१ पतरस 1:17 - Muria Far Western

¹⁷ अनि बोदे पक्षपात केवोर आस सबोय लोकुरा बुतोता अनुसार न्याय केवाल परमेस्वरिन निमाट हे पिता इन्ज ओना प्रार्थना किन्तोरिट ते, इद दुनियातिगा आपुना परदेशि लेहका मन्दानपा वरेते मन्ट।

१ पतरस 1:17 Iomraidhean Croise

मत्ति 16:27

अनि नना मानेयतोर मरि आपुना बाबोना महिमाते आपुना पवित्र स्वरगदूतकनासंग वायनुर असके ओर वरोर वरोन आपुना बुतोता अनुसार बदला हियानुर।

मत्ति 22:16

आकरिते ओरक आपुना चेला लोकुरकुन अनि हेरोदियास राजाना दलतोरासंग येसुना हेरे इदाम इन्दिला लोहतुरक, “हे गुरु, निमा खरोय अनि परमेस्वरना हरि खरोय रितिते करहान्तोन अनि निमा बोनाय भेदभाव केवि इन्जोर निमा बोने वरियवि इदाम माक पुन्तोरोम।

मत्ति 6:9

येसु असा ओरकुन इतुर, “निमाट इद रितिते प्रार्थना किसोर हन्ट: ‘स्वरगतिगा मन्तोन हे मावोर बाबो, निया पोरोय पवित्र मानेमायिर,

रोमि 11:20

इद खरोय मन्ता। ओर यहुदिलोकुरक मसिनिगा विस्वास इरोरक इन्जोर ओरकुन कदियस वाटतोर मति निमाट विस्वास इरतिट इन्जोर मिकुन जोळे किस कलम कितोर इन्जोर निमाट घमन्ड केमाट। मति वरियसोर मन्ट।

२ कुरिन्थुस 1:2

मावोर बाबो परमेस्वर अनि प्रबु येसु मसिनिकेडाल मिकुन दया अनि सुख-शान्ति पुटसोर मनि।

२ कुरिन्थुस 5:6

इन्जोर ओद पुनाल जिवन पुटार इदाम दरोज माकुन हिमत मन्ता। माक इद मेन्दुलतिगा मन्तोरोम अचोनवनाह माक प्रबुताल लक अनि परदेशि मन्तोरोम इन्जोर वने माक पुन्तोरोम।

२ कुरिन्थुस 7:1

इन्जोर हे नावोर बायि-दादालोरक, इव वाचांग माकुन पुटतांग इन्जोर वराट माक परमेस्वरना मुने आपुना मेन्दुलता अनि आत्माता अशुद्ध किन्ता पोल्लोंग सबोय हरचिस परमेस्वरतुन मानेमास पवित्रतातुन पुरा केविट।

२ कुरिन्थुस 7:11

परमेस्वरना इच्चाता अनुसार आता दुःख मिया जिवनतुन बचोन बदले कितु इन्जोर हुळाट। ओद दुःख मिकुन मिया बुतो कियान साटि पकाय हुशियार बनेकितु अनि निमाट निरदोष मन्तोरिट इदाम आपुनतुन तोहान साटि पकाय इच्चा कितोरिट। अदेनते निमाट पापता विरुद पकाय होंगवाले अनि पापता फासातिगा अरकिट इदाम पकाय वरे इरवाल आतोरिट, अदेनते नाकुन हुळान साटि मिकुन पकाय उत्साह आतु, अदेनते निमाट पकाय ध्यान इरवाल बनेमातोरिट, अनि खराब लोकुरकुन दन्ड किस केवल खरोय पोल्लो कियान साटि मिकुन उत्साह किता, इदन्ते सबोय पोल्लोतिगा निमाट निरदोष मन्तोरिट इन्जोर आपुन्तुन तोहतोरिट।

गलाति 2:6

मति मसिलोकुरा सभाता हजोर लोकुरक लेहका विस्वासि लोकुरक समजेमातोरक ओरक मुक्या लोकुरकनिकेडाल नना प्रचार कियानाता सुसमाचारतुन बाराय फायदा पुटो (बाक्याकि बिना भेदभावते सबोय मानेय परमेस्वरना मुने उन्दि लेहकाय मन्तोर)

इफिसुस 1:17

मावोर प्रबु येसु मसिना महिमातोर बाबो परमेस्वर मिकुन येसु मसिन बराबर पुन्दान साटि ग्यान अनि दिव्यदर्शनता आत्मा हेविर इन्जोर नना प्रार्थना किन्तोना।

इफिसुस 3:14

परमेस्वरना इद पकाय हजोर योजनाता बारेते विचार किन्तोना इन्जोर नना स्वरगतिगा अनि दरतितिगा सबोयतुन बनेहकितोर,

इफिसुस 6:9

हे स्वामिलोरक, ओरा अनि मिया इवुरासला स्वामि स्वरगतिगा मन्तोर अनि ओर बोनाय भेदभाव केवोर इन्जोर समजेमास निमाट वने धमकि हियाना तासिस ओरासंग व्यवहार किम्ट।

फिलिप्पि 2:12

इन्जोर हे नावोर प्रिय गोतियालोरक, निमाट दरोज आग्या मानेमासोर वातोरिट। अनि अदामे इदेक नावा लक मन्ज वने निमाट आग्यातुन असा वने पकाय मानेमासोर मन्ट। अनि वरियसोर अनि कसिंगसोर सोबाय बुतो किसोर परमेस्वर मिकुन हिता पिसहानाता सोबाय गुणतुनतुन तोहाट।

कुलुसि 3:25

बाक्याकि बोर खराब बुतो कियानुर ओन अदेना अनुसार दन्ड पुटार अनि परमेस्वरिन बोनायसंग बोदायि पक्षपात हिले।

यहुदि 12:28

इन्जोर माक बसके होलेमायो राज्यतुन पुटार इन्जोर माक धन्यवादतासंग परमेस्वरना गिरिदा साटि आपुनतुन संपुर्ण रितिते परमेस्वरना मुने सोपे किस, परमेस्वरना आदरातासंग वरे इरस ओना आरादना किम्ट।

यहुदि 4:1

इन्जोर परमेस्वरना आराम माकुन पुटाना वाचा इदेकवनाह मन्ता ते मियागडाल बोरे मानेय ओद वाचा पुटहोर आतुर इदाम आयमाकि इन्जोर माक हुशयार मन्ट।

१ पतरस 2:11

हे प्रिय गोतियालोरक, निमाट इद दुनियातिगा आपुनतुन परदेशि अनि यात्रि समजेमास मिया आत्मातासंग लळायि किन्ता ओव मेन्दुलता खराब इच्चाताल लक मन्ट इन्जोर नना मिकुन विनन्ति किन्तोना।

१ पतरस 3:15

बोरायि मिकुन मिया आशाता बारेते बाताले पुच्चेमायिर ते ओन नम्रता अनि वरेतासंग उत्तर हियान साटि दरोज तयार मन्ट।