१ युहनाल 3:10 - Muria Far Western

¹⁰ अनि परमेस्वरनोर बालक अनि सयतानोर बालक बोर मन्तोर इन्जोर इदेनतेय पुन्तोर; बोरायि परमेस्वरना मुने येताना योग्य बुतो केवोर ओर परमेस्वरताल आयो अनि ओर आपुनोर तमोन मया केवोर।

१ युहनाल 3:10 Iomraidhean Croise

मत्ति 13:38

डन्ड इद दुनिया आन्दु; सोबाय विजा स्वरग राज्यता बालक आन्दुरक; अनि केळा रोन्डा सयतानोर मरि आन्दुरक।

लूका 6:35

मति निमाट ते आपुनोर दुश्मन लोकुरासंग मया किम्ट, अनि ओरा भलायि किम्ट, उदारि हिता ओद मिकुन मलस पुटार इन्जोर भरोसा इरमा, इद भावते निमा दुसरो लोकुरकुन उदारि हिम्ट। असके मिया साटि स्वरगतिगा हजोर आशिष मन्दार, अनि निमाट सबोयताल हजोर परमेस्वरनोर बालक आयकिट। बाक्याकि परमेस्वरना धन्यवाद केवोरकुन अनि दुष्ट लोकुरकुन वने परमेस्वर दया किन्तोर।

युहनाल 1:12

मति हुचुक लोकुरक ओन स्विकार कितुर अनि ओनागा विस्वास कितुरक। ओरकुन परमेस्वरना मरि आयाना अदिकार हितुर।

युहनाल 11:52

अनि केवल यहुदिलोकुरक साटि आयो मति सबोय दुनियातिगा परमेस्वरनिगा विस्वास केवालोरक मन्तोरक ओर सबोयलोरकुन उन्दि कियान साटि ओर हायवाल मन्तोर।

युहनाल 8:44

मिवोर बाबो सयतान आन्दुर अनि निमाट ओनोरे मरि आन्दिट। बोद इच्चा येर किन्तोर अदे निमाट कियाना इच्चा किन्तोरिट। ओर ते मुनेटाले हव्कवाल मन्तोर, अनि दरोज परमेस्वरना खरोय पोल्लोता विरोदि मन्तोर, बाक्याकि ओनागा बाराय खरोय हिले, ओर खोटाल मन्तोर अनि जुटाह वळकवालोरा बाबो आन्दुर। इन्जोर आपुना स्वभावते ओर खोटाल वळकान्तोर।

युहनाल 8:47

अनि बोर परमेस्वरनोर लोकुरक मन्तोरक ओरक परमेस्वरना पोल्लोंग केन्जुन मानेमान्तोरक। मति निमाट परमेस्वरनोर लोकुरक आयविट इन्जोर निमाट परमेस्वरना पोल्लोंग केन्जुन मानेमायविट।”

बुतोंग 13:10

“हे सबोय दोखा अनि कपटिते निन्दितोर सयतानोर सन्तान, परमेस्वरना मुने येताना योग्य मन्ता सबोय बुतोता दुश्मन, निमा प्रबुना बारेता खरोय पोल्लोतुन वकळे कियाना बाताल तासिवि आयकि?

रोमि 13:8

निमाट वरोर दुसरोनासंग बोदायि पोल्लोते करजदार आयमाट मति केवल मया कियानातिगा करजदार बनेमाम्ट। बोर दुसरोन मया किन्तोर ओरे परमेस्वरना सबोय नियमता पालन किन्तोर।

इफिसुस 5:1

इन्जोर परमेस्वरना प्रिय बालक लेहका निमाट परमेस्वरना अनुकरण किम्ट।

कुलुसि 3:14

इव सबोय पोल्लोंग किम्ट, मति इदेनते सबोयताल हजोर मया मन्ता इन्जोर निमाट आपसते मया किम्ट अनि मयाते उन्दि आस पुरा जोळेमासोर मन्ट।

१ तिमुति 1:5

अनि सबोय लोकुरक परमेस्वरना मयाता द्वारा पवित्र मन, खरोय अनि गलतितुन समजेमायान साटि सोबाय बुद्धि, अनि परमेस्वरनिगा कपटरहित विस्वास कियाला पहाजे इन्जोर मावा आग्याता उदेश मन्ता।

१ युहनाल 2:29

निमाट येसु परमेस्वरना मुने येताना योगय मन्तोर इन्जोर पुन्तोरिट ते बोरायि परमेस्वरना मुने येताना योगय बुतो किन्तोरक ओरक वने ओनाकेडाल जनम आतोर इन्जोर वने पुन्तोरिट।

१ युहनाल 3:1

हुळाट माक परमेस्वरनोर बालक इन्दान साटि मावोर परमेस्वर बाबो माकुन बचोन हजोर मया कितोर। अनि माट खरोय परमेस्वरनोर बालक मन्तोराट! अनि इद दुनिया येसु मसिन बोर आन्दुर इन्जोर पुनो, इन्जोर दुनिया माक वने बोर आन्दोम इन्जोर पुनो।

१ युहनाल 3:2

हे प्रियलोकुरक, इदेक माक परमेस्वरनोर बालक आन्दाट मति माक बाताल आयकाट इन्जोर इदेक वनाह प्रगट आयोय। अनि बसके येसु प्रगट आयनुर ओर बदाम मन्तोर अदामे माक हुळकाट इन्जोर माक ओना लेहका आयकाट इचोन पुन्तोराट।

१ युहनाल 4:21

अनि बोरायि परमेस्वरदुन मया किन्तोर ओर आपुना तमोन वने मया इरीर इन्जोर ओनाकेडाल माकुन आग्या पुटता मन्ता।

१ युहनाल 4:6

अनि माक परमेस्वरनोर आन्दोम। अनि बोर परमेस्वरदुन पुन्तोर ओर मावा पोल्लो केन्जान्तोर अनि बोर परमेस्वरदुन पुनोर ओर मावा पोल्लो केन्जोर। अनि इदेनते खरोयता आत्मा बोद अनि दोखा हेवाल आत्मा बोद मन्ता इन्जोर माक पुन्तोम।

१ युहनाल 4:8

अनि बोर दुसरोन मया केवोर ओर परमेस्वरदुन पुनोर बाक्याकि परमेस्वर मया आन्दुर।

१ युहनाल 5:19

अनि माक परमेस्वरताल मन्तोरोम इन्जोर माक पुन्तोराट, अनि सबोय दुनिया ओर सयताना अदिकारता अडिय मन्तोर।

१ युहनाल 5:2

अनि बसके माक परमेस्वरदुन मया किन्तोरोम अनि ओना आग्यातुन मानेमान्तोरोम इदेनते माक परमेस्वरनोर बालक इन्जोर पुन्तोराट।

३ युहनाल 1:11

हे प्रिय, गलति लोकुरा चेला आयमा मति भला बुतो किन्तोर लोकुरा चेला आम। अनि भला बुतो किन्तोर ओर परमेस्वरनिकेडाल मन्तोर मति बोर गलति किन्तोर ओर परमेस्वरदुन पुनोर।