१ पतरस 2:12 - Muria Far Western

¹² बोर येसु मसिनिगा विस्वास केवोर ओर लोकुरासंग निमाट जिवित मन्दानपा मिया चाल-चलन सोबाय मनि। ओर मिकुन बोव बोव पोल्लोतिगा खराब बुतो केवालोरक इदाम दोष लावेकिस बदनाम किन्तोरक, ओरक मिया सोबाय बुतोतुन हुळस परमेस्वर माकुन न्याय कियाना ओद दिया परमेस्वरना महिमा केविर।

१ पतरस 2:12 Iomraidhean Croise

मत्ति 10:25

गुरुना लेहका चेला आयनुर ते ओन सन्तुष्ट आयिला पहाजे अनि दास मालकाना लेहका आयनुर ते ओन सन्तुष्ट आयिला पहाजे। ओरक लोतोर मालकान दुष्टात्माता मुक्याल मन्तोर बेलजबुल इदाम इन्किट ते ओना लोतोर लोकुरकुन बचोन खराब पोरोय इन्दानुर?”

मत्ति 5:11

नावा पोल्लो मानेमान्तोर ओद कारणते मानेय मिकुन अपमान कियानुरक अनि पकाय तकलिप हियानुरक अनि मिया विरोदते सबोय प्रकारता खराब पोल्लोंग खोटाल इन्दानुरक असके निमाट धन्य मन्तोरिट।

मत्ति 5:16

अदामे दुसरो लोकुरक मिया सोबाय बुतोतुन हुळसुन स्वरगतिगा मन्तोर मिया बाबोना महिमा केविर इन्जोर मिया वेळिचि मानेयकना मुने मान्जि।”

मत्ति 9:8

लोकुरक इद हुळसुन वरियतुरक अनि मानेयतुन इदाम अदिकार हितोर परमेस्वरना महिमा कियाला लागतुरक।

लूका 1:68

“इस्रयेल लोकुरा प्रबु परमेस्वर बेस मन्तोर ओर आपुना लोकुरा हेरे वास ओरकुन लेहचितुर,

लूका 19:44

निया सहेर अनि सहेरतोर सबोय लोकुरकुन नाश कियानुरक, अनि निया सबोयतुन वने नाश कियाना उन्दि दिया नियागा वायार।”

लूका 6:22

नना मानेयतोर मरिनिगा विस्वास किन्तोरिट इन्जोर लोकुरक मिकुन दुश्मन किस ओराकेडाल पसिहच मिकुन निन्दा किस निमाट पकाय दुष्ट इदाम समजेमास मिकुन इन्कार कियानपा निमाट धन्य मन्तोरिट।

युहनाल 13:31

बसके यहुदा बाहरो हतुर असके येसु इतुर, “नना मानेयतोर मरि बचोन महान मन्तोना इन्जोर इदेक परमेस्वर लोकुरकुन तोहानुर। अनि परमेस्वर वने बचोन महान मन्तोर इन्जोर नना मानेयतोर मरिना द्वारा लोकुरकुन समजेमायार।

बुतोंग 15:14

यहुदि आयोर लोकुरकनिकेडाल हुचुलोरकुन आपुना लोकुरक आस आचान साटि परमेस्वर पहले ओरा नडुम बदाम बुतो कितुर इन्जोर शिमोन वेहतुर।

बुतोंग 24:13

अनि इदेक नावागा लावे कियाला दोष ओरकुन निया मुने खरोय मन्ता इन्जोर सबुतता कियाला परोर।

बुतोंग 25:7

पोलुस वातुर असके येरुसलेमताल वास मतोर ओरक यहुदिलोरक ओना हेरे-गुरे नितस ओना विरुद पकाय दोष लावे कितुरक।

बुतोंग 28:22

मति इद अलग दरमता बारेते सबोय जागातिगा विरोदते लोकुरक वळकान्तोरक इन्जोर माक पुन्तोरोम इन्जोर निया विचार बाताल मन्ता अदेना बारेते माक नियाकेडाल केन्जाना इच्चा किन्तोरोम।”

रोमि 12:17

बोर मिकुन खराब किन्तोरक ओना वने खराब किस निमाट बदला येतमाट। अनि सबोय लोकुरा मुने बोद सोबाय मन्ता अदेने कियाना कोसिस किम्ट।

रोमि 13:13

अनि लोकुरक दियाता वेळिचितिगा बदाम सोबाय बुतो किस जिवे मान्तोर अदामे माक वने सोबाय बुतो किस जिवेमायिला पहाजे। माकुन जेवेकियाना साटि केयानातिगा हन्जुन दाळंगो उन्जुन गलति रितिता गिरदाते मन्दाना आयो, अनि व्यभिचार किस खराब जिवन जिवे मायमाट। अनि माक दुसरोन हेवा किस वाहचमाट।

रोमि 14:18

अनि बोर आयि इदाम जिवन जिवेमास मसिना सेवा किन्तोरक ओनाताल परमेस्वर गिरदा आन्तोर अनि सबोय लोकुरक ओन मान हिन्तोरक।

रोमि 15:9

अनि ओर यहुदि आयोर लोकुरक साटि वने वातुर ओरकुन परमेस्वर दया कितोर इन्जोर ओरक वने परमेस्वरना स्तुति कियाला पहाजे। बाक्याकि “नना जाति जातितिगा निया स्तुति कियाका अनि निया पोरोयता स्तुति कियाका” इदाम परमेस्वरना पोल्लोतिगा कोटता मन्ता

१ कुरिन्थुस 14:25

असके ओर परमेस्वरना काल्क अरस, “खरोय परमेस्वर मिया नडुम मन्तोर” इदाम आरादना किस ओरक आपुना पापताल पस्तेमायाना कारण आयार।

२ कुरिन्थुस 1:12

माक इद दुनियातिगा, खास किस मिया नडुम, मेन्दुलता ग्यान ते आयो मति परमेस्वरना दयातासंग, पवित्रता अनि इमानदारितासंग परमेस्वरना योग्य चालचलन कितोम इन्जोर मावा मन्दा गवाहितिगा माक हजोरपण किन्तोरोम।

२ कुरिन्थुस 13:7

निमाट बोदे खराब बुतो केमाट इन्जोर माक परमेस्वरतुन प्रार्थना किन्तोरोम। माक खरोय दिसकोम इदाम साटि आयो मति माक खोटाल लेहका ठहरे मायकोम ते वने मिया फायदाता बुतो कियान साटि मन्ता।

२ कुरिन्थुस 8:21

केवल प्रबुनाय मुने आयो मति मानेयना मुने वने सोबाय मन्ता ओव पोल्लो कियाना मावा लक्ष मन्ता।

इफिसुस 2:3

ओरिगा माक सबोय लोकुरक पहले आपुना मन्दा खराब इच्चाता अनुसार ताकिन्दोम, मेन्दुलतुन अनि मन्दा इच्चातुन गिरदा किस दुसरो लोकुरा लेहका परमेस्वरना दन्ड येताना योग्य बालक मतोम।

इफिसुस 4:22

निमाट आपुना पहलेटा चालचनता बारेते मिकुन दोखा हिन्द ओद जुनाल स्वभावतुन टन्डस हरचिम्ट इन्जोर करहितोरिट।

फिलिप्पि 1:27

इदेक ते निमाट इद पोल्लोतिगा ध्यान किम्ट, निमाट येसु मसिना सोबाता पोल्लोता अनुसार जिवेमाम्ट। इदाम निमाट जिवेमायकिट ते नना मिया हेरे वास मिकुन हुळका या लक मन्जुन वने मिया बारेता गिरदाता पोल्लो केन्ज परान्तोना; अनि येसुना सोबाता पोल्लोता विरोद केवाल वेयरि लोकुरा मुने वने बोदे पोल्लोता बिना वरेते मन्ज निमाट सबोय लोकुरक उन्दि विचार अनि उन्दि जिवा आस सोबाता पोल्लोता विस्वास साटि पकायि बुतो किन्तोरिट इन्जोर नना केन्जिला परान्तोना। मिकुन परमेस्वरताल पुटता इद हिमत मिया पिसानाता अनि ओरा नाशता वने चिन्ह मन्ता।

फिलिप्पि 4:8

इदेक हे प्रिय बायि-दादालोरक, बोव बोव पोल्लोंग खरोय मन्तांग अनि बोव बोव पोल्लोंग आदर योग्य मन्तांग, अनि बोव बोव पोल्लोंग बराबर मन्तांग इन्जोर परमेस्वर स्विकार किन्तोर, अनि बोव बोव पोल्लोंग पवित्र मन्तांग, अनि बोव बोव पोल्लोंग मयाता मन्तांग, अनि बोद पोल्लो स्तुतिता योग्य मन्तांग, अनि अव पोल्लोताल पकाय सोबाय, अनि आदर हियाना योग्य पोल्लो मन्तांग अव पोल्लोतिगा पकाय ध्यान लावे किम्ट।

१ तिस्लुनि 4:12

इदाम व्यवहार कियाकिट ते अविस्वासि लोकुरक मिया आदर कियानुरक अनि मिकुन बोदे पोल्लोता कमि आयो आयार।

१ तिमुति 2:2

विशेषाल राजाह साटि अनि सबोय हजोर सरकारि नवकरि लोकुरक साटि प्रार्थना किम्ट बाक्याकि ओरक आपुना देशतोरक लोकुरकुन खरोय रितिते न्याय अनि सोबाय शासन कियान साटि परमेस्वर ओरकुन मदत कियाला पहाजे। अनि इदाम सबोय लोकुरकुन साटि प्रार्थना कियाकिट ते माक सोबाय शान्ति अनि परमेस्वरना इच्चाता अनुसार मन्दा परान्तोरोम।

१ तिमुति 4:12

अनि बोरे निकुन हुडलोर समजेमायमाकिर बाक्याकि ओरकुन करहान साटि निमा पकाय लयोर मानेय मन्तोन। निया वळकाना रिति, चाल चलन, दुसरो लोकुरा बारेते निया माया, विस्वास, अनि निया जिवनता पवित्रता इद सबोय पोल्लोते निमा सबोय विस्वासि लोकुरकुन सोबाय आदरश बनेमाम।

१ तिमुति 5:10

अनि ओद रान्डि आसक सोबाय बुतो केवे मनि अनि आपुना बालकिन पालन पोषन किस वरताहकुन सोबाय गिरदाते मानेमास पवित्र लोकुरा सेवा केवे मन्दिला पहाजे, अनि दुःखि लोकुरकुन मदत किस सबोय सोबाय बुतो कियान साटि मन्दे गिरदा केवे मन्दिला पहाजे। इदाम रान्डि आसकना पोरोय मसिलोकुरा सभाता मदत सुचितिगा कोटिला पहाजे।

यहुदि 13:18

मावा साटि प्रार्थना किसोर मन्ट; अनि सबोय पोल्लोतिगा परमेस्वरना मुने येताना योग्य बुतो किसोर ताकाना इच्चा किन्ता उन्दि खरोय अन्तकरण माक मन्ता इदाम माक पका आतोम।

यहुदि 13:5

मिया जिवनते धनता लालुचताल लक मन्ट अनि मिया हेरे बाताल मन्ता अदेनिगाय संतुष्ट मन्ट बाक्याकि “नना निकुन बसकेय विळचिवोन अनि बसकेय तासिवोन आयका” इन्जोर परमेस्वर इतोर।

याकुब 3:13

अनि मियागाडाल ग्यानि अनि समजदार मानेय बोर मन्तोर? ओर ग्यानि अनि समजदार मन्तोर ओर ओना ग्यानता चिन्ह मन्ता ओद नम्रतातासंग सोबाय चाल-चलन किस आपुना बुतोतुन प्रगट केविर।

१ पतरस 2:15

बाक्याकि निमाट सोबाय बुतो कियानाता कारण मिया बारेते बराबर समजेमायवाय वळकिन्तोर ओर अन्जान लोकुरा व्यर्थ पोल्लोंग वळकाना बन्द किसिम्ट इन्जोर परमेस्वरना इच्चा मन्ता।

१ पतरस 3:16

येसु मसिनिगा मिया सोबाय बुतोता निन्दा केवालोर लोकुरक मिया अपमान कियानपा लज्जा आयिर इन्जोर शुद्ध विवेकते मन्ट।

१ पतरस 4:11

बोरायि वळकिर ते परमेस्वरना पोल्लो वळकिन्तोना इदाम वळकिर, बोरायि सेवा केविर ते परमेस्वर हिन्तोर ओद लावता अनुसार केविर, मिया सबोय पोल्लोतिगा परमेस्वर येसु मसिना द्वारा महिमा प्रगट आयि। महिमा अनि लाव सबोय काळदे ओनाय मन्ता। आमिन।

२ पतरस 3:11

इव सबोय चिजक इदे रितिते पिघलेमायवाल मन्तांग इन्जोर आबार किसते पिघलेमायार, अनि ब्रंमान्डता सबोय चिजक पकाय कासते पिघले मायनुंग, अनि परमेस्वर सबोय लोकुरकुन न्याय कियान साटि वायान ओद दिया हर हुळस ओद दिया सान्डे वायाना साटि कोसिस किस,