१ पतरस 1:4 - Muria Far Western

⁴ ओर येसु मसिना हातोरिगाडाल असा जिवेमायानाता द्वारा, आपुना पकाय दयाते माकुन जिवित मन्ता ओद आशा पुटहान साटि, आकरि न्यायता बेरा प्रगट आयवाल पिसाना पुरा आयान साटि, विस्वासता कारण परमेस्वरना लावते सुरक्षित आस स्वरगतिगा मिया साटि इरस मन्ता,

१ पतरस 1:4 Iomraidhean Croise

मत्ति 25:34

असके राजाल आपुना तिन्दान कयबासाडोरकुन इन्दानुर, ‘हे नावोर बाबोनोर धन्य लोकुरक, वराट, दुनिया बनेकियानाता मुनेटाले मिया साटि तयार किस मन्ता ओद राज्यतोर वारिस आम्ट।

मरकुस 10:17

येसु अगडाल पसियस हरिते हन्दिला आस मतोर असके वरोर मानेय वितसोर ओना हेरे वातुर अनि येसुना मुने मिन्डांग टेकेकिस ओन पुच्चेमातुर, “हे बेसतोर गुरु, अनन्त जिवन स्विकार कियान साटि नना बाताल कियाका?”

बुतोंग 20:32

मिकुन मसिना विस्वासते मजबुत कियाना अनि सबोय पवित्र लोकुरकुन परमेस्वर हिता वाचाता वारिस हिया परान्तोर ओर परमेस्वरनिगा अनि ओना दयाता पोल्लोतिगा नना इदेक मिकुन सोपे किन्तोना।

बुतोंग 26:18

अनि ओरांग कोन्डांग तरियान साटि अदेनते ओरकुन अन्धारताल वेळिचितिगा अनि सयताना लावताल परमेस्वरनिके वासुन ओरा पापता मापि पुटहानुर, अनि नावागा विस्वास इरानाता मारे पवित्र बनेमातोरक ओर लोकुरकनिगा जागा पुटहान साटि नना इदेक निकुन यहुदि अनि यहुदि आयोर लोकुरा हेरे लोहान्तोना।’ ”

रोमि 8:17

अनि माक ओना मरक आन्दोम ते वारिस वने आन्दोम, अनि माक मसिनासंग परमेस्वरनोर वारिस मन्तोम; अनि परमेस्वरना महिमाता सहभागि आयाना मन्ता ते ओनासंग दुःखता वने सहभाहि आयिला पहाजे।

१ कुरिन्थुस 9:25

अनि वरोर वरोर कुस्टि करसवाल मानेय ओद करसनाता नियमता अनुसार पकाय ध्यानते तयार आन्तोर। ओर कुस्टि करसवाल नाश आस मारिन्ता ओद मुकुटता बकसिस मन्ता ओद बकसिस साटि सबोय किन्तोर मति माक दरोज मन्वाल बकसिसता मुकुट साटि सबोय किन्तोरोम।

गलाति 3:18

बाक्याकि वारिस मूसाना नियमताल पुटता ते परमेस्वरना वाचाता जरुरि हिले आसि, मति परमेस्वर अब्रहामनासंग बनेकिता वाचाता द्वारा वारस हितुर।

इफिसुस 1:11

आपुना इच्चाता अनुसार सबोय पोल्लोतुन पुरा किन्तोर ओर आपुना योजनाता अनुसार मसिनिगा माकुन पहलेटाले आचतुर।

इफिसुस 1:14

परमेस्वर आपुना लोकुरा संपुर्ण पिसाना साटि मावा वारिसता बयाना मन्ता इन्जोर पवित्र आत्माता द्वारा ओर माकुन शिक्का किस मतोर। ओना महिमाता स्तुति आयि।

इफिसुस 1:18

अनि मिकुन ओर केयतोर असके मियागा हिता आशा बाताल मन्ता अनि ओना पवित्र लोकुरा वारिसता महिमाता धन बाताल मन्ता इन्जोर निमाट पुन्दान साटि मिया मन्दा कोन्डांग तरयिंग इन्जोर नना प्रार्थना किन्तोना।

कुलुसि 1:12

अनि परमेस्वरना वेळिचिता राज्यतिगा, पवित्र लोकुरासंग सहभागि आयाना वारस पुटाना योग्य बनेहकिस,

कुलुसि 1:5

ओद स्वरगतिगा परमेस्वर मिया साटि इरता मन्ता ओद आशाताल वान्ता। ओद सोबाता पोल्लोता खरोय सन्देशता द्वारा निमाट मुनेटाले केन्जतोरिट।

कुलुसि 3:24

मिकुन इदेना बदला प्रबुनिकेडाल बकसिसता रुपते वारिसदार आयाना प्रतिफळ पुटार इन्जोर पुन्ज निमाट प्रबु मसिना सेवा किसोर मन्ट।

२ तिमुति 4:8

अनि नावा साटि स्वरगतिगा उन्दि मुकुट बाकि मन्ता। ओद मुकुट परमेस्वरना मुने येताना योग्य जिवन जिवे मातोरक साटि मन्ता। अनि बसके प्रबु न्याय कियान साटि वायनुर असके ओद मुकुट प्रबु नाकुन हियानुर। अनि नाकुन वरोन साटि आयो मति ओना असा दुसरो बेरा वायाना साटि आशा केवालोरक सबोय लोकुरकुन इद मुकुट हियानुर।

यहुदि 10:34

निमाट कयदि लोकुरा पकाय तकलिपतिगा वने मदत किस ओरासंग संगत कितिट। अनि निमाट मिया हेरे असा वने उन्दि सोबाय अनि सबोय काळदे मन्वाल संपति मन्ता इदाम पुन्दिट आपुना संपति वने गिरदाते विरोदि लोकुरकुन ओयिला हितिट।

यहुदि 9:15

अनि इद कारणते परमेस्वर मूसानासंग किता जुनाल करारता काळते ओद नियमतुन पालन किया परोर आतोरक सबोय पापि लोकुरकुन आपुना हायानाता द्वारा अनन्त काळता वारिस आयाना वाचाते केयतोर सबोय लोकुरकुन लेहचियान पुटान साटि मसि पुनाल करारता मध्यस्थि मन्तोर।

याकुब 1:11

बाक्याकि पोळद पसियतपा पकाय अदि अरस रोन्डातुन वतिहिस वाटान्ता। अनि रोन्डा वतितपा अदेना पुंगार कुसानता अनि ओद जाळीता शोबा दान्ता इदाम लेहका दनवान मानेय वने आपुना मेहनत किसोर किसोर नाश आयनुर।

१ पतरस 3:9

खराब बुतोता बदला खराब बुतो केमाट, अपमानता बदला अपमान केमाट मति निमाट आशिषता वारिस आयान साटि केयतोर मन्तोरिट इन्जोर अदेना बदलाते आशिरवाद हिम्ट।

१ पतरस 5:4

अनि मुक्याल मेहवाल येसु मसि प्रगट आयनुर असके ओर मिकुन बसकेय कोमेजे मायो आयार महिमाता ओद मुकुट हियानुर।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 21:27

मति केवल बेळा पिलाता जिवनता पुस्तकतिगा पोरोय कोटता मन्ता ओर लोकुरक अगा दायनुरक। मति बोदे अपवित्र चिजक, लज्जाता बुतो अनि खराब बुतो केवालोरक बोरे अगा हनोर आयनुरक।