१ पतरस 1:1 - Muria Far Western

¹ येसु मसिनोर खास चेलाल पतरस, बाबो परमेस्वरना भविष्य ग्यानता अनुसार, येसु मसिना आग्या मानेमायान साटि अनि ओना नतुर हिदिक्स मुनेटाले आचतोरक, अनि परमेस्वरना आत्माते पवित्र बनेकितोरक पुन्तुस, गलातिया, कप्पुदुकिया, आसिया अनि बिथुनियातिगा हिके-होके आस परदेस मन्वालोर परमेस्वर आचतोर ओर लोकुरकुन इद पत्र कोटान्तोना।

१ पतरस 1:1 Iomraidhean Croise

मत्ति 10:2

येर बारा खास चेलाह लोकुरा पोरोय इदाम मन्ता, पहलेटोर पतरोस पोरोयतोर शिमोन, अनि ओनोर तमो अन्दरियास, जबदिनोर मरि याकुब, अनि ओनोर तमो युहन्ना,

मत्ति 24:22

अनि परमेस्वर ओव दियानुंग कमि केवोर आस मनेर ते बोरे मानेय पिसोर आस मनेर मति आपुना आचतोर लोकुरा कारण ओर ओव दियानुंग कमि कियानुर।

मत्ति 4:18

येसु गलील नहारता टका हेरे हन्जोर मतोर असके इवुर तमोलोरक अर्थ पतरस पोरोयतोर शिमोनिन, अनि ओनोर तमो अन्दरियास नहारतिगा जालि वाटानपा हुळतुर, ओरक ढिवरोह मतोरक।

लूका 18:7

मति येर खराब किन्तोर न्याय केवाल वने इदाम कितुर ते परमेस्वर नरका-पियाल आपुना मुने किलिंगसोर प्रार्थना किन्तोर आपुनोर आचतोरक लोकुरकुन बचोन सोबाय न्यायकियानुर बहे? ओरक ओरा प्रार्थनातुन उत्तर हियाना साटि बेरा हेवोर आयनुर।

युहनाल 11:52

अनि केवल यहुदिलोकुरक साटि आयो मति सबोय दुनियातिगा परमेस्वरनिगा विस्वास केवालोरक मन्तोरक ओर सबोयलोरकुन उन्दि कियान साटि ओर हायवाल मन्तोर।

युहनाल 7:35

असके यहुदि लोकुरक वरोन दुसरोनासंग इदाम इन्दिला लागतुरक, “माक येन मिलेमाय परो आयकोम इदाम येर बगा दायनुर? बाताल ओर मावा देशता बाहरो सहेरते हन्जुन अगा मावोर यहुदिलोकुरक युनानि लोकुरासंग मन्तोरक अनि ओरकुन वने उपदेश हियानुर बहे?

बुतोंग 18:2

अगा ओन अक्विलास पोरोयतोर वरोर यहुदि मानेयिन मिलेमातुर। अक्विला अनि ओना मुत्ते प्रिसकिला इट्टलिताल हुचुक दियांग मुने कुरिन्थुस सहेरतिगा वास मतोर। ओना जनमा पुन्तुस प्रदेशतिगा आस मता। सबोय यहुदिलोरकुन रोमि सहेरताल पसियस हन्दाना इन्जोर रोमि देशता हजोर राजाल क्लवुदियुस आग्या हिस मतोर इन्जोर साटि ओरक इट्टलिताल पसियस वातोरक। पोलुस अक्विलास अनि प्रिसकिलान हुळिला ओरा लोन हतुर।

बुतोंग 18:23

पजा हुचुक दियांग पोलुस अन्ताकिया सहेरतिगा मन्ज ओर अगडाल पसियस गलातिया अनि फ्रूगिया प्रदेशतिगा हन्जुन सबोय चेलालोरकुन विस्वासते स्थिर किसोर वलियतुर।

बुतोंग 19:10

रन्ड वरसावनाह इदामे आसोर मता इन्जोर आसिया प्रदेशतिगा मन्वालोरक सबोय यहुदि अनि युनानि लोकुरक प्रबुना पोल्लो केन्जतुरक।

बुतोंग 6:9

असके यहुदिलोकुरकनिकेडाल हुचुलोर लोकुरक वासुन स्तिफानुसनासंग वाद कियाला लागतुरक। ओर लोकुरक कुरेनि अनि सिकन्दरिया प्रदेशता लोकुरक साटि मता “स्वतन्त्र आतोर लोकुरा” पोरोयतोर यहुदि सभातोर मतोरक। किलिकिया अनि आसिया प्रदेशताल वातोर लोकुरक वने ओरासंग मतोरक। ओर सबोयि लोकुर वासुन स्तिफानुसिनासंग वाद-विवाद कितुरक।

बुतोंग 8:4

बोरक हिके-होके आस मतोरक, ओरक सुसमाचार केन्जिहसोर वलियतुरक।

१ कुरिन्थुस 16:19

आसिया प्रदेशतोर सबोय विस्वासि लोकुरक वने मिकुन नमस्कार किन्तोरक। अक्विला तमो अनि ओना मुत्ते प्रिसका मिकुन नमस्कार किन्तोर अनि ओरा लोतिगा मिलेमायवालोरक मसिलोकुरा सभातोर लोकुरक वने मिकुन प्रबुना पोरोयते नमस्कार किन्तोरक।

२ कुरिन्थुस 1:8

हे बायि-दादालोरक आसिया प्रदेशतिगा माकुन मता पकायि तकलिपतुन निमाट पुन्दिला पहाजे इन्जोर मावा इच्चा मन्ता; माक इदेकवनाह जिवन जिवेमाय परोम इदाम लागान्ता मावा लावताल पकायि मता इचोन पकायि तकलिप माक सहेन कितोरोम।

गलाति 1:2

अनि नावासंग मन्तोरक सबोय विस्वासि हेलाळ तमो लोकुरकनिकेडाल गलातिया सहेरतिगा मनवालोरक सबोय मसिलोकुरा सभा साटि इद पत्र कोटान्तोरोम।

इफिसुस 2:12

अनि ओद बेरा निमाट मसिताल अलग अनि इस्रायेल नागरिकत्वतिगा संबन्द हिले आसि। अनि परमेस्वर इस्रायेल लोकुरासंग किता करारतिगा मन्ता ओद वाचातुन पुनविट अनि बोदे आशा हिलेर मतोरिट।

इफिसुस 2:19

इन्जोर साटि निमाट यहुदि आयोर लोकुरक इदेक दुसरो देशतोर अनि मुसाफिर हिलविट मति पवित्र लोकुरासंग अनि आपुना देशतोरक अनि परमेस्वरना लोतोर आतोरिट।

२ तिमुति 1:15

अनि आसिया प्रदेशता सबोय विस्वासि लोकुरक नाकुन विळिच वितितुर इन्जोर निमा पुन्तोन। अनि पुगिलुस अनि हिरमुनेस वने ओरासंग मतोरक।

यहुदि 11:13

ओरक सबोय हजोर लोकुरक हायानावनाह विस्वासतेय मन्जोर मतोरक। परमेस्वर ओरकुन वाचा किस मतोर ओद पोल्लो ओरकुन पुटो। मति भविष्य काळतिगा वायवाल मन्ता ओद पोल्लोतुन विस्वासते हुळस मन लावेकिस ओरक गिरिदा आतुरक। माक इद दरतितिगा केवल दुसरो देशतोर अनि परदेशि लोकुरक लेहका मन्तोरोम इन्जोर मानेमातुर।

याकुब 1:1

परमेस्वर अनि प्रबु येसु मसिहनोर दास याकुब पुरा दुनियाते हिके-होके आस मन्तोरक ओर बारा गोत्रतोर लोकुरकुन साटि कोटिन्तोना अनि मिकुन नमस्कार।

१ पतरस 2:11

हे प्रिय गोतियालोरक, निमाट इद दुनियातिगा आपुनतुन परदेशि अनि यात्रि समजेमास मिया आत्मातासंग लळायि किन्ता ओव मेन्दुलता खराब इच्चाताल लक मन्ट इन्जोर नना मिकुन विनन्ति किन्तोना।

२ पतरस 1:1

येसु मसिनोर दास अनि येसु मसिना खास चेलाल शिमोन पतरस, मावोर परमेस्वर अनि पिसिहवाल येसु मसिना दारमिकताता द्वारा मावालेहका पकाय किमति विस्वास पुटहान्तोर ओर लोकुरक साटि इद पत्र कोटान्तोर।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 1:11

असके “बाताले निमा हुळान्तोन अदेन पुस्तकतिगा कोटस इफिसुस अनि स्मुरना अनि पिरगमुन अनि तुयाथिरा अनि सरदिस अनि फिलेदिलफिया अनि लवुदिकिया इव सात मसिलोकुरा सभांगतिगा लोहचिम” इन्जोर नावा परके पिपारिता लेहका उन्दि हजोर लेंग नना केन्जतान।