१ युहनाल 4:1 - Muria Far Western

¹ हे प्रिया गोतियालोरक, पकाय खोटाल परमेस्वरना पोल्लो वेहवालोरक दुनियातिगा पसियतोर इन्जोर परमेस्वरना आत्माताल पुटतु इदाम वेहचुन बोरे करिहता बोदे पोल्लोतिगा सान्डेय विस्वास केमाट। मति पकाय ध्यान किस ओद करिहना परमेस्वरनिकेडाल मन्ता या हिले इन्जोर विचार किस समजेमायिला पहाजे।

१ युहनाल 4:1 Iomraidhean Croise

मरकुस 13:21

ओदबेरा बोरे मिकुन, ‘हुळाट मसिहा इगा मन्तोर!’ ‘हुळाट अगा मन्तोर!’ इदाम इनिर ते विस्वास केमाट।

लूका 12:57

अनि येसु असा इतुर, “बोद पोल्लो बरोबर आन्द इन्जोर निमाट आपुहे बाक्या निर्णय केविट?

लूका 21:8

अनि येसु आपुनोरक चेलालोरकुन इतुर, “बोरे मिकुन दोखा हेमाट इन्जोर निमाट चोव्कोस मन्ट, बाक्याकि पकाय लोकुरक, ‘नना मसि आन्दान’ अनि ‘अन्त आयाना बेरा वाता’ इदाम इन्तोर नावा पोरोयदे वायनुरक मति निमाट ओरांग केन्जमाट।

बुतोंग 17:11

बिरिया नाटेनिगा मन्ता ओद यहुदि लोकुरा समाज मन्डलिता यहुदिलोकुरक ते तिस्सलुनितोर यहुदिलोकुरकताल परमेस्वरना पोल्लो करियाना इच्चा केवालोरक मतोरक। अनि ओरक पोलुस अनि सिलास प्रचार किता मसिना बारेता सोबाता पोल्लो पकायि गिरिदाते स्विकार कितुरक, अनि ओरक वेहता इव पोल्लोंग इदाम मन्तांग या हिलेंग इन्जोर दरोज पवित्र पुस्तकतिगा पकाय ध्यानते पळकसोर मतोरक।

बुतोंग 20:29

नावा हतपा पजा ओव बेळानुंग मानेमायोर पकाय दुष्ट हुन्डराह लेहका मन्तोरक लोकुरक मियागा वायनुरक ओर बेळांगना पोरो बोदे दया केवोर आयनुरक इन्जोर नना पुन्तोना।

१ कुरिन्थुस 12:10

अदामे हुचुलोर लोकुरकुन चमत्कारता बुतो कियाना वरदान अनि हुचुलोर लोकुरकुन परमेस्वरना पोल्लो वेहानाता वरदान अनि दुसरो हुचुलोर लोकुरकुन आत्मानुंग पुन्दानाता वरदान अनि दुसरो हुचुलोर लोकुरकुन अन्जान बोलि वळकानाता वरदान अनि हुचुलोर लोकुरकुन अन्जान बोलिता अर्थतुन लोकुरकुन समजेकिस वेहानाता वरदान पुटान्ता।

१ कुरिन्थुस 14:29

अदामे इवुर या मुवुर लोकुरे परमेस्वरना पोल्लो वेहिर अनि पिसतोर लोकुरकुन परमेस्वरना ओद पोल्लोता बारेते पिसतोर लोकुरक ध्यानते विचार केविर।

१ तिस्लुनि 5:20

अनि परमेस्वरना पोल्लोतुन तुच्च समजेमायमाट।

१ तिस्लुनि 5:21

अनि सबोय पोल्लोतुन परिक्षाकिसुन सोबाय पोल्लोतुन पयिस मन्ट।

२ तिस्लुनि 2:2

अनि प्रबुना असा वायानाता दिया वातु इन्जोर इदाम केन्जिकिट ते अचानक मिया मन अस्थिर आयमाकि अनि वरियमाट। बोरे भविस्यवानितिगा इद पोल्लो वेहानुर या बोदे सन्देश या मावाकेडाल वाता पत्र लेहका इद पोल्लो वाय परान्ता।

१ तिमुति 4:1

मति येसु मसिना असा मल्स वायाना मुने हुचुक लोकुरक परमेस्वरना खरोय उपदेशतुन हरचियानुरक इन्जोर परमेस्वरना आत्मा साप रुपते वेहिन्तोर। अनि ओरक दोखा हेवाल दुष्टात्माता पोल्लो केन्जानुरक अनि दुष्टात्मा बाताल करहान्ता ओद खोटाल उपदेशतिगा लोकुरक विस्वास कियानुरक।

२ तिमुति 3:13

अनि खोटाल उपदेश करिहवालोर ओर लोकुरक सोबाय उपदेश करहान्तोर लेहका आपुना खोटाल उपदेश करहिन्तोर अनि खराब बुतो किसोर मन्दानुरक। अनि ओर लोकुरक दुसरोन दोखा किन्तोर अनि आपुन वने दोखा तिन्तोर।

२ पतरस 2:1

इस्रायेल लोकुरकनिगा आपुनास परमेस्वरना पोल्लो वेहवाल आन्दोम इदाम खोटाल वळकवालोरक मतोरक; अदामे मियागा वने खोटाल करिहवालोर आयनुरक, अनि ओर लोकुरक मसि विस्वासता नाश किन्ता गलत करिहना मकस मकस करहान्तोरक, अनि ओरक आपुनतुन किमत हिस असतुन स्वतन्त्र कितोर ओर हजोर प्रबुन वने इन्कार किस आपुनतुन सान्डेय नाशतिगा वाटसियानुरक।

१ युहनाल 2:18

हे बालक, इद दुनियाता नाश आयानाता आकरि बेरा मन्ता! अनि मसिना विरोदि वायवाल मन्तोर इन्जोर निमाट केन्जतोरिट अनि अदेना अनुसार इदेक वने पकाय मसिना विरोद केवालोरक तेदीतोरक अनि इदेनते इद दुनियाता आकिरता बेरा आन्दु इन्जोर माक पुन्तोरोम।

१ युहनाल 2:7

हे प्रिय गोतियालोरक, नना मिकुन बोदायि पुनाल आग्या कोटोन मति ओदे आग्या मुनेटाले मिकुन पुटता। इद जुनाल आग्या निमाट केन्जतोरिट ओदेय पोल्लो आन्दु।

२ यहुनाल 1:7

बाक्याकि इदाम दोखा केवाल मानेय पकाय इद दरतितिगा पसियतोरक। ओर येसु मसि मानेय आस वातोर इन्जोर मानेमायोर। दोखा केवाल अनि येसुना विरोद केवाल इदाम लोकुरक मन्तोरक।

३ युहनाल 1:11

हे प्रिय, गलति लोकुरा चेला आयमा मति भला बुतो किन्तोर लोकुरा चेला आम। अनि भला बुतो किन्तोर ओर परमेस्वरनिकेडाल मन्तोर मति बोर गलति किन्तोर ओर परमेस्वरदुन पुनोर।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 2:2

नना निया बुतोंग, अनि निया मेहनत, अनि निया पोसोरिंगे सहेन कियाना पुन्तोना; अनि निमा खराब लोकुरकुन सहेन किया परवि, अनि येसु मसिना खास चेलालोरक आयोर ते वने आपुनतुन येसु मसिना खास चेलालोरक इदाम खोटाल इन्वालोर लोकुरकुन परिक्षा किस ओरक खोटाल इदाम समजेमातोरिट।