१ युहनाल 4:4 - Muria Far Western

⁴ हे बालक, निमाट परमेस्वरनोर आन्दिट, अनि निमाट ओद दुश्मनिगा विजय आतोरिट बाक्याकि बोर मियागा मन्तोर ओर मसिना विरोद केवालताल हजोर मन्तोर।

१ युहनाल 4:4 Iomraidhean Croise

युहनाल 12:31

इदेक इद दुनियाता लोकुरा न्यायकियानाता बेरा अवता; अनि दुनियाता लोकुरकनिगा राज्य केवाल सयतानतुन परमेस्वर हारे कियानुर।

युहनाल 14:30

अनि नना इदेक मियासंग असा पोल्लोंग केवोन बाक्याकि इद दुनियातोर राजाल मन्जे सयतान वायिला आतोर ओना नावा पोरो बाताले अदिकार हिले।

युहनाल 16:11

अनि इद दुनियातोर राजाल मन्जे सयतानुन दन्ड पुटार इन्जोर परमेस्वरना वायवाल न्यायता बारेते वने समजेहकिस हियानुर।”

युहनाल 17:23

ओरक सबोय रितिते उन्दि आयान साटि नना ओरिगा अनि निमा नावागा मन्तोन। अदाम, निमा नाकुन लोहतोर अनि निमा नाकुन मया किन्तोन अदाम लेहका ओरकुन वने निमा मया किन्तोन इन्जोर दुनियाता लोकुरक पुनिर।

रोमि 8:31

ते इद सबोय पोल्लोता बारेते माक बाताल इन्काट? परमेस्वर मावा बासा मन्तोर ते मावा विरोद ते बोर आय परान्तोर?

रोमि 8:37

ते वने माकुन मया किन्तोर ओर मसिना द्वारा इव सबोय पोल्लोतिगा माक उन्दि हजोर विजयि पुटहिला आतोरोम।

१ कुरिन्थुस 2:12

परमेस्वर माकुन फुकोटते हिता ओव सबोय पोल्लोंग पुन्दान साटि माकुन दुनियाता आत्मा आयो मति परमेस्वरनिकेडाल ओना आत्मा पुटता।

१ कुरिन्थुस 6:13

अनि बोरे इतोरक: “जेवन पोटासाटि मन्ता अनि पोटा जेवन साटि आचता मन्ता।” परमेस्वर इद रन्डास चिजकुन नाश कियानुर। मति मेन्दुल व्यभिचार साटि बनेकेवोर मति मिया मेन्दुल प्रबुन साटि मन्ता अनि प्रबु मावा मेन्दुलता काळजि किन्तोर।

२ कुरिन्थुस 4:4

मसि परमेस्वरना रुप मन्तोर। ओर मसिना महिमाता सोबाता पोल्लोता वेळिचितुन ओरक हुळिला परोर इन्जोर साटि इद सन्सारतोर स्वामि सयतान विस्वास केवोर ओर लोकुरा मन्दुन आन्दराल कितोर।

२ कुरिन्थुस 6:16

अनि मूरतिहनासंग परमेस्वरना मन्डिलिता बाताल संबन्द मन्ता? बाक्याकि माक जिवित परमेस्वरना मन्दिर आन्दोम। “नना ओरासंग मनका अनि ओरासंग ताकिका; अनि नना ओरा परमेस्वर आयिका अनि ओरक नावोर लोकुरक आयनुरक” इदाम परमेस्वर इतोर इन्जोर पवित्र पुस्तकतिगा कोटता मन्ता।

इफिसुस 2:2

ओदेनते निमाट पहले आबारता दुष्टात्मांगता राजान अनि बोर आग्यातुन मानेमायोरक ओरिगा बुतोकिन्तोर ओव आत्मातुन केन्जुन इद सन्सारता गलति हरिते इद दुनियाता लोकुरा लेहका निमाट ताकसोर मतोरिट।

इफिसुस 3:17

मसिनिगा निमाट विस्वास किन्तोरिट इन्जोर ओर मिया मन्दिगा दरोज मन्दिला पहाजे। अनि उन्दि मराता हिरक बदाम ओद मरातुन मजबुत किन्तांग या उन्दि लोता पायवा बदाम ओद लोतुन मजबुत किन्ता अदामे परमेस्वरना मया मिकुन मजबुत किसोर मनि।

इफिसुस 6:10

आकरिते प्रबुनिगा अनि ओना पकाय हजोर लावता प्रभावते लाववाले बनेमाम्ट।

१ युहनाल 2:1

हे नावोरक बालक, निमाट पाप केमाट इन्जोर साटि नना इव पोल्लोंग मिकुन कोटान्तोना। अनि बोरायि पाप केविर ते बाबोना हेरे मावा मदत साटि येसु मसि मन्तोर अनि ओर खरोय परमेस्वरना मुने येताना योग्य मन्तोर।

१ युहनाल 2:13

हे बाबो लोकुरक, येसु मुनेटाले मन्तोर, निमाट ओन पुन्तोरिट इन्जोर नना मिकुन कोटान्तोना। अनि हे लयोरक, निमाट ओर दुष्ट बुतो केवालनिगा विजय आतोरिट इन्जोर नना मिकुन कोटान्तोना। हे बालक, निमाट बाबोन पुतोरिट इन्जोर नना मिकुन कोटतोना।

१ युहनाल 3:24

अनि बोर परमेस्वरना आग्यातुन मानेमान्तोर ओर ओनासंग अनि ओर ओनासंग मन्तोर अनि येसु मसि मावासंग मन्तोर इन्जोर ओर माकुन हितुर ओर पवित्र आत्माताल माक पुन्तोराट।

१ युहनाल 4:13

अनि माक ओनासंग मन्तोरोम अनि ओर मावासंग मन्तोर इन्जोर ओर आपुना आत्मातुन माकुन हितोर इदेनतेय माक पुतोम।

१ युहनाल 4:16

अनि इदाम परमेस्वर माकुन मया किन्तोर इन्जोर माक पुन्तोरोम अनि विस्वास किन्तोरोम। अनि परमेस्वर मया आन्दुर। अनि बोर दुसरो लोकुरकुन अनि परमेस्वरदुन मया किन्तोर ओर परमेस्वरनिगा मन्तोर अनि परमेस्वर ओनागाय मन्तोर।

१ युहनाल 4:6

अनि माक परमेस्वरनोर आन्दोम। अनि बोर परमेस्वरदुन पुन्तोर ओर मावा पोल्लो केन्जान्तोर अनि बोर परमेस्वरदुन पुनोर ओर मावा पोल्लो केन्जोर। अनि इदेनते खरोयता आत्मा बोद अनि दोखा हेवाल आत्मा बोद मन्ता इन्जोर माक पुन्तोम।

१ युहनाल 5:19

अनि माक परमेस्वरताल मन्तोरोम इन्जोर माक पुन्तोराट, अनि सबोय दुनिया ओर सयताना अदिकारता अडिय मन्तोर।

१ युहनाल 5:4

बाक्याकि परमेस्वरताल जनम आतोर सबोय लोकुरक इद दुनियाता पोरो विजयि मन्तोरक। अनि दुनिया पोरो विजय पुटहान्ता ओद मावा विस्वासता द्वारा मन्ता।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 12:11

ओरक बेळा पिलाता बलिदानता नतुरता कारण अनि आपुना वेहता परमेस्वरना पोल्लोता कारण ओर दोष लावे केवालिन जिकतुरक। अनि ओरक हायाना साटि वने वरियोर आतुरक।