१ पतरस 2:15 - Muria Far Western

¹⁵ बाक्याकि निमाट सोबाय बुतो कियानाता कारण मिया बारेते बराबर समजेमायवाय वळकिन्तोर ओर अन्जान लोकुरा व्यर्थ पोल्लोंग वळकाना बन्द किसिम्ट इन्जोर परमेस्वरना इच्चा मन्ता।

१ पतरस 2:15 Iomraidhean Croise

मत्ति 25:2

ओव लयाहनिगा सयुंग लयाह मुर्ख अनि सयुंग लयाह समजदार मतांग।

मत्ति 7:26

मति नावांग इव पोल्लोंग बोरायि केन्जुन अव पोल्लोता अनुसार ताकोर ओर मानेय आपुना लोन तोळियता पायवाते लोन बनेहकितोर निरबुद्धि मानेय लेहका मन्तोर।

रोमि 1:21

ओरक परमेस्वर मन्तोर इदाम पुन्तोर मति ओरक परमेस्वरतुन आदर अनि धन्यवाद हेवोरक। मति ओरक आपुना विचारते परमेस्वरना बारेते बेकार पोल्लोंग किन्तोरक इन्जोर ओरा निरबुद्धि मन आन्दारते निन्दिता।

गलाति 3:1

हे निरबुद्धि गलातियातोर विस्वासि लोकुरक! मिकुन ते सबोय लोकुरा मुने येसु मसि कुरुस पोरो मिया साटि हातुर इन्जोर पकाय स्पष्ट रितिते तोहतान ते वने मिकुन बोर जादु किस मोहनिंग कितोर?

१ तिस्लुनि 4:3

बाक्याकि निमाट पवित्र जिवन बनेमाम्ट मन्जे व्यभिचार लोकुराताल लक मन्ट इन्जोर परमेस्वरना इच्चा मन्ता।

१ तिस्लुनि 5:18

अनि सबोय पोल्लो साटि परमेस्वरना धन्यवाद किम्ट बाक्याकि मिया बारेते परमेस्वरना इदे इच्चा मन्ता।

१ तिमुति 1:13

अनि येसु मसि नाकुन आचाना मुने नना ओना निन्दा किन्तोना अनि ओनागा विस्वास किन्दुर ओर लोकुरकुन पकाय तकलिप किसोर मतोना अनि ओरकुन पकाय हिंसा किन्दान। मति नना इदाम गलति कियाना बेरा प्रबु येसु मसिनिगा विस्वास केवोन आसि अनि ओना खरोय पोल्लोतुन समजेमायो आसि इन्जोर ओर नाकुन मापि कितुर।

तितुस 2:8

अनि बोव खरोय मन्तांग अवेकुने निमा करहा बाक्याकि अवेन बोरे गलति समजेमायमाकिर अनि इन्माकिर। अनि बोर माकुन होंग किन्तोर, ओरकुन मावागा दोष लावेह कियानाता सन्दि हेमाट असके ओरक लज्जा आयनुरक।

तितुस 3:3

अनि माक वने येसु मसिन विस्वास कियानाता मुने निरबुद्धि, परमेस्वर अनि मानेयना आग्यानुंग मानेमायोम आन्दोम, असके माक खरोय हरितुन लेस मतोरोम अनि मन्दा पकाय खराब विचार अनि पाप कियानाता विचारता नियत्रणते मतोम अनि माक एका-मेका होंगते मतोम, हेवा किन्दोम, दुसरो लोकुरक माकुन होंग किन्दुरक अनि माक वने ओरकुन होंग किन्दोम।

१ पतरस 2:12

बोर येसु मसिनिगा विस्वास केवोर ओर लोकुरासंग निमाट जिवित मन्दानपा मिया चाल-चलन सोबाय मनि। ओर मिकुन बोव बोव पोल्लोतिगा खराब बुतो केवालोरक इदाम दोष लावेकिस बदनाम किन्तोरक, ओरक मिया सोबाय बुतोतुन हुळस परमेस्वर माकुन न्याय कियाना ओद दिया परमेस्वरना महिमा केविर।

१ पतरस 3:16

येसु मसिनिगा मिया सोबाय बुतोता निन्दा केवालोर लोकुरक मिया अपमान कियानपा लज्जा आयिर इन्जोर शुद्ध विवेकते मन्ट।

१ पतरस 3:17

दुःख ताहाना परमेस्वरना इच्चा मन्ता ते ओद खराब बुतो किसुन आयो मति सोबाय बुतो किसुन दुःख ताहाना सोबाय मन्ता।

१ पतरस 4:2

बाक्याकि बोर मेन्दुलते पकायि तकलिप सहेन कितोर ओर भविष्यते आपुना दुनियाता पिसता जिवन मानेयना इच्चाता अनुसार आयो मति परमेस्वरना इच्चाता अनुसार जिवे मायिर इन्जोर ओन पापताल मुक्ति पुटान्ता।

२ पतरस 2:12

मति येरक खोटाल करिहवालोरक केवल मानेयना कयते पयस हव्काना साटि जनम आता केळाता निरबुद्धि जानवर लेहका मन्तोरक। अनि बोव पोल्लोनुंग ओरक बाताले पुनोरे अदेना बारेते दुसरो लोकुरकुन गलति खराब इन्तोरक, मानेय जानवरकुन हव्कान्तोरक अदामे परमेस्वर येर खोटाल करिहवालोरकुन वने नाश कियानुर।

यहुदा 1:10

येर लोकुरक बोव पोल्लोंग येरकुन समजेमायोंग अदेना निन्दा किन्तोरक। अनि बुद्धि हिले ओद जानवरक लेहका बोव पोल्लोंग येरकुन स्वाभाविक रितिते आपुना अनुभवते समजेमान्तोरक अदेना कारण येरक आपुना नाश किन्तोरक।