१ युहनाल 5:9 - Muria Far Western

⁹ बसके माक मानेयना गवाहि मानेमान्तोराट ते परमेस्वरना गवाहि अदेनताल वने हजोर मन्ता। परमेस्वरना गवाहि ओर आपुना मरिना बारेते गवाहिये मन्ता।

१ युहनाल 5:9 Iomraidhean Croise

मत्ति 17:5

अनि पतरस वळकिला आस मन्दुर अचोय बेरा आबारताल उन्दि ढगि वासुन ओरा पोरो दळमि आतु अनि ओद ढगितिगाडाल “येर नावोर प्रिय मरि आन्दुर, येनिगा नना गिरिदा मन्तोना, निमाट येनांग वेहतानुंग केन्जाट” इन्जोर उन्दि लेंग वातु।

युहनाल 10:38

मति नना नावा बाबोना बुतोंग किन्तोना ते निमाट नावागा विस्वास केविट ते वने नना बोद चमत्कारता बुतो किन्तोना अदेनिगा निमाट विस्वास किम्ट, असके बाबो नावागा मन्तोर अनि नना बाबोनिगा मन्तोना इन्जोर निमाट पुन्किट अनि ओद समजेमायनातिगा निमाट मनकिट।”

युहनाल 5:39

निमाट पवित्र पुस्तकतिगा पळकान्तोरिट बाक्याकि अगा मिकुन अनन्त जिवन पुटान्ता इन्जोर निमाट समजेमान्तोरिट अनि ओदेय पवित्र पुस्तक नावा गवाहि हिन्ता।

बुतोंग 17:31

बाक्याकि परमेस्वर आपुनोर आचतोर मानेयना द्वारा दरतितुन खरोय रितिते न्याय कियान साटि उन्दि दिया निश्चय कितोर। परमेस्वर आचतोर ओर मानेयतुन हातोरिगाडाल असा जिवेहकिस दरतितुन खरोय रितिते न्याय कियानुर ओद पोल्लोतुन पका कितुर।”

बुतोंग 5:32

इव पोल्लोता माक अनि परमेस्वर आपुना आग्यातुन मानेमान्तोर ओरकुन हिता पवित्र आत्मा वने गवाह मन्तोर।”

यहुदि 2:4

अनि परमेस्वर वने चिन्हांग, अनि अत्भुत बुतोंग अनि अलग अलग प्रकारता लावता बुतोते अनि आपुना इच्चाता अनुसार पवित्र आत्माता वरदानकुन तुसानाता द्वारा पिसानाता पोल्लो वेहवालोरा ओव पोल्लोतुन परमेस्वर पका कितुर।

यहुदि 6:18

ते इगा रन्ड पोल्लोंग मन्तांग मन्जे ओना वाचा अनि ओना शपथ ओव बसकेय बदले मायपरोंग अनि अवेहना बारेते परमेस्वर बसकेय खोटाल वळक परोर। इन्जोर परमेस्वरना हेरे भरोसा पुटहान साटि वातोरोम माकुन येसु मसिना द्वारा जरुर पुटान्ता इदाम विस्वास किन्ता पिसहानातुन हर हुळसोर मजबुतते मन्दाना कोसिस किन्तोर माकुन ओद रन्डास पोल्लोंग अर्थ परमेस्वरना वाचा अनि शपथ पकाय प्रोत्साहन हिन्ता।

१ युहनाल 5:10

अनि परमेस्वरना मरिनिगा विस्वास किन्तोर ओर आपुना मन्दे ओद गवाहि मन्तोर। अनि परमेस्वरनिगा विस्वास केवोर ओर परमेस्वर आपुना मरिना बारेते हितोर ओद गवाहितिगा विस्वास केवोर इन्जोर परमेस्वरतुन खोटाल ठहरे किन्तोर।

१ युहनाल 5:8

गवाहि हेवालोर मुवुर मन्तोर पवित्र आत्मा, येसुना बपतिस्मा अनि येसुना हायाना; अनि मुन्डास उन्दिय पोल्लोतिगा गवाहि हिन्तोरक।