१ युहनाल 3:3 - Muria Far Western

³ अनि ओनागा इद आशा इरान्तोर ओर बदाम येसु पवित्र मन्तोर अदामे आपुना जिवनतुन पवित्र बनेकिन्तोर।

१ युहनाल 3:3 Iomraidhean Croise

मत्ति 5:48

इन्जोर मिवोर स्वरगतोर बाबो परिपूर्ण मन्तोर अदाम लेहका निमाट वने सबोय रितिते परिपूर्ण बनेमाम्ट।”

लूका 6:36

अनि स्वरगतोर बाबाल बदाम दया किन्तोर अदामे निमाट वने दया किम्ट।”

युहनाल 17:19

अनि ओर वने नावा वेहता खरोय पोल्लोता द्वारा निया साटि सोपेहकियाला पहाजे इन्जोर ओरा साटि नना आपुनतुन सोपेहकिन्तोना।”

बुतोंग 15:9

अनि मावागा अनि ओरागा बाताले भेद ओर हेवोर। ओरक मसिनिगा विस्वास कितुरक असके परमेस्वर ओरा मन्दुन शुद्ध कितुर।

रोमि 15:12

अनि “यिशेना पिळिताल वरोर राजाल जनम आयनुर। अनि ओर यहुदि आयोर लोकुरा पोरो राज कियान साटि वायनुर। अनि ओनिगा सबोय यहुदि आयोर लोकुरक आशा कियानुरक” इन्जोर असा परमेस्वरना पोल्लोतिगा यशायाह वने इन्तोर।

२ कुरिन्थुस 7:1

इन्जोर हे नावोर बायि-दादालोरक, इव वाचांग माकुन पुटतांग इन्जोर वराट माक परमेस्वरना मुने आपुना मेन्दुलता अनि आत्माता अशुद्ध किन्ता पोल्लोंग सबोय हरचिस परमेस्वरतुन मानेमास पवित्रतातुन पुरा केविट।

कुलुसि 1:5

ओद स्वरगतिगा परमेस्वर मिया साटि इरता मन्ता ओद आशाताल वान्ता। ओद सोबाता पोल्लोता खरोय सन्देशता द्वारा निमाट मुनेटाले केन्जतोरिट।

२ तिस्लुनि 2:16

अनि मावोर प्रबु येसु मसि अनि मावोर बाबो परमेस्वर माकुन मया किन्तोर अनि ओना दया माकुन प्रोत्साहन अनि सोबाय आशा हिता।

तितुस 3:7

अनि परमेस्वर मावागा दया किसुन माकुन निरदोष बनेहकितुर इन्जोर माक अनन्त जिवा पुटार इदाम पकाय हजोर आशा मन्ता।

यहुदि 12:14

सबोय लोकुरासंग शान्तिते मन्दाना अनि सबोय रितिते परमेस्वरतुन सोपेकिस पवित्रता साटि कोसिस किसोर मन्ट। पवित्रताता शिवाय बोरे मानेय प्रबुना हेरे हन्दिला परोर आयनुर।

यहुदि 6:18

ते इगा रन्ड पोल्लोंग मन्तांग मन्जे ओना वाचा अनि ओना शपथ ओव बसकेय बदले मायपरोंग अनि अवेहना बारेते परमेस्वर बसकेय खोटाल वळक परोर। इन्जोर परमेस्वरना हेरे भरोसा पुटहान साटि वातोरोम माकुन येसु मसिना द्वारा जरुर पुटान्ता इदाम विस्वास किन्ता पिसहानातुन हर हुळसोर मजबुतते मन्दाना कोसिस किन्तोर माकुन ओद रन्डास पोल्लोंग अर्थ परमेस्वरना वाचा अनि शपथ पकाय प्रोत्साहन हिन्ता।

यहुदि 7:26

इदामे ओर हजोर याजक मन्जे येसु मसि मावा जरुरितुन पुरा किया परान्तोर। ओर पवित्र मन्तोर, ओर बोदे दोष या पाप केवोर, अनि पापि लोकुराल अलग मतोर अनि ओर स्वरगताल वने पोरो ताहतोर मन्तोर।

याकुब 4:8

अनि निमाट परमेस्वरना हेरे हन्ट ते परमेस्वर वने मिया हेरे वायनुर। हे पापि लोकुरक, निमाट गलति कियाना बन्द किम्ट अनि हे रन्ड मन्कनोर लोकुरक आपुना मन्दुन पवित्र किम्ट।

१ पतरस 1:15

मति मिवोर केयवाल परमेस्वर पवित्र मन्तोर इन्जोर निमाट वने आपुना सबोय चाल-चलनतिगा पवित्र बनेमाम्ट।

१ पतरस 1:3

मावोर प्रबु येसु मसिनोर पिता परमेस्वरना धन्यवाद आयि!

२ पतरस 1:4

इद दुनियातिगा लोकुरा खराब इच्चाता कारण मन्ता ओद नाशताल पिसिच, परमेस्वरना स्वभावता सहभागि आयान साटि ओर अवेहना द्वारा माकुन पकाय किमति अनि पकायि महान वाचांग हितोर।

२ पतरस 3:14

इन्जोर हे गोतियालोरक, निमाट परमेस्वर सबोय लोकुरकुन न्याय कियान साटि वायाना ओद दियातुन हर हुळान्तोरिट ते परमेस्वरना मुने निरदोष अनि बोदे डाग हिलेर आस शान्तिते मिकुन हुळान साटि पकायि कोसिस किसोर मन्ट।

१ युहनाल 2:6

नना ओनासंग मन्तोना इदाम बोरायि इन्तोर ते बदाम येसु ताकिन्दुर अदामे ओर वने ताकिला पहाजे।

१ युहनाल 4:17

अनि न्यायता दिया माकुन हिमत आयान साटि इदेनतेय मया मावागा पुरा आता बाक्याकि बदाम ओर मन्तोर अदामे दुनियातिगा माक वने मन्तोम।