१ युहनाल 5:10 - Muria Far Western

¹⁰ अनि परमेस्वरना मरिनिगा विस्वास किन्तोर ओर आपुना मन्दे ओद गवाहि मन्तोर। अनि परमेस्वरनिगा विस्वास केवोर ओर परमेस्वर आपुना मरिना बारेते हितोर ओद गवाहितिगा विस्वास केवोर इन्जोर परमेस्वरतुन खोटाल ठहरे किन्तोर।

१ युहनाल 5:10 Iomraidhean Croise

युहनाल 3:16

परमेस्वर आपुनोर वरोरे मरिनिगा बोरायि विस्वास केविर ते ओना नाश आयमाकि मति ओन अनन्त काळता जिवा पुटि इन्जोर परमेस्वर आपुनोर वरोरे मरिन हियान साटि इद दरतिता लोकुरकुन पकाय मया कितुर।

युहनाल 3:18

ओनागा विस्वास किन्तोर ओरकुन दन्डता न्याय आयो मति बोर ओनागा विस्वास केवोर ओर परमेस्वरनोर वरोरे मरिनिगा विस्वास केवोर इन्जोर ओनागा दोषि ठहरे मातोर।

युहनाल 3:33

अनि ओना वेहतांग पोल्लोनुंग स्विकार किन्तोर ओर परमेस्वरनिकेडाल हिता पोल्लो खरोय मन्ता इन्जोर गवाहि हिन्तोर।

युहनाल 5:38

निमाट ओना पोल्लो आपुना मन्दे इरविट इन्जोर ओर लोहतोर नावागा निमाट विस्वास केविट।

बुतोंग 8:37

(अनि फिलिप्पुस ओन इतुर: “निमा आपुना सबोय मन्दे विस्वास किन्तोन ते बपतिस्मा येतिला परान्तोन।” अनि ओर इतुर, “येसु मसि परमेस्वरनोर मरि आन्दुर इन्जोर नना विस्वास किन्तोना।”)

रोमि 8:16

माक परमेस्वतोर मरि आन्दोम इन्जोर ओर पवित्र आत्मा मावा आत्मातासंग मिलेमास गवाहि हिन्ता।

गलाति 4:1

वारिस सबोयता मालकाल मन्तोर मति बचोनवनाह वारिस बालक मन्तोर अचोवनाह ओर अनि दासनिगा बोदे फरक हिले इन्जोर नना इद पोल्लो इन्तोना।

गलाति 4:6

बाक्याकि निमाट परमेस्वरना बालक मन्तोरिट इन्जोर “हे बाबो, हे बाबो” इदाम इन्ज केयान्तोरिट आपुनोर मरि मसिना आत्मातुन परमेस्वर मिया मन्दिगा लोहतोर।

कुलुसि 3:3

बाक्याकि निमाट हातोरिट मन्जे मिया जुनाल पापताल स्वभाव हाता अनि मिया पुनाल जिवन मसिनासंग परमेस्वरना मुने सुरक्षित किस मकिहिस इरता मन्ता।

यहुदि 3:12

हे बायि-दादालोरक, जिवित परमेस्वरताल मियागा बोरे परमेस्वरनिगा विस्वास केवो इदाम दुष्ट मन्दा कारण परमेस्वरताल बोरे लक आयमाकिर इन्जोर निमाट सावदान मन्ट।

२ पतरस 1:19

बाक्याकि परमेस्वरना पोल्लो वेहवालोरा पोल्लो इद घटनातुन पका किस मावा हेरे मन्ता। अनि वियाना बेरा आसुन मिया मन्दिगा सकारिता हुको पसियानवनाह अन्दकारतिगा उन्दि दिवाता वेळिचि लेहका निमाट परमेस्वरना पोल्लो वेहवालोरा ओद पोल्लोतुन ध्यान हियाकिट ते मिकुन बेस आयार।

१ युहनाल 1:10

अनि माक पाप केवोम इन्जोर इन्काट ते माक परमेस्वरतुन खोटाल बनेकिन्तोरोम अनि परमेस्वर मावा बारेते बाताल वेहतुर अदेना विरोद किन्तोरोम।

१ युहनाल 5:1

अनि बोर येसुन मसिहा इन्जोर विस्वास किन्तोर ओर परमेस्वरताल जनम आतोर, अनि बोरायि बाबोन मया किन्तोर ओर ओना मरिन वने मया किन्तोर।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 12:17

असके ओद पकाय हजोर मासुल तरास आळदा पोरो पकाय होंग आतु, अनि परमेस्वरना आग्यातुन मानेमान्दुर अनि येसुना गवाहि हियान साटि स्थिर मन्तोर अदेना पिसतोर सन्तानतासंग लळायि कियान साटि हतुर।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 2:17

पवित्र आत्मा सबोय मसिलोकुरा सभातुन बाताल इन्ता अदेन पकाय ध्यानते केन्जुन सम्जेमाम्ट। विजय आयनुर ओन नना स्वरगतिगा मकता मन्नातिगाडाल हियाका, अनि ओन उन्दि पान्डरि कल वने सम्मान हियाका, अनि ओद कलतिगा उन्दि पुनाल पोरोय कोटता मन्दार, अदेन पुटिहवालना शिवाय दुसरो बोरे ओद पोरोय पुनोर आयनुर।”

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 2:28

अनि नना ओन झुंजुरका बेराता हुको हियाका।