१ पतरस 1:25 - Muria Far Western

²⁵ मति प्रबुना पोल्लो सबोय काळदे स्थिर मन्ता।” अनि इदे पोल्लो आन्दु मिकुन केन्जहिच मतोर ओद सोबाता पोल्लो।

१ पतरस 1:25 Iomraidhean Croise

मत्ति 5:18

बाक्याकि आबार अनि दरति बदलेमायार अचोवनाह मूसाना नियमता उन्दि काना या मात्रा बसकेय बदलेमायो आयार इन्जोर नना मिकुन खरोय इन्तोना।

लूका 16:17

परमेस्वरना नियमतिगा कोटता मन्ता उन्दि मात्र अनि बिन्दुवने नाश आयानाताल आबार अनि दरति नाश आयाना सरल मन्ता।”

युहनाल 1:1

ब्रंमान्ड बनेमायनाता मुने केवल पोल्लोय मता। अनि ओद पोल्लो परमेस्वरनासंग मता। अनि ओद पोल्लोय परमेस्वर मता।

युहनाल 1:14

अनि अद पोल्लो मानेय आस जनम आतुर अनि मावासंगे मतोर ओर बचोन महान मन्तोर इद माक हुळतोम अनि ओरे परमेस्वरनोर वरोरे मरि आन्दुर इन्जोर परमेस्वर ओन महानता हितोर। ओर माकुन पकाय दया किस बुतो कितुर अनि परमेस्वरनोर खरोय बाताल मन्ता इद ओर माकुन प्रगट कितुर।

१ कुरिन्थुस 2:2

मियासंग मन्दान बेरा येसु मसिना बारेते अनि ओना कुरुस पोरो हायानातुन तासिस दुसरो बोदे पोल्लोतुन दुसरो बोदे पोल्लोंग पुन्दाना इच्चा केवोन।

इफिसुस 2:17

ओर वास परमेस्वरताल लक मतोरक यहुदि आयोर अनि परमेस्वरना हेरे मतोरक यहुदिलोकुरकुन परमेस्वरिन मिलेहकियानाता शान्तिता सोबाता पोल्लो केन्जिहतुर।

इफिसुस 3:8

अनि सबोय पवित्र लोकुरकनिगा नना हुडलोरताल हुडलोर मन्तोना मति यहुदि आयोर लोकुरकनिगा नाकुन मसिना अनन्त दनरुपि सोबाता पोल्लोतुन प्रचार कियाना,

तितुस 1:3

मति परमेस्वरना ठहरे किता अदे बेराते आपुना पोल्लो वेहानाता द्वारा ओर अनन्ता जिवनता ओद आशा प्रगट कितुर।

१ पतरस 1:12

ओरक आपुना साटि आयो, मति मिया साटि माक सेवा किन्तोरोम इन्जोर ओरकुन तोहतुर। स्वरगताल लोहता पवित्र आत्माता द्वारा येसु मसिना सोबाता पोल्लो मिकुन वेहवालोरक अव पोल्लोंग मिकुन इदेक वेहतोरक। अनि स्वरगदूतक वने अव पोल्लोंग ध्यानते हुळाना इच्चा किन्तोरक।

१ पतरस 1:23

निमाट नाश आन्ता ओद बिजाताल आयो मति नाश आयो ओद बिजाताल, जिवित अनि दरोज मन्वाल परमेस्वरना पोल्लोता द्वारा पुनाल जनमा येतितोरिट।

१ पतरस 2:2

इदेकेन जनमे मातोर नुनांग बदाम पाल उन्डान साटि पकायि इच्चा किन्तोरक अदाम लेहका पिसान साटि बरसाना निर्मल पाल लेहका मन्ता परमेस्वरना ओद पोल्लोता निर्मल अनि सादो रितिते करियला पुटि इन्जोर पकायि इच्चा किम्ट।

२ पतरस 1:19

बाक्याकि परमेस्वरना पोल्लो वेहवालोरा पोल्लो इद घटनातुन पका किस मावा हेरे मन्ता। अनि वियाना बेरा आसुन मिया मन्दिगा सकारिता हुको पसियानवनाह अन्दकारतिगा उन्दि दिवाता वेळिचि लेहका निमाट परमेस्वरना पोल्लो वेहवालोरा ओद पोल्लोतुन ध्यान हियाकिट ते मिकुन बेस आयार।

१ युहनाल 1:1

सबोय बनेमायानाता मुने जिवन हेवाल पोल्लो मता, ओद जिवन हेवाल पोल्लोतुन माक केन्जतोम अनि ओदेन माक आपुना कोन्डाते हुळस ओदेन मावांग कयकने इटस बेस हुळतोम इन्जोर ओद जिवन हेवाल पोल्लोता बारेते माक मिकुन कोटान्तोरोम।

१ युहनाल 1:3

बाताल आयि माक हुळतोम अनि केन्जान्तोरोम ओदेना बारेते माक मिकुन वने वेहतोम बाक्याकि निमाट वने मावासंग संगवारि आम्ट। अनि मावा संबन्दते बाबोना अनि ओनोर मरि येसु मसिना संग मन्ता।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 14:6

पजा असा दुसरो वरोर स्वरगदूत आबारता नडुमतिगा परयाना नना हुळतान, ओना हेरे दरतितिगा मनवालोर सबोय जातितोरक, अनि गोत्र अनि अलग-अलग बोलि वळकवालोरक अनि लोकुरकुन वेहान साटि परमेस्वरना सोबाता पोल्लोता सबोय काळ साटि मन्ता सन्देश मता।