१ युहनाल 4:6 - Muria Far Western

⁶ अनि माक परमेस्वरनोर आन्दोम। अनि बोर परमेस्वरदुन पुन्तोर ओर मावा पोल्लो केन्जान्तोर अनि बोर परमेस्वरदुन पुनोर ओर मावा पोल्लो केन्जोर। अनि इदेनते खरोयता आत्मा बोद अनि दोखा हेवाल आत्मा बोद मन्ता इन्जोर माक पुन्तोम।

१ युहनाल 4:6 Iomraidhean Croise

लूका 10:22

नावोर बाबाल सबोय नावा कयदे सोपे किसितोर अनि मरि बोर आन्दुर इन्जोर केवल बाबोन हरचि दुसरो बोरे पुनोर। अनि बाबो बोर आन्दुर इन्जोर केवल मरि अनि आपुना बाबोना बारेते तोहच हियान साटि बोना पोरो मरि इच्चा कोन्तोर ओरे हरचि दुसरो बोरे पुन्तोर” इन्जोर इतुर।

युहनाल 10:16

अनि इद कोळकाता आयोंग दुसरोवने बेळांग नाकुन मन्तांग, नाकुन अवेकुन वने तताना जरुरि मन्ता, अव नावा पोल्लोंग केन्जानुंग असके उन्दिय गोहडि अनि वरोरे मेहवाल आयनुर।

युहनाल 10:27

अनि नावा बेळांग नावा पोल्लोंग मानेमातांग। अनि नना अवेहकुन पुन्तोना अनि अव नावा परके परके ताकान्तांग।

युहनाल 10:3

अनि कोळकाता टाटराता केपवाल ओना साटि टाटरातुन तरियान्तोर। अनि ओर आपुना बेळानुंग पोरोय येतस येतस केयान्तोर अनि बेळांग ओना लेंग पुन्तांग अनि ओर बेळानुंग मेहान साटि बाहरो ओन्तोर।

युहनाल 13:20

नना बोन लोहका ओन बोर स्विकार किन्तोर ओर नाकुन स्विकार किन्तोर इन्जोर नना मिकुन खरोय खरोय इन्तोना अनि बोर नाकुन स्विकार किन्तोर ओर केवल नाकुने आयो मति नावोर लोहवाल बाबोन स्विकार किन्तोर।”

युहनाल 14:17

अनि ओर खरोयता आत्मा आन्दुर। ओन दुनियातोर लोकुरक स्विकार कियाला परोरक, बाक्याकि इद दुनिया ओन पुनोर अनि हुळोर। ओर मियासंग मन्तोर अनि ओर मियागा मन्दानुर इन्जोर ओन निमाट पुन्तोरिट।

युहनाल 15:26

येसु ओरकुन असा इतुर, “मति नना बाबोनिकेडाल मिया हेरे लोहका ओर मदत केवाल, ओर बाबोनिकेडाल पसियान्ता खरोयता आत्मा मन्तोर, ओर वायनुर असके नावा गवाहि ओर हियानुर।

युहनाल 16:13

मति बसके परमेस्वरना बारेता खरोयतुन तोहवाल अर्थ परमेस्वरना आत्मा वायनुर असके मिकुन सबोय खरोयता हरि वेहानुर। अनि ओर आपुनिकेडाल बारायि वळकोर आयनुर मति ओर मिकुन परमेस्वरनिकेडाल बाताल केन्जानुर ओदे वळकानुर। अनि वायवांग पोल्लोंग मिकुन वेहानुर।

युहनाल 18:37

अनि पिलातुस ओन इतुर, “निमा राजा आन्दि बहे?” अनि येसु उत्तर हितुर, “नना राजाल आन्दान इन्जोर निमाय इन्तोन। खरोयता बारेते गवाहि हियान साटि नना इद दुनियाते जनमा येतितान अनि अदेन साटि दुनियातिगा वातान। बोरायि खरोयता हरिते ताकान्तोर ओर नावा पोल्लोंग केन्जान्तोर।”

युहनाल 20:21

अनि येसु असा ओरकुन इतुर, “मिकुन शान्ति पुटि इन्जोर बाबो नाकुन लोहतोर अदामे नना वने मिकुन लोहान्तोना।”

युहनाल 8:19

अनि ओरक येसुन पुच्चेमातुरक, “नियोर बाबो बगाडुर?” अनि येसु ओरकुन इतुर, “निमाट नाकुन पुनविट अनि नावोर बाबोन वने पुनविट, नाकुन पुन्ज मनेरिट ते नावोर बाबोन वने निमाट पुन्ज मनेरिट।”

युहनाल 8:23

असके येसु ओरकुन इतुर, “निमाट दरतितिगा जनम आतोरिट ते दरतितोर आतोरिट, नना स्वरगतिगाडाल वातोना इन्जोर दरतितोर आयोन।

रोमि 1:1

परमेस्वर आपुनोर मरि अनि इद दुनियातिगा दावुदनोर वंशतिगा जनम आतोर, अनि हातोरिगाडाल असा जिवेमातुर इन्जोर पवित्र आत्माता द्वारा परमेस्वरनोर लाववाले मरि इदाम परमेस्वर आचतोर मावोर प्रबु येसु मसिना बारेते,

रोमि 11:8

अनि ओरकुन परमेस्वरना पोल्लोता अनुसार अदाम आतु: “परमेस्वर ओरकुन होचहान लेहका कितुर इन्जोर ओरक बाताले समजेमाय परोरक। अनि कोन्डांग मन्ज वने ओरक हुळिला परोरक अनि कविंग मन्ज वने ओरक केन्जिला परोरक अनि इदेकवनाह इदामे आयिला आता” इदाम परमेस्वरना पोल्लोतिगा कोटता मन्ता।

१ कुरिन्थुस 14:37

बोरे मानेय आपुनतुन परमेस्वरना पोल्लो वेहवाल या पवित्र आत्माता वरदान पुटिहतोर मानेय इदाम समजेमान्तोरक ते नना बाताल आयि मिकुन कोटिला आतोना इद सबोय पोल्लो प्रबुना आग्या मन्ता इदाम ओरक पुनिरक।

२ कुरिन्थुस 10:7

निमाट आपुना कोन्डा मुनेटा खरोय पोल्लोनुंग हुळाट। नना मसिनोर आन्दान इन्जोर बोने पका विस्वास मन्ता ते ओना लेहका माक वने मसिनोर आन्दोम इन्जोर ओर पुन्दिला पहाजे।

१ तिमुति 4:1

मति येसु मसिना असा मल्स वायाना मुने हुचुक लोकुरक परमेस्वरना खरोय उपदेशतुन हरचियानुरक इन्जोर परमेस्वरना आत्मा साप रुपते वेहिन्तोर। अनि ओरक दोखा हेवाल दुष्टात्माता पोल्लो केन्जानुरक अनि दुष्टात्मा बाताल करहान्ता ओद खोटाल उपदेशतिगा लोकुरक विस्वास कियानुरक।

२ पतरस 3:2

बाक्याकि निमाट परमेस्वरना पोल्लो वेहवाल पवित्र लोकुरक पहलेटाले इतोर ओव पोल्लोंग अनि मावोर प्रबु अनि पिसिहवाल ओर येसु मसि आपुना खास चेलाल लोकुरा द्वारा हिता आग्यातुन आल्हाट इन्जोर इव रन्डास पत्रतिगा हुचुक पोल्लोंग आलिहच खरोय रितिते विचार कियान साटि मिया मन्दुन जागृत कियाना कोसिस किन्तोना।

१ युहनाल 4:1

हे प्रिया गोतियालोरक, पकाय खोटाल परमेस्वरना पोल्लो वेहवालोरक दुनियातिगा पसियतोर इन्जोर परमेस्वरना आत्माताल पुटतु इदाम वेहचुन बोरे करिहता बोदे पोल्लोतिगा सान्डेय विस्वास केमाट। मति पकाय ध्यान किस ओद करिहना परमेस्वरनिकेडाल मन्ता या हिले इन्जोर विचार किस समजेमायिला पहाजे।

१ युहनाल 4:4

हे बालक, निमाट परमेस्वरनोर आन्दिट, अनि निमाट ओद दुश्मनिगा विजय आतोरिट बाक्याकि बोर मियागा मन्तोर ओर मसिना विरोद केवालताल हजोर मन्तोर।

१ युहनाल 4:8

अनि बोर दुसरोन मया केवोर ओर परमेस्वरदुन पुनोर बाक्याकि परमेस्वर मया आन्दुर।

१ युहनाल 5:19

अनि माक परमेस्वरताल मन्तोरोम इन्जोर माक पुन्तोराट, अनि सबोय दुनिया ओर सयताना अदिकारता अडिय मन्तोर।

यहुदा 1:17

मति हे प्रिय गोतियालोरक, मावोर प्रबु येसु मसिहनोर खास चेला लोकुरक मुनेटालेय मिकुन इतोरक ओव पोल्लोनुंग आलहाट।