमेस्वर साटि सोबाय मन्ता उन्दि दयमुर बलिदान लेहका परमेस्वरिन गिरदा किन्ता ओना येताना योग्य बलिदान लेहका इप्पफ्रुदितुसना कयदाल स्विकार किस नना पकाय संतुष्ट आतान।

कुलुसि 3:17

पोल्लोतिगा या बुतोतिगा बारायि किम्ट ओद सबोय प्रबु येसुना आग्यातुन पालन कियाना लेहका किम्ट। अनि ओना द्वारा बाबो परमेस्वरना धन्यवाद किम्ट।

१ तिमुति 3:15

परमेस्वरना परिवारतिगा वरोर मानेय बदाम मन्दान इन्जोर नाकुन वायान साटि पकाय बेरा आयार ते इद निमाट समजेमायिला पहाजे। बाक्याकि परमेस्वरना परिवार मन्जे जिवित परमेस्वरना मसिलोकुरा सभा मन्ता। अनि इगा सबोय विस्वासि लोकुरक विस्वासता पायवा अनि खम्बा लेहका मन्तोरक। अनि बदाम पायवा अनि खम्बा पुरा लोतुन लाव हिन्ता अदामे मसिलोकुरा सभाता विस्वासि लोकुरक सोबाता पोल्लोतुन लाव हिन्तोरक।

यहुदि 3:6

मति मसि ते परमेस्वरना लोन इदाम माक केयान्तरोम ओद सबोय परमेस्वरनोर लोकुरा पोरो ओर वरोर मरिना रुपते विस्वास योग्य मन्तोर। माक परमेस्वरना वाचाता पका आशातिगा स्थिर मन्दाना अनि येसुना विस्वासतिगा मजबुते मनकाट ते माकेय परमेस्वरना लोन इदाम माक केयान्तरोम ओर परमेस्वरनोर लोकुरक मन्तोरोम।

१ पतरस 2:9

मति निमाट ते अन्दकारताल आपुना अत्भुत वेळिचितिगा मिकुन केयतोर ओना गुणांग प्रगट कियान साटि आचतोर वरोर वंश, अनि राजालना याजक लोकुरा समाज, अनि पवित्र लोकुरा दल, अनि परमेस्वरना निच लोकुरक आन्दिट।

१ पतरस 4:11

बोरायि वळकिर ते परमेस्वरना पोल्लो वळकिन्तोना इदाम वळकिर, बोरायि सेवा केविर ते परमेस्वर हिन्तोर ओद लावता अनुसार केविर, मिया सबोय पोल्लोतिगा परमेस्वर येसु मसिना द्वारा महिमा प्रगट आयि। महिमा अनि लाव सबोय काळदे ओनाय मन्ता। आमिन।

१ पतरस 4:17

बाक्याकि न्याय कियाना बेरा आतु, अनि न्याय कियाना पहले परमेस्वरना लोकुरिगा आयार। अनि न्यायता सुरुवात मावागाडाले आयार ते बोर परमेस्वरना सोबाता पोल्लोतुन मानेमायोर ओरा न्याय बचोन हजोर आयार?

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 1:6

अनि ओर आपुनोर पिता परमेस्वरिन सेवाकियान साटि माकुन ओना राज्यता राजाह अनि याजक लोकुरक वने बनेहकितुर, ओना महिमा अनि लाव सबोय काळदे मनि। आमिन।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 20:6

इद हातोर लोकुरा पहलेटा असा जिवेमास तेदाना आन्दु। इद पहलेटा असा जिवेमास तेदानातिगा सहभागि मन्तोरक ओरक धन्य अनि पवित्र मन्तोरक। ओरा पोरो दुसरो हायानाता बाताले अदिकार हिले, मति ओरक परमेस्वर साटि अनि मसिहा साटि याजक लोकुरक आयनुरक अनि मसिनासंग हजार वरसांगवनाह राज कियानुरक।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 3:12

बोर जिकानुर ओन नना नावा परमेस्वरना मन्दिरतिगा उन्दि खंबा बनेहकियाका, अनि अगडाल ओर असा बसकेय बाहरो पसियोर आयनुर, अनि नना नावा परमेस्वरना पोरोय अनि नावा परमेस्वरना हेरेटाल मन्जे स्वरगताल रयवाल मन्ता पुनाल येरुसलेम मन्ता नावोर परमेस्वरना सहेरता पोरोय अनि नावा पुनाल पोरोय ओना पोरो कोटका।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 5:10

अनि मावोर परमेस्वरिन सेवाकियान साटि ओरकुन उन्दि राज्य अनि याजक लोकुरक आस निमा बनेहकिति अनि ओरक दरतितिगा राज कियानुरक” इन्जोर ओरक उन्दि पाटा ओयिलातोरक।