१ युहनाल 5:11 - Muria Far Western

¹¹ अनि परमेस्वर माकुन अनन्त जिवा हितोर अनि इद जिवा ओनोर मरिनिगा मन्ता इन्जोर ओद गवाहि मन्ता।

१ युहनाल 5:11 Iomraidhean Croise

मत्ति 25:46

अनि येरक अनन्त काळता दन्ड भोगेमायान साटि दायनुरक मति परमेस्वरना मुने येताना योग्य बुतो केवाल लोकुरक अनन्त जिवनतिगा दायनुरक।”

युहनाल 1:19

यहुदियातोर अदिकारि लोकुरक येरुसलेमताल याचक अनि लेवि लोकुरकुन “निमा बोर आन्दि?” इदाम पुच्चेमायिला साटि युहन्नाना हेरे लोहतुर।

युहनाल 1:4

अनि ओर बनेकिता सबोयतुन ओरेय जिवन हिन्तोर अनि परमेस्वरना खरोयतुन उन्दि वेळिचि लेहका लोकुरकुन ओर प्रगट किस हितुर।

युहनाल 10:28

अनि नना अवेहकुन अनन्त जिवन हिन्तोना, अनि अव बसकेय नाश आयो आयनुंग। अनि बोरायि अवेहकुन मेहान साटि नावाताल उन्दोर आयनुर।

युहनाल 12:50

अनि ओना आग्या अनन्त जिवन आन्दु इन्जोर नना पुन्तोना, इन्जोर नना बाताल आयि वळकान्तोना अदु बदाम नावा बाबो नाकुन वेहतोर अदामे वळकान्तोना।”

युहनाल 14:6

अनि येसु ओन इतुर, “हरि अनि खरोय अनि जिवन ननाय आन्दान। अनि नावा सिवायि बोरायि बाबोना हेरे अविला परोर।

युहनाल 19:35

अनि बोर इद हुळतुर ओर गवाहि हितुर, अनि ओना गवाहि खरोय मन्ता। अनि निमाट वने विस्वास कियान साटि ओर खरोय वेहान्तोर इन्जोर ओर पुन्तोर।

युहनाल 3:36

परमेस्वरना मरिनिगा विस्वास किन्तोर ओनेय अनन्त जिवा पुटार मति परमेस्वरना मरिनिगा विस्वास केवोर ओन अनन्त जिवा पुटो आयार मति परमेस्वरना होंग ओनागा मन्दार।”

युहनाल 4:36

वीतवाल अनि कोयवाल इवुरास मिलेमास गिरदा केविर इन्जोर कोयवाल आपुना रोजि येतिला आतोरक। अनि लोकुरकुन अनन्त काळता जिवाते ततानाय ओना फसल आन्दु अवेहकुन ओर कोयिला आतोर।

युहनाल 4:4

अनि येसुन सामरिया प्रदेशताल हन्दाना जरुरि मता।

युहनाल 5:21

बदाम बाबो हातोर लोकुरकुन जितो किन्तोर अदामे मरि वने बोनागा इच्चा किन्तोना ओन जितो किन्तोना।

युहनाल 5:26

बाक्याकि जिवन हेवाल बाबो आन्दुर अनि ओर नना मानेयतोर मरि नाकुन वने जिवन हियाना अदिकार हितोर।

युहनाल 6:40

बाक्याकि बोरायि नाकुन हुळस नावागा विस्वास किन्तोर ओन अनन्त जिवन पुटार इन्जोर नावोर बाबोना इच्चा इद मन्ता अनि नना आकरि दिया न्यायता बेरा ओन हातोरिगाडाल असा जितो कियाका” इदाम इतुर।

युहनाल 6:47

नना मिकुन खरोय खरोय इन्तोना, बोरायि नावागा विस्वास किन्तोर ओन अनन्त जिवन मन्ता।

युहनाल 6:68

अनि शमोन पतरस येसुन उत्तर हितुर, “हे प्रबु माक बोना हेरे दाकोम? अनन्त जिवनता पोल्लो नियाय हेरे मन्ता।

रोमि 5:21

अदाम पाप हायानाता द्वारा लोकुरा पोरो बदाम राज कितु अदामे परमेस्वरना दयाते मावोर प्रबु येसु मसिना विस्वासता कारण परमेस्वरना मुने येताना योग्य बनेमास अनन्त जिवनतिके ओयान साटि राज केविर इन्जोर।

रोमि 6:23

इन्जोर पापता मजदुरि हायाना मन्ता मति परमेस्वरना वरदान मावोर प्रबु येसु मसिना द्वारा पुटता अनन्त जिवन मन्ता।

१ तिमुति 1:16

अनि नना सबोयताल हजोर पापि मानेय मतोना मति बचोक हजोर पापि मानेयना पापतुन वने येसु मसि मापि कियानुर इन्जोर लोकुरकुन प्रगट कियान साटि नना आपुना पापताल पस्तेमातान असके ओर नावागा दया किसुन नावा सबोय पापतुन मापि कितुर। इन्जोर लोकुरक ओनागा विस्वास कियापरान्तोरक अनि अनन्तकाळ ओना संग मन्दिला परान्तोरक।

तितुस 1:2

अनि इद दुनिया बनेमायानाता मुनेटाले बसकेय खोटाल वळकोर ओर परमेस्वर इद आशाता बारेता वाचा हितोर।

१ युहनाल 2:25

अनि ओर येसु मसि माकुन हिता वाचा अनन्ता जिवन आन्दु।

१ युहनाल 4:10

अनि माक परमेस्वरदुन मया केवोम मति ओर माकुन मया कितुर अनि मावा पापता प्रायश्चित साटि आपुनोर मरिन लोहतुर इदेनते ओर आपुना मया प्रगट कितुर।

१ युहनाल 4:9

अनि परमेस्वर आपुनोर वरोरे मरिन माक ओना द्वारा जिवन पुटान साटि जागादिगा लोहतोर अनि इदेनते मावा साटि परमेस्वरना मया प्रगट आतु।

१ युहनाल 5:10

अनि परमेस्वरना मरिनिगा विस्वास किन्तोर ओर आपुना मन्दे ओद गवाहि मन्तोर। अनि परमेस्वरनिगा विस्वास केवोर ओर परमेस्वर आपुना मरिना बारेते हितोर ओद गवाहितिगा विस्वास केवोर इन्जोर परमेस्वरतुन खोटाल ठहरे किन्तोर।

१ युहनाल 5:20

अनि परमेस्वरनोर मरि वातोर अनि ओर माकुन खरोय परमेस्वरतुन समजेह किस हितुर इन्जोर माक पुन्तोराट। अनि परमेस्वरनासंग मावा सोबाय संबन्द मन्ता बाक्याकि माक येसु मसिनिगा मन्तोरोम ओर खरोय परमेस्वर मन्तोर। अनि खरोय परमेस्वर अनि अनन्त जिवन ओरेय आन्दुर।

१ युहनाल 5:7

अनि ओद गवाहि हिन्तोर ओर आत्मा आन्द बाक्याकि आत्मा खरोय मन्ता।

३ युहनाल 1:12

अनि दिमेत्रियुसना बारेते सबोय लोकुराताल खरोयता गवाहि पुटता मन्ता। अनि माक वने गवाहि हिन्तोरोम, अनि मावा गवाहि खरोय मन्ता इन्जोर निमा पुन्तोन।

यहुदा 1:21

अनन्त जिवन साटि मावोर प्रबु येसु मसिना दयातुन हर हुळस आपुनतुन परमेस्वरना मयातिगा केपसोर मन्ट।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 1:2

अनि येसु मसि आपुना स्वरगदूततुन लोहच आपुनोर दास युहन्नानिन इव पोल्लोंग तोहतुर। अनि परमेस्वरना पोल्लो अनि येसु मसिना गवाहितुन इदाम ओर हुळता सबोय पोल्लोतुन युहन्नाल वेहतुर।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 22:1

पजा सहेरता हरिता नडुम परमेस्वर अनि बेळा पिलाता सिंहासनताल पसियस पोंगता जिवन हिन्ता एता उन्दि पोंगता नदि स्वरगदूत नाकुन तोहतुर। ओद नदि काचता लेहका साप मता।