१ पतरस 2:1 - Muria Far Western

¹ इन्जोर सबोय प्रकारता खराब बुतो, दोखा, कपट, हेवा, अनि निन्दातुन लक किस,

१ पतरस 2:1 Iomraidhean Croise

मत्ति 15:7

हे कपटि लोकुरक, परमेस्वरना पोल्लो वेहवाल यशायाह मिया बारेतेः

मत्ति 23:28

इदामे पोरोडाल निमाट वने परमेस्वरना मुने येताना योग्य बुतो केवालोरक इन्जोर मानेयतुन दिसान्तोरिट, मति लोपा कपट अनि पापते निन्दितोरिट।”

मत्ति 24:51

अनि ओर दुष्ट दासतुन पकाय दन्ड हिस सोबाय बुतो केवालोर कपटि लोकुरासंग इरानुर; अगा लोकुरक किलसोर अनि नोमुरुते पल्क कटरे किसोर मन्दानुर।”

मत्ति 7:5

मति हे कपटि मानेय, पहले निया कोन्डातांग किळातुन टन्डा असके निवोर तमोना कोन्डातांग डुन्डोतुन सोबाय हुळसुन टन्ड परकि।”

मरकुस 12:15

येसु ओरा कपटपन पुनस ओरकुन इतुर, “निमाट बाक्या नावा परिक्षा किन्तोरिट? उन्दि दिनार नावा हेरे तराट नना ओदेन हुळका” इन्जोर वेहतुर।

लूका 11:44

हाय मिकुन, बाक्याकि निमाट अव चुना उसतांग पान्डरिह बिजगुडिता लेहका मन्तोरिट, अवेना पोरो ताकान्तोरक ओर पुनोरक अवेना लोपा बचोक दोयिंगता इन्जोर।”

लूका 12:1

अनि अचोन बेरा येसुन हुळान साटि हजार हजार लोकुरा पकाय भीळ दुरस-दुरसुन एकमेका पोरोडाल वायिला लाकतुरक असके येसु सबोयताल मुने आपुनोरक चेलालोरकुन इन्दा लाकतुर: “परीसिलोकुरा कपटि पोल्लोंगताल चोवकोस मन्ट, बाक्याकि ओरांग पोल्लोंग होवियता पिन्डि लेहका मन्ता।

लूका 6:42

अनि निमा आपुना कोन्डानांग किळातुन हूळ परवि ते आपुना तमोन, ‘हे तमो, पोसा निया कोन्डातांग डुन्डोतुन टन्डसीका’, इन्जोर बदाम इन्दापरकि। मति हे कपटि मानेय, मुने नियांग कोन्डानांग किळा टन्डा असके निवोर तमोनांग कोन्डानिगाळांग डुन्डोतुन बेस हुळसुन टन्डान साटि सोबाय हूळ परकि।”

युहनाल 1:47

येसु नतन्येलतुन आपुनिके वायाना हुळसि ओना बारेते इतुर, “हुळा येर खरोय इस्रयेलि आन्दुर: येनागा बोदे कपट हिले।”

रोमि 1:29

ओर लोकुरक सबोय प्रकारतांग अदरम, पाप, लालुच अनि वयरताते आतुरक। ओरक हेवा, हव्काना, वाहचाना, जल कपट, अनि दुजा भावते आतोरक ओरक दुसरोना बारेते दरोज सोबाय विचार केवोर मति ओर लोकुरक दुसरोना चाहळिंग वेहिन्तोरक,

१ कुरिन्थुस 14:20

हे नावोर बायि-दादालोरक, निमाट बालक लेहका विचार केमाट मति हजोर मानेयना लेहका बुद्धिमान बनेमाम्ट। मति बदाम बालकलोरक खराब कियानाता विचार केवोर अदामे निमाट वने ओरा लेहका बनेमाम्ट।

१ कुरिन्थुस 5:8

परमेस्वर यहुदिलोकुरकुन मिस्रि देशता गुलामिताल पिसिहितुर इन्जोर ओर यहुदिलोकुरक पसहा हनुमता बेरा गिरदा किन्तोरक। अदामे माक वने परमेस्वर माकुन आपुना पापताल पिसिहतुर इन्जोर गिरदा कियाकाट। मावा खराब स्वभाव अनि पाप, तिन्दाना सोडाते बनेकिता रोटि लेहका मन्ता। इन्जोर बिना सोडाते बनेकिता रोटिते यहुदिलोकुरक पसहा हनुम मानेमान्तोरक अदाम लेहका बिना पापते अनि खरोयते येसु मसिना बलिदानतुन दरोज मानेमाम्ट।

२ कुरिन्थुस 12:20

बाक्याकि नना मिया हेरे वायका असके मियाबारेते नावा इच्चा लेहका मिकुन अनि नना बदाम आयिला पहाजे इन्जोर विचार किन्तोरिट अदाम लेहका नना आयोन आस निमाट नाकुन वने मिलेमायकिट इन्जोर वने नना वरयान्तोना। अनि मिया नडुम वाहचाना, हेवा, होंग, विरोद, इरषा, चाहळिंग, अभिमानि अनि अव्यवस्ता इदाम पोल्लोंग कलियकि इन्जोर वने नाकुन वरे मन्ता।

इफिसुस 4:31

सबोय प्रकारतांग नफरत, प्रकोप, होंग अनि वाहचाना, निन्दा अनि सबोय प्रकारता खराब स्वभावतुन बाहरो टन्डस हरचिम्ट।

१ तिस्लुनि 2:3

बाक्याकि मावा उपदेश खोटाल या बोदे गलति उद्देश्य या चलाकि हिले आसि मति शुद्ध मता।

१ तिमुति 3:11

अनि मसिलोकुरा सभाता सेवातुन मदत केवांग आसक वने गम्बिर अनि सम्मानता योग्य आयिला पहाजे; दोष केवि आयमाकि अनि हर पोल्लोते विस्वास योग्य आयि।

तितुस 2:3

इदामे परमेस्वरिन वरियस पवित्र जिवन जिवे मायींग, अनि दुसरोनागं चाहळिंग वळकसुन दुसरोन बदनाम केमाकिगं, दाळंगो उनमाकिंग मति दुसरोरकुन सबोय पोल्लोंग करहिंग इन्जोर सेळोह आसकुन वने करहा।

यहुदि 12:1

विस्वासि लोकुरा इचोन पकाय दल मावा नालुंग बासा मन्ता। विस्वासता अर्थ बाताल मन्ता इन्जोर ओरा जिवनता गवाहि माकुन वेहान्तोरक। इन्जोर मावा मुने मन्ता ओद लक्षतिके माक वरोरे वितिला साटि मावा विस्वासते मुने हन्दाना साटि माकुन परके पिळंगिन्ता सबोय पोल्लोंग अनि माकुन मुने हन्दानातुन अळेहकेवाल सबोय पापतुन हरचिस मावा मुने मन्ता ओद लक्षतिके पोसोरिंग सहेनकिस वितकाट।

याकुब 1:21

इन्जोर आपुना जिवाताल सबोय प्रकारता गलतितुन लक किस मिया जिवाता पिसाना किया परान्ता इदाम पोल्लोतुन परमेस्वर मिया ह्रुदयतिगा उरसता मन्ता ओद पोल्लोतुन नम्रताते स्विकार किम्ट।

याकुब 3:14

मति निमाट आपुना आपुना मन्दे दुसरो लोकुरा बारेते हेवा अनि स्वार्थ किन्तोरिट ते खरोयता विरुद घमेन्ड केमाट अनि खोटाल वळकमाट।

याकुब 4:11

हे बायि-दादालोरक, निमाट वरोर दुसरोन बदनामि केमाट। अनि बोर आपुना तमोना बदनामि किन्तोर अनि न्याय किन्तोर ओर परमेस्वरना नियमता बदनामि किन्तोर, अनि ओन नियमता पोरो दोष लावे किन्तोर। अनि निमाट नियमतिगा दोष लावे किन्तोरिट ते निमाट ओद नियमता अनुसार ताकवाल आयो मति ओद नियमता पोरो न्याय केवाल आन्दिट।

याकुब 4:5

अनि बाताल निमाट पवित्र पुस्तक वेहान्ता ओदेन व्यर्थ समजेमान्तोरिट? बाताल परमेस्वर मावा लोपा उदिहता ओद आत्मा माक परमेस्वरनाय पोरो मयाकियाला पहाजे इन्जोर पकाय मन्दे इच्चा किन्ता?

याकुब 5:9

हे बायि-दादालोरक, मियागा न्याय वायमाकि इन्जोर वरोर दुसरोन दोष लावे केमाट। हुळाट हजोर न्याय केवाल प्रगट आयान साटि दरवाजादिगा तयारिते नितितोर।

१ पतरस 2:16

निमाट स्वतन्त्र मन्तोरिट मति दुष्टतातुन मुचान साटि आपुना स्वतन्त्रता उपयोग केमाट; अनि निमाट परमेस्वरनोर दास समजेमास ताकाट।

१ पतरस 2:22

“ओर बसकेय पाप केवोर; अनि ओना टोडिताल बोदे कपटता पोल्लो बसकेय पसियो।”

१ पतरस 3:10

बाक्याकि “बोरायि जिवनता इच्चा इरान्तोर, अनि सोबाय दिया हुळाना इच्चा किन्तोर, ओर आपुना वन्जेरतुन खराबताल, अनि आपुना टोडितुन खराब वळकानाताल रोकेकियाला पहाजे।

१ पतरस 4:2

बाक्याकि बोर मेन्दुलते पकायि तकलिप सहेन कितोर ओर भविष्यते आपुना दुनियाता पिसता जिवन मानेयना इच्चाता अनुसार आयो मति परमेस्वरना इच्चाता अनुसार जिवे मायिर इन्जोर ओन पापताल मुक्ति पुटान्ता।

१ पतरस 4:4

निमाट ओरा खराब चाल-चलनतिगा ओरासंग सहभागि आयविट इन्जोर ओरक आश्चरय किस मिया निन्दा किन्तोरक।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 14:5

ओरा टोडिताल बसकेय खोटाल पोल्लो पसियो, ओरक निरदोष मतोरक।