2 मिकुन दया अनि शान्ति पकाय पुटसोर मनि।
अनि परमेस्वर ओव दियानुंग कमि केवोर आस मनेर ते बोरे मानेय पिसोर आस मनेर मति आपुना आचतोर लोकुरा कारण ओर ओव दियानुंग कमि कियानुर।
बाक्याकि पकाय खोटाल मसि अनि नना परमेस्वरना पोल्लो वेहवाल इदाम खोटाल वेहवालोरक तेदचुन आय परार ते आचतोरकुन वने भळके कियान साटि हजोर चिन्हा अनि पकाय चमत्कारता बुतोंग किस तोहानुरक।
ओर पिपारिता हजोर लेंगदासंग आपुनोर स्वरगदूतकुन लोहनुर, अनि ओरक आबारता उन्दि सिवाताल दुसरो सिवावनाह नालुंगास बासाडाल आपुनोर आचतोर लोकुरकुन जमा कियानुरक।”
प्रबु अव दियांगतुन कमि केवोर आस मनेर ते उन्दि वने मानेय पिसो आस मनेर मति आपुना आचतोर लोकुरा कारण परमेस्वर अव दियातुन कमि कितोर।
बाक्याकि खोटाल मसि अनि नना परमेस्वरना पोल्लो वेहवाल इदाम खोटाल वेहवालोरक तेदचुन आय परार ते परमेस्वर आचतोरकुन वने बहके कियान साटि चिन्ह अनि पकाय आश्चरयता बुतोंग तोहनुरक।
ओदबेरा ओर आपुना दूतकुन लोहच दरतिता इद कोन्टाताल आबारता ओद कोन्टावनाह सबोयबासा आपुना आचतोर लोकुरकुन जमा कियानुर।”
मति येर खराब किन्तोर न्याय केवाल वने इदाम कितुर ते परमेस्वर नरका-पियाल आपुना मुने किलिंगसोर प्रार्थना किन्तोर आपुनोर आचतोरक लोकुरकुन बचोन सोबाय न्यायकियानुर बहे? ओरक ओरा प्रार्थनातुन उत्तर हियाना साटि बेरा हेवोर आयनुर।
पकाय मुनेटाले सबोय पोल्लोतुन तोहवाल ओर प्रबु इन्तोर’ इदाम पवित्र पुस्तकतिगा कोटस मन्ता।
मति निमाट इस्रायेल लोकुरक ओन पयसुन अनि परमेस्वरना मुने येताना योग्य हिले इदाम बुतो केवाल लोकुरा मदतते ओन कुरुस पोरो अन्जिहिच हव्कतिट। मति ओद पोल्लो परमेस्वर मुनेटाले पुन्तोर। अनि ओद ओना मुनेटाले योजनाता अनुसार वने मता।
मिकुन मसिना विस्वासते मजबुत कियाना अनि सबोय पवित्र लोकुरकुन परमेस्वर हिता वाचाता वारिस हिया परान्तोर ओर परमेस्वरनिगा अनि ओना दयाता पोल्लोतिगा नना इदेक मिकुन सोपे किन्तोना।
ओना पोरोयता कारण यहुदि आयोर लोकुरकनिगा प्रबु येसुन विस्वास किस मानेमायाना साटि येसु मसिना द्वारा ओना पोरोयता कारण माकुन दया किस येसुना खास चेलाह आस आचतुर।
मावोर बाबो परमेस्वरनिकेडाल अनि प्रबु येसु मसिनिकेडाल मिकुन दया अनि शान्ति पुटि।
परमेस्वर पहलेटाले आचतोर ओर इस्रायेल लोकुरकुन ओर तासिवोर। परमेस्वरना पोल्लो वेहवाल एलियालना बारेते पवित्र पुस्तकतिगा बाताल कोटता मन्ता इन्जोर निमाट पुन्तोरिट?
अनि ओरक इस्रायेल लोकुरक सुसमाचारतुन स्विकार केवोरक इन्जोर ओरक परमेस्वरना दुश्मन बनेमातोरक, अनि इद निमाट इस्रायेल आयोर लोकुरा फायदासाटिय मन्ता। मति परमेस्वर ओरकुन मया किन्तोर बाक्याकि परमेस्वर इस्रायेल लोकुरा आजि-दादा लोरकुन वाचा हिस मतोर इन्जोर ओरक इस्रायेल लोकुरकुन परमेस्वर आचतोर।
बाक्याकि निमाट परमेस्वर साटि उन्दि बलिदानता अर्पण लेहका निमाट पवित्र आत्माते पवित्र बनेमास परमेस्वरना येताना योग्य बनेमायिला पहाजे इन्जोर आलिहच हियान साटि नना इद पत्रतिगा मिकुन हुचुक पोल्लोंग साप-साप कोटस हिन्तोना।
मति निमाट प्रबुना आग्यातुन मानेमान्तोरिट इदाम सबोय विस्वासि लोकुरक पुन्तोरक इन्जोर नना मिया बारेते पकाय गिरदा किन्तोना। मति परमेस्वरना मुने बोव सोबाय बुतो मन्तांग अदेन निमाट सोबाय समजेमासोर मन्ट अनि बोव खराब बुतो मन्तांग अदेनताल निमाट लक मन्ट इन्जोर नना इच्चा किन्तोना।
इदेक दुनियाता सबोय लोकुरकुन इद येसु मसिना बारेता सोबाता पोल्लोतुन माक वेहिला पहाजे इन्जोर ओर दरोज मन्वाल परमेस्वर आग्या हिस वेहतोर, बाक्याकि परमेस्वर बोद इन्तोर अदेनिगा सबोय लोकुरक विस्वास इरिर अनि पालन केविर इन्जोर।
बाक्याकि निमाट पापि मेन्दुलता इच्चाता अनुसार जिवेमायकिट ते हायानाता योग्य दन्ड पुटार मति निमाट पवित्र आत्माता द्वारा मेन्दुलता इच्चातुन जिकिकिट ते अनन्त जिवन्ते मनकिट।
परमेस्वर आचुन आपुना मुने येताना योग्य बने किन्तोर ते बोर ओर लोकुरकुन दोष लावे कियानुर?
परमेस्वरे मिकुन येसु मसिनसंग मिलेह कितुर अनि परमेस्वर मसिन मावोर ग्यान बनेकितुर। मसि माकुन परमेस्वरना मुने येताना योग्य अनि परमेस्वरना पवित्र लोकुरक बनेकिस माकुन पापता सबोय बन्दनताल लेहच हितुर।
मियागा हुचुलोर लोकुरक मुने इदामे पाप केवालोरक मतोरक मति प्रबु येसु मसिना कारण मावोर परमेस्वरना आत्मा मिया पापतुन नोरस पवित्र बनेकिस परमेस्वरना येताना योग्य ठहरे कितुर।
इन्जोर माक परमेस्वरना ग्यानता विरोद आन्ता ओद गमन्डता सबोय पकायि हजोर पोल्लोनुंग अनि सबोय विचारतुन नाश किस मन्दा सबोय विचारतुन मसि साटि कयदि किस मसिना आग्या मानेमायवाल बने किन्तोरोम।
प्रबु येसु मसिना दया अनि परमेस्वरना मया अनि पवित्र आत्माता संगत मिया सबोयि लोकुरासंग आसोर मनि।
परमेस्वर मिकुन आचकुन मिकुन पवित्र बनेहकितुर। अनि परमेस्वर मिकुन पकाय मया किन्तोर। इन्जोर सहानुभुति, दया, नम्रता, कोमलता, अनि सहनशिलतातुन दुसरो लोकुरासंग दरोज प्रगट किसोर मन्ट।
हे बायि-दादालोरक, प्रबु मिकुन मया किन्तोर। अनि परमेस्वर मिकुन सबोय बनेकियानता मुने आचतुर इन्जोर माकुन मिया बारेते दरोज परमेस्वरना धन्यवाद हियाला पहाजे। बाक्याकि पवित्र आत्मा मिकुन पवित्र बनेकिन्तोर अनि निमाट आपुना विस्वास सच्चायिते किन्तोरिट।
इन्जोर परमेस्वर आचतोर ओर लोकुरकुन येसु मसिना द्वारा पिसाना पुटि अनि ओर उदस मन्तोर ओद स्थानतिगा महिमातासंग ओरक वने दरोज मन्दान साटि नना परमेस्वर आचतोर ओर लोकुरक साटि इद सबोय दुःख सहेमान्तोना।
परमेस्वर आचतोरक ओर लोकुरकुन विस्वासते मजबुत कियान साटि अनि परमेस्वरना सबोय आग्यातुन पालन किस जिवेमायान साटि मदत किन्ता ओद खरोय पोल्लोतुन ओरकुन करहान साटि, इदेनते ओरकुन परमेस्वरनासंग अनन्त जिवन जिवेमायाना आशा पुटानसाटि प्रबु येसु मसि नाकुन निवळेकितुर।
इन्जोर माक खरोय मन अनि पुरा विस्वासतासंग ओना हेरे दाकाट। अनि मसि परमेस्वरना मुने आपुनतुन बलि हितुर इन्जोर पापता मापि मन्ता। इन्जोर अन्तकरणता दोष लक किस मसिना नतुर मावा मन्दिगा हिदिक्स अनि मेन्दुलतुन शुद्ध एते नोरस परमेस्वरना हेरे दाकाट।
पहले जनमा आतोर सन्तानता नाश केवाल स्वरगदूत मिस्रि देशतिगा वायानपा विस्वासता कारणतेय ओर इस्रायेलना पहले सन्तानतुन कय इटमाकिर इन्जोर पसहा हनुम अनि नतुर हिदकाना रिवाजतुन मानेमातुर।
अनि पुनाल करारतोर मध्यस्थि येसुना अनि हाबिलना नतुरताल सोबाय पोल्लोंग वेहान्तोर येसुना हिदिक्ता नतुरता हेरे माक वातोराट।
इदाम ओर सबोय रितिते परिपूर्ण आतुर, अदेनते ओना आग्या मानेमायवाल मन्तोर सबोय लोकुरकुन अनन्त काळ साटि पिसहानाता कारण आतुर।
निमाट परमेस्वरना आग्या मानेमायवाल बालक मन्तोरिट इन्जोर निमाट अळानि मन्तोरिट ओद बेरा मियागा मता खराब इच्चाता पालन केमाट।
मति बोदे दोष अनि बोदे डाग हिले बेळा पिलाता मन्जे मसिना पकाय किमति नतुरता द्वारा आतु इन्जोर निमाट पुन्तोरिट।
दुनियाता उत्पन्न आयानाता पहलेटाले मसिन आचतुर मति इदेक ओर इद आकरि काळतिगा मिया साटि दिसतुर।
खरोयतुन पालन कियानाता कारण मिया आत्मा निषकपट बन्धुभावता माया साटि शुद्धकिस इन्जोर मन लावेकिस वरोर दुसरोन पकाय मया किम्ट।
मति निमाट ते अन्दकारताल आपुना अत्भुत वेळिचितिगा मिकुन केयतोर ओना गुणांग प्रगट कियान साटि आचतोर वरोर वंश, अनि राजालना याजक लोकुरा समाज, अनि पवित्र लोकुरा दल, अनि परमेस्वरना निच लोकुरक आन्दिट।
परमेस्वर अनि मावोर प्रबु येसुना पुन्दानाता कारण दया अनि शान्ति मियागा पकाय विळसोर हनि।
अनि मावागा मन्ता अनि मावागा दरोज मन्ता खरोयिता द्वारा नना वरोरे आयो मति ओद खरोयतुन मया किन्तोर,
अनि परमेस्वर आचतोर इगा मन्तोरक मियासंगे विस्वास केवालोरक वने मिकुन नमस्कार किन्तोरक।
दया अनि शान्ति अनि मया मिकुन पकाय पुटसोर मनि।
