१ पतरस 1:3 - Muria Far Western

³ मावोर प्रबु येसु मसिनोर पिता परमेस्वरना धन्यवाद आयि!

१ पतरस 1:3 Iomraidhean Croise

युहनाल 1:13

अनि मानेयना पिळिताल बदाम मानेयना इच्चा ते अनि मुत्ते इवुरा संबन्दते मरि जनम आन्तोर अदाम ओर परमेस्वरनोर मरक जनम आयोरक मति ओरक परमेस्वरनिकेडाल जनम आतुरक।

रोमि 12:12

निमाट आपुना आशाता बारेते गिरदा किम्ट अनि मिकुन सन्कट वायार असके हिमते मन्ट। अनि दरोज प्रार्थना किसोर मन्ट।

रोमि 15:13

अनि आशा हिन्तोर ओर परमेस्वर ओनिगा निमाट विस्वास इरान्तोरिट इन्जोर ओर मिकुन गिरदा अनि शान्तिते निहचिविर। इदाम पवित्र आत्माता लावते बोद आशा निमाट इरान्तोरिट ओद आशा बरसोरिंग हनि इन्जोर नना प्रार्थना किन्तोना।

रोमि 4:25

मावोर प्रबु येसु मसिन हातोरिगाडाल असो जिवेहकितोर ओर परमेस्वरनिगा विस्वास कितोरक माकुन वने अदेना द्वारा परमेस्वरना मुने येताना योग्य ठहरे कियान साटि मन्ता।

रोमि 5:10

बाक्याकि माक परमेस्वरना वेयरि मन्दानपा ओना मरिना हायानाता कारण माकुन असा परमेस्वरनासंग गोतियाह बनेहकितुर। इदेक माक परमेस्वरना गोतियाह मन्तोरोम ते मसिना जिवनता कारणते माक पिसाना पुटार इन्जोर जरुरि मन्ता।

रोमि 8:11

अनि येसु मसिन हातोरिगाडाल असा जिवेहकिस मता परमेस्वरना आत्मा मियागा मन्ता ते ओर परमेस्वर पवित्र आत्माता लावते मिकुन हातोरिगाडाल असा जितो कियानुर।

रोमि 8:24

परमेस्वरताल माकुन मुक्ति पुटतु असके माक इद आशा पुटतु। मति माक बोद आशा किन्तोरोम अदेन हुळान्तोरोम ते ओद आशा मनो आन्ता। बाक्याकि बोद चिजतुन बोरे हुळिला आतोर अदेना आशा बाक्या कियानुर?

१ कुरिन्थुस 13:13

इन्जोर विस्वास कियाना, आशा कियाना अनि मया कियाना इव मुन्डास पोल्लोंग दरोज मन्दार। इव मुन्डास पोल्लोतिगाडाल उन्दि पोल्लो सबोयताल हजोर मन्ता ओद पोल्लो मया कियाना मन्ता।

१ कुरिन्थुस 15:20

मति खरोय मसिन हातोरिगाडाल असा जिवेहकितोर। अनि हातोरिगाडाल असा जिवेमायवाल निगाडाल ओर मुनेटा पन्डता काया मन्तोर। येसु मसिना हातोर विस्वासि लोकुरकुन वने असा जिवेहकियानुर इन्जोर ओर ठहरे कितोर।

२ कुरिन्थुस 1:3

दया केवाल बाबो अनि सबोय प्रकारता शान्ति हेवाल परमेस्वर मन्तोर ओर मावोर प्रबु येसु मसिनोर परमेस्वर बाबोना स्तुति आयि।

गलाति 6:16

बचोलोर इद नियमता अनुसार ताकान्तोरक ओरक परमेस्वरना पुनाल इस्रायेल लोकुरक आतुरक ओर लोकुरकनिगा शान्ति अनि दया आसोर मनि।

इफिसुस 1:17

मावोर प्रबु येसु मसिना महिमातोर बाबो परमेस्वर मिकुन येसु मसिन बराबर पुन्दान साटि ग्यान अनि दिव्यदर्शनता आत्मा हेविर इन्जोर नना प्रार्थना किन्तोना।

इफिसुस 1:3

स्वरगता सबोय प्रकारता आत्मिक आशिष मसिना द्वारा माकुन हितोर मावोर प्रबु येसु मसिनोर बाबो परमेस्वरिन धन्यवाद आयि।

इफिसुस 1:7

येसु मसिना द्वारा ओना बलिदानता कारण मावा पापताल पिसाना मन्ता मन्जे मावा अपरादता मापि मन्ता। ओद परमेस्वरना पकाय दयाता अनुसार मन्ता।

इफिसुस 2:4

मति परमेस्वर पकाय दयावाले मन्तोर अनि ओना हजोर मयाता कारण ओर माकुन पकाय मया कितुर।

इफिसुस 3:20

इदेक माक बचोन तल्क परान्तोराट या बगावनाह माक विचार किया परान्तोराट अदेनताल वने पकाय कियान साटि पकाय हजोर लावदे मावागा बुतो कियापरान्तोर ओर परमेस्वरिन,

कुलुसि 1:23

इद आबारता अडिय सबोय सृष्टितुन इद सोबाता पोल्लोता प्रचार किस नना पोलुस ओद सोबाता पोल्लो प्रचार कियान साटि सेवक बने मातोना।

कुलुसि 1:27

इद पकाय आश्चरय अनि महत्व पुर्ण रहस्यतुन बोर यहुदि लोकुर आयोर ओर लोकुरकुन वेहका इन्जोर परमेस्वर इच्चा कितुर। अनि ओद रहस्य मन्जे महिमाता आशा मन्ता ओर येसु मसि ओनागा विस्वास केवाल मियासंगे मन्तोर।

१ तिस्लुनि 4:13

हे बायि-दादालोरक, बोर येसु मसिनिगा विस्वास किस हातोरक ओर लोकुरकना बारेते निमाट समजेमायिला पहाजे इन्जोर माक इच्चा किन्तोरोम। बाक्याकि येसु मसिनिगा विस्वास केवोर आस हातोर लोकुरकना बारेते बोदे आशा हिले। अनि निमाट ओरा लेहका दुःख किसुन मनमाट।

२ तिस्लुनि 2:16

अनि मावोर प्रबु येसु मसि अनि मावोर बाबो परमेस्वर माकुन मया किन्तोर अनि ओना दया माकुन प्रोत्साहन अनि सोबाय आशा हिता।

१ तिमुति 1:14

अनि मावा प्रबुना दया नाकुन पकाय पुटतु। अनि नना येसु मसिनासंग मन्तोना इन्जोर नना ओनागा विस्वास कियापरान्तोना अनि दुसरोन वने मया कियापरान्तोना।

यहुदि 3:6

मति मसि ते परमेस्वरना लोन इदाम माक केयान्तरोम ओद सबोय परमेस्वरनोर लोकुरा पोरो ओर वरोर मरिना रुपते विस्वास योग्य मन्तोर। माक परमेस्वरना वाचाता पका आशातिगा स्थिर मन्दाना अनि येसुना विस्वासतिगा मजबुते मनकाट ते माकेय परमेस्वरना लोन इदाम माक केयान्तरोम ओर परमेस्वरनोर लोकुरक मन्तोरोम।

याकुब 1:18

अनि माक परमेस्वरना सुष्टितीगा हादितांग पहले कायांग आस मन्दान साटि परमेस्वर आपुना इच्चाते माकुन खरोय पोल्लोते जनम हितुर।

१ पतरस 1:13

इन्जोर आपुना मन्दुन तयार किस आप आपुना मन्दुन नियत्रण किस मन्ट। येसु मसि मिकुन असा दिसाना बेरा मिकुन पुटवाल मन्ता ओद दयातिगा पुरा आशा इराट।

१ पतरस 1:21

ओन हातोरिगाडाल जिवेकिहितुर अनि ओन महिमा हितुर ओर परमेस्वरनिगा मसिना कारण माक विस्वास किन्तोरोम। अदाम मिया विस्वास अनि आशा परमेस्वरनिगा मन्ता।

१ पतरस 1:23

निमाट नाश आन्ता ओद बिजाताल आयो मति नाश आयो ओद बिजाताल, जिवित अनि दरोज मन्वाल परमेस्वरना पोल्लोता द्वारा पुनाल जनमा येतितोरिट।

१ पतरस 2:2

इदेकेन जनमे मातोर नुनांग बदाम पाल उन्डान साटि पकायि इच्चा किन्तोरक अदाम लेहका पिसान साटि बरसाना निर्मल पाल लेहका मन्ता परमेस्वरना ओद पोल्लोता निर्मल अनि सादो रितिते करियला पुटि इन्जोर पकायि इच्चा किम्ट।

१ पतरस 3:15

बोरायि मिकुन मिया आशाता बारेते बाताले पुच्चेमायिर ते ओन नम्रता अनि वरेतासंग उत्तर हियान साटि दरोज तयार मन्ट।

१ पतरस 3:21

ओद उसा बपतिस्माता दृष्टान्त मन्ता, बपतिस्मा इदेक मेन्दुलता मयिल साप कियाना आयो मति शुद्ध अन्तकरण साटि परमेस्वरतुन उन्दि विनन्ति मन्ता, येसु मसिना असा जिवे मायानाता द्वारा माकुन पिसहान्तोर।

१ पतरस 3:5

पहलेटा काळते परमेस्वरनिगा आशा इरन्दुंग बोव पवित्र आसक वने आपुनतुन इदे रितिते साज किस आप आपुना मुदयोना अधिनताते मन्जोर मतांग।

१ युहनाल 2:29

निमाट येसु परमेस्वरना मुने येताना योगय मन्तोर इन्जोर पुन्तोरिट ते बोरायि परमेस्वरना मुने येताना योगय बुतो किन्तोरक ओरक वने ओनाकेडाल जनम आतोर इन्जोर वने पुन्तोरिट।

१ युहनाल 3:3

अनि ओनागा इद आशा इरान्तोर ओर बदाम येसु पवित्र मन्तोर अदामे आपुना जिवनतुन पवित्र बनेकिन्तोर।

१ युहनाल 3:9

बोरायि परमेस्वरताल जन्मेमातोर ओर पाप केवोर बाक्याकि ओना विजा ओनासंग मन्ता; अनि ओर पाप कियाय परोर बाक्याकि परमेस्वरताल जनम आतोर।

१ युहनाल 4:7

हे प्रिय गोतियालोरक, माक आपसते मया इरिला पहाजे बाक्याकि मया परमेस्वरताल वान्ता। बोरायि मया किन्तोर ओर परमेस्वरनिकेडाल जन्मे मातोर अनि ओर परमेस्वरदुन पुन्तोर।

१ युहनाल 5:1

अनि बोर येसुन मसिहा इन्जोर विस्वास किन्तोर ओर परमेस्वरताल जनम आतोर, अनि बोरायि बाबोन मया किन्तोर ओर ओना मरिन वने मया किन्तोर।

१ युहनाल 5:18

अनि बोरायि परमेस्वरताल जनम आतोर ओर पाप किसोर मनोर इन्जोर माक पुन्तोराट; मति बोर परमेस्वरताल जनम आतोर ओर आपुनातुन पिसिहिच इरान्तोर अनि सयतान ओन इटिला परोर।

१ युहनाल 5:4

बाक्याकि परमेस्वरताल जनम आतोर सबोय लोकुरक इद दुनियाता पोरो विजयि मन्तोरक। अनि दुनिया पोरो विजय पुटहान्ता ओद मावा विस्वासता द्वारा मन्ता।