१ पतरस 1:10 - Muria Far Western

¹⁰ मियागा आयवाल मता ओद दयाता बारेते परमेस्वरना पोल्लो वेहच मतोरक ओर परमेस्वरना पोल्लो वेहवालोरक इद पिसानाता बारेते समजेमायान साटि पकायि कोसिस किस पकाय इच्चाते पळकसोर मतोरक।

१ पतरस 1:10 Iomraidhean Croise

मत्ति 13:17

बाक्याकि परमेस्वरना पोल्लो वेहवाल पकाय लोकुरक अनि परमेस्वरना मुने येताना योग्य बुतो कितोर पकाय लोकुरक निमाट हुळान्तोरिट ओव पोल्लो हुळान साटि इच्चा किन्दुरक ते वने ओरक हुळोरक। इदेक निमाट केन्जातोरिट ओव पोल्लोनुंग ओरक केन्जाना इच्चा किन्दुर ते वने अव पोल्लोनुंग ओरक केन्जोरक इन्जोर नना मिकुन खरोय इन्तोना।”

मत्ति 26:24

नावा बारेते पवित्र पुस्तकतिगा कोटता लेहका नना मानेयतोर मरि हायका। मति मानेयतोर मरिन पयपियाहन्तोर ओर मानेयतुन परमेस्वरताल पकाय दन्ड पुटार, ओर जनमे आयोर आस मनेर ते ओना साटि बेस आस मन्वार।”

लूका 10:24

निमाट हुळान्तोरिट ओद पोल्लोनुंग परमेस्वरना पोल्लो वेहवाल पकाय लोकुरक अनि पकाय राजा लोकुरक हुळान साटि विचार कितुरक ते वने ओर हुळवाप मन्तोरक, अनि निमाट केन्जातोरिट ओद पोल्लोनुंग केन्जान साटि विचार कितुरक ते वने ओरक केन्जवाप मन्तोरक” इन्जोर इतुर।

लूका 24:44

अनि हुचुक दियाना पजा येसु ओरकुन इतुर, “परमेस्वर मूसान हिताल नियमतिगा अनि परमेस्वरना पोल्लो वेहवालोरा पुस्तकतिगा अनि भजन संहिता पुस्तकतिगा नावा बारेते कोटताल मन्ता अव सबोय पोल्लोंग जरुर पुरा आयिंग पहाजे इन्जोर नना मियासंग मन्जुन मिकुन वेहच मतोना बहे।”

युहनाल 5:39

निमाट पवित्र पुस्तकतिगा पळकान्तोरिट बाक्याकि अगा मिकुन अनन्त जिवन पुटान्ता इन्जोर निमाट समजेमान्तोरिट अनि ओदेय पवित्र पुस्तक नावा गवाहि हिन्ता।

युहनाल 7:52

अनि ओरक होंगदे निकुदेमोसिन इदाम उत्तर हितुर, “बाताल निमा वने गलील प्रदेशतोर आन्दि बहे? पवित्र पुस्तकतिगा पळक्स हुळा असके गलील प्रदेशताल बोरे परमेस्वरना पोल्लो वेहवाल प्रगट आयो आयनुर इन्जोर निकुन समजेमायार।”

बुतोंग 10:43

ओनिगा विस्वास किन्तोर बोरे मानेयतुन ओना पोरोयता द्वारा पापतुन मापि पुटार इन्जोर सबोय परमेस्वरना पोल्लो वेहवालोर गवाहि हिन्तोरक।”

बुतोंग 17:11

बिरिया नाटेनिगा मन्ता ओद यहुदि लोकुरा समाज मन्डलिता यहुदिलोकुरक ते तिस्सलुनितोर यहुदिलोकुरकताल परमेस्वरना पोल्लो करियाना इच्चा केवालोरक मतोरक। अनि ओरक पोलुस अनि सिलास प्रचार किता मसिना बारेता सोबाता पोल्लो पकायि गिरिदाते स्विकार कितुरक, अनि ओरक वेहता इव पोल्लोंग इदाम मन्तांग या हिलेंग इन्जोर दरोज पवित्र पुस्तकतिगा पकाय ध्यानते पळकसोर मतोरक।

बुतोंग 28:23

असके यहुदिलोकुरक उन्दि दिया ठहरे किस पकाय लोकुरक ओना लोन जमा आतुरक; अनि ओर परमेस्वरना राज्यता गवाहि हिसोर अनि मूसाना नियम अनि परमेस्वरना पोल्लो वेहवालोरा पुस्तकताल येसुना बारेते कोटतोर पोल्लो समजेह किस सकारताल नुलपेह बेरावनाह वर्णन किसोर मतोर।

बुतोंग 7:52

मिवोर आजि-दादिलोरक बोद परमेस्वरना पोल्लो वेहवालिन सतेह केवोर आस मतोर? परमेस्वरना मुने येताना योग्य आयवालना वायानाता बारेते पकाय मुनेटाले वेहतुर ओर सबोयि परमेस्वरना पोल्लो वेहवालोरकुन मियोर आजि-दादिलोरक ओरकुन हव्कतुरक।

यहुदि 11:13

ओरक सबोय हजोर लोकुरक हायानावनाह विस्वासतेय मन्जोर मतोरक। परमेस्वर ओरकुन वाचा किस मतोर ओद पोल्लो ओरकुन पुटो। मति भविष्य काळतिगा वायवाल मन्ता ओद पोल्लोतुन विस्वासते हुळस मन लावेकिस ओरक गिरिदा आतुरक। माक इद दरतितिगा केवल दुसरो देशतोर अनि परदेशि लोकुरक लेहका मन्तोरोम इन्जोर मानेमातुर।

यहुदि 11:40

परमेस्वर मावा साटि सबोयताल सोबाय पोल्लो हियाना साटि योजना कितुर इन्जोर ओरक सबोय लोकुरक केवल मावासंगे ओद वाचाता परिपूर्णता आय परान्तोरक।

१ पतरस 1:11

मसि सहेन कियानुर ओद पकायि तकलिप अनि पजा दिसार ओद महिमाता बारेते ओरागा मन्तोर मसिना आत्मा मुनेटाले वेहतुर। इव पोल्लोंग इद दुनियातिगा बसके बदाम आयनुंग इन्जोर परमेस्वरना पोल्लो वेहवालोर पकाय इच्चाते पळकसोर मतोरक।

१ पतरस 1:13

इन्जोर आपुना मन्दुन तयार किस आप आपुना मन्दुन नियत्रण किस मन्ट। येसु मसि मिकुन असा दिसाना बेरा मिकुन पुटवाल मन्ता ओद दयातिगा पुरा आशा इराट।