१ युहनाल 2:7 - Muria Far Western

⁷ हे प्रिय गोतियालोरक, नना मिकुन बोदायि पुनाल आग्या कोटोन मति ओदे आग्या मुनेटाले मिकुन पुटता। इद जुनाल आग्या निमाट केन्जतोरिट ओदेय पोल्लो आन्दु।

१ युहनाल 2:7 Iomraidhean Croise

मत्ति 5:43

येसु असा ओरकुन इतुर, “ ‘निमा आपुना हेरेटोरकुन मया इरा, अनि आपुना दुश्मनसंग दुश्मनि’ इन्जोर निमाट केन्जतोरिट।

युहनाल 13:34

अनि वरोन दुसरोन मया इराट इन्जोर नना मिकुन उन्दि पुनाल आग्या हिन्तोना। नना बदाम मियागा मया इरतोना अदामे निमाट वने वरोन दुसरोन मया इराट।

बुतोंग 17:19

असके ओरक पोलुसिन अरियुपगुस सभातिगा ओतुरक अनि पुच्चेमातुरक, “निमा वेहान्तोन इद पुनाल पोल्लोंग माकुन समजेकिस हिम।”

यहुदि 6:9

मति हे प्रिय लोकुरक, माक इदाम इन्तोरोम ते वने मसिना विस्वासता द्वारा पिसता लोकुरा सोबाय गुण मियागा मन्ता इन्जोर खरोय विस्वास किन्तोरोम।

१ युहनाल 2:24

अनि निमाट बारायि मुनेटाले करिहतोरिट ओदे पोल्लो मियासंग मनि। बारायि निमाट मुनेटाल करियितोरिट ओद मियासंग मनि ते निमाट वने मरिनिगा अनि परमेस्वर बाबोनिगा मनकिट।

१ युहनाल 3:11

अनि मुनेटाले निमाट केन्जता पोल्लो वरोर दुसरोन मया कियाना इन्जोर मन्ता।

१ युहनाल 3:2

हे प्रियलोकुरक, इदेक माक परमेस्वरनोर बालक आन्दाट मति माक बाताल आयकाट इन्जोर इदेक वनाह प्रगट आयोय। अनि बसके येसु प्रगट आयनुर ओर बदाम मन्तोर अदामे माक हुळकाट इन्जोर माक ओना लेहका आयकाट इचोन पुन्तोराट।

१ युहनाल 3:21

हे प्रिय लोकुरक, मावा मन माकुन दोष लावेकेवो आयार ते माकुन परमेस्वरना मुने हिमत मन्ता।

१ युहनाल 3:23

अनि माक ओनोर मरि येसु मसिना पोरोयतिगा विस्वास केविर इन्जोर ओना आग्या मन्ता अनि बदाम ओर माकुन आग्या हितोर अदेना अनुसार आपसते मया किम्ट।

१ युहनाल 4:1

हे प्रिया गोतियालोरक, पकाय खोटाल परमेस्वरना पोल्लो वेहवालोरक दुनियातिगा पसियतोर इन्जोर परमेस्वरना आत्माताल पुटतु इदाम वेहचुन बोरे करिहता बोदे पोल्लोतिगा सान्डेय विस्वास केमाट। मति पकाय ध्यान किस ओद करिहना परमेस्वरनिकेडाल मन्ता या हिले इन्जोर विचार किस समजेमायिला पहाजे।

१ युहनाल 4:11

हे प्रिय गोतियालोरक, परमेस्वर माकुन इदाम मया कितुर ते माक वने आपसते मया इरिला पहाजे।

१ युहनाल 4:21

अनि बोरायि परमेस्वरदुन मया किन्तोर ओर आपुना तमोन वने मया इरीर इन्जोर ओनाकेडाल माकुन आग्या पुटता मन्ता।

१ युहनाल 4:7

हे प्रिय गोतियालोरक, माक आपसते मया इरिला पहाजे बाक्याकि मया परमेस्वरताल वान्ता। बोरायि मया किन्तोर ओर परमेस्वरनिकेडाल जन्मे मातोर अनि ओर परमेस्वरदुन पुन्तोर।